ഷൂട്ടിങ് ചാമ്പ്യന്‍ഷിപ്പില്‍ ജയിച്ചു തല; ആശംസകളുമായി ആരാധകർ!

തമിഴിന്റെ സ്വന്തം തല ഇപ്പോൾ സോഷ്യൽ മീഡിയയിൽ താരമായി മാറിയിരിക്കുകയാണ് നടൻ മാത്രമല്ല മറിച്ചു ഷൂട്ടർ കൂടെയാണ് എന്ന് തെളിയിച്ചിരിക്കുകയാണ്.നിരവധി ആരാധകരാണ് തലക്കുള്ളത് മലയാളത്തിലും തമിഴിലും അജിത്തിനെ ചെല്ലാമായി തല എന്നാണ് വിശേഷിപ്പിക്കുന്നത് .

തമിഴ്‌നാട് ഷൂട്ടിങ് ചാമ്പ്യന്‍ഷിപ്പില്‍ തല അജിത്തിന് രണ്ടാം സ്ഥാനം. വിവിധ ജില്ലകളില്‍ നിന്നായി 850 മത്സരാര്‍ഥികള്‍ പങ്കെടുത്ത 45ാമത് ചാമ്പ്യന്‍ഷിപ്പിലാണ് അജിത് രണ്ടാം സ്ഥാനം കരസ്ഥമാക്കിയിരിക്കുന്നത്. താരത്തിന്റെ ആരാധകര്‍ വിജയം ആഘോഷിക്കുകയാണ്.

കോയമ്പത്തൂര്‍ അവിനാശി റോഡിലുള്ള പിആര്‍എസ് ഗ്രൗണ്ടിലെ ഷൂട്ടിങ് റേഞ്ചിലാണ് ചാമ്പ്യന്‍ഷിപ്പ് നടന്നത്. ചെന്നൈ റൈഫിള്‍ ക്ലബ്ബിന് വേണ്ടിയാണ് ക്ലബ്ബ് അംഗമായ അജിത് മത്സരിക്കാനെത്തിയത്.

അജിത് മത്സരിക്കുന്നതിന്റെ ദൃശ്യങ്ങള്‍ സോഷ്യല്‍ മീഡിയയില്‍ വൈറലായിരുന്നു. രണ്ടാം സ്ഥാനം കരസ്ഥമാക്കിയ അജിത്ത് ഇനി ദേശീയ തലത്തില്‍ മത്സരിക്കും.

‘Thala’ Ajith qualifies for next round in Tamil Nadu State Rifle Championship