പിള്ളേരൊക്കെ വളർന്നു വലുതായി ;അച്ഛൻ ഇപ്പോളും ആ പഴയ 25 വയസ്സിൽ തന്നെ ; കൃഷ്ണ കുമാറിന്റെ പ്രായത്തിൽ അമ്പരന്ന് ആരാധകർ

മലയാള സിനിമയിൽ ഉയർന്നു വന്നുകൊണ്ടിരിക്കുന്ന താരമാണ് നടി അഹാന കൃഷണ . 2014 -ൽ പുറത്തിറങ്ങിയ ഞാൻ സ്റ്റീവ് ലോപ്പസ് എന്ന ചിത്രത്തിലൂടെയാണ് അഹാന തന്റെ സിനിമ ജീവിതം ആരംഭിച്ചത് തന്നെ . ഇതിനുപുറമെ സാമൂഹ്യ മാധ്യമത്തിൽ സ്ഥിരം സജീവമായ ആളാണ് അഹാന. തന്റെ ജീവിതത്തിലെ ഓരോ നിമിഷങ്ങളും അഹാന സോഷ്യൽ മീഡിയയിലൂടെ ആരാധകരോട് പങ്കു വെക്കാറുണ്ട്.നേരത്തെ ചുവന്ന നിറത്തിലെ സാരി ഉടുത്ത ചിത്രം അഹാന പങ്കുവെച്ചിരുന്നു അത് വൻ വൈറലായിരുന്നു .

ഇതായിപ്പോൾ അച്ഛൻ കൃഷ്ണകുമാറിന്റെ ജന്മ ദിനത്തിൽ ആശംസകള്‍ നേർന്ന് കൊണ്ട് ഒരു ചിത്രം പങ്കുവെച്ചിരിക്കുകയാണ്.ചെറുപ്പത്തിൽ അച്ഛനൊപ്പമുള്ള ചിത്രമാണ് പങ്കുവെച്ചിരിക്കുന്നത് . ഇൻസ്റാഗ്രാമിലാണ് ചിത്രം പങ്കുവെച്ചുകൊണ്ട് പോസ്റ്റിട്ടിരിക്കുന്നത് . അച്ഛന് അമ്പത്തിയൊന്നാം ജന്മദിനാശംസകൾ എന്നാണ് അഹാന കുറിച്ചത്. തന്റെ സ്വപ്നങ്ങൾക്കൊപ്പം നിന്നതിനും പിന്തുണച്ചതിനും ഒരുപാട് നന്ദിയുണ്ടെന്നും അഹാന കുറിച്ചു. ഇതാണിപ്പോൾ വൈറലാകുന്നത്

കൃഷ്ണകുമാറിന് അമ്പത്തിയൊന്ന് വയസ്സായെന്ന് പറയില്ലെന്നാണ് ഭൂരിഭാഗം ആളുകളും കമന്റായി പറയുന്നത്. ഇപ്പോഴും ചെറുപ്പമായിരിക്കുന്നുവെന്നും മിനിസ്ക്രീൻ മമ്മൂട്ടിയാണെന്നുമാണ് ആരാധകർ പറയുന്നത് . മറ്റൊരു കൂട്ടർ പറയുന്നത് പിള്ളേരൊക്കെ വളർന്നു വലുതായി .കിച്ചു ഏട്ടൻ ഇപ്പോളും ആ പഴയ 25 വയസ്സിൽ തന്നെ എന്നാണ് .

മലയാളത്തിലും തമിഴിലും ഇപ്പോഴും അഭിനയം തുടരുന്ന കൃഷ്ണകുമാറിന്റെ നാല് പെൺമക്കളിൽ ഒരാളാണ് അഹാന. ടൊവിനോ തോമസിനൊപ്പം ലൂക്കയിലാണ് അഹാന ഒടുവിൽ അഭിനയിച്ചത്. ചിത്രത്തിലെ ഗാനം പ്രേക്ഷകർ ഇരുകയ്യും നീട്ടി സ്വീകരിച്ചിരുന്നു.

krishna kumar b-day- fans -social media