‘ഹലോ മാമുക്കോയയല്ലേ?.. ‘നിങ്ങൾ മരിച്ചില്ലാ?’എന്തൊരവസ്ഥയാണ്!

ഇൻഫർമേഷൻ ആൻഡ് പബ്ലിക് റിലേഷൻസ് വകുപ്പിന്റെ വ്യാജ വാർത്തക്കെതിരായ ക്യാംപെയ്‌നിന്റെ ഭാഗമായി തയാറാക്കിയ വിഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.സ്വന്തം മരണ വാർത്ത വിളിച്ചന്വേഷിക്കുന്നവർക്ക് മറുപടി കൊടുക്കേണ്ടി വരുന്ന അവസ്ഥ മനസിലാക്കിക്കൊടുക്കുന്നതാണ് വിഡിയോ.ഇത് അവതരിപ്പിച്ചിരിക്കുന്നത് നടൻ മാമൂക്കോയയാണ്.

‘ഹലോ മാമുക്കോയയല്ലേ?’, ‘അതെ’ എന്നു മറുപടി. ഉടൻ അടുത്ത ചോദ്യം, ‘നിങ്ങൾ മരിച്ചില്ലാ?’.ഒരാൾ തൻ മരിച്ചിട്ടില്ലെന്ന് മറ്റുള്ളവരെ ബോധിപ്പിക്കുമ്പോൾ ഉണ്ടാകുന്ന അങ്ങനെയൊരു സന്ദര്‍ഭം അവതരിപ്പിച്ചുകാണിക്കുകയാണ് നടൻ മാമൂക്കോയ.നേരം പുലർന്നത് മുതൽ സ്വന്തം മരണവാർത്തയ്ക്ക് നിർത്താതെ മറുപടി പറയേണ്ട അവസ്ഥയുണ്ടായാലുള്ള സ്ഥിതി എങ്ങനെയിരിക്കും. അതാണ് വിഡിയോയിൽ കാണാനാകുക.

പണിയില്ലാത്ത കുറെ പേര് പടച്ചു വിടുന്ന വാർത്ത വിശ്വസിക്കാൻ കുറേപേർ തയാറാവുന്നതാണ് ഇത്തരം കാര്യങ്ങൾ കാട്ടുതീ പോലെ പടർന്നു പിടിക്കാൻ കാരണമാവുന്നതെന്ന് താരം പറയുന്നു. വ്യാജ വാര്‍ത്തകൾക്കെതിരെ ജാഗരൂഗരായിരിക്കാനുള്ള സന്ദേശവും വിഡിയോയിലൂടെ താരം നൽകുന്നു.

about mamukoya