കൂലിപ്പണിക്കിടെ പാടിയ പാട്ട് വൈറലായി – സിനിമയിലേക്ക് ശാന്തക്ക് അവസരമൊരുക്കി നാദിർഷ എത്തി !!

കൂലിപ്പണിക്കിടെ പാടിയ പാട്ട് വൈറലായി – സിനിമയിലേക്ക് ശാന്തക്ക് അവസരമൊരുക്കി നാദിർഷ എത്തി !!

ഇപ്പോൾ സോഷ്യൽ മീഡിയയിലൂടെ വൈറലാകുന്ന ഗായകരുടെ കാലമാണ്. സ്മാർട്ട് ഫോണിന്റെയും ഫേസ്ബുക്കിന്റെ അനന്ത സാധ്യതകളും കഴിവുള്ളവരെ ലോകമറിയുന്നവരാക്കാൻ സഹായിക്കുന്നുണ്ട്. ഇങ്ങനെ പ്രസിദ്ധരായവരുടെ ലിസ്റ്റിലേക്ക് മറ്റൊരാളും കൂടി എത്തുകയാണ്.

ദിവസങ്ങളായി സമൂഹമാധ്യമങ്ങളില്‍ ഒട്ടേറെ പേര്‍ അഭിനന്ദിച്ച് പങ്കുവച്ച വിഡിയോയാണ് ശാന്ത ബാബു എന്ന സാധാരണക്കാരിയുെട പാട്ട്. ഈ വിഡിയോ ശ്രദ്ധയില്‍പ്പെട്ട സിനിമസംഗീത സംവിധായകനായ നാദിര്‍ഷയാണ് ശാന്തക്ക് അവസരം നൽകുന്നത് .

ഞാന്‍ സംഗീതം ചെയ്യുന്നതോ സംവിധാനം ചെയ്യുന്നതോ ആയ സിനിമയില്‍ ഈ ഗായികയ്ക്ക് ഒരവസരം ഉറപ്പായും നല്‍കുമെന്ന് നാദിര്‍ഷ പറഞ്ഞു. കൂലിപ്പണിക്കാരിയായ ശാന്തയുടെ പാട്ടും ശബ്ദവും മികച്ചതാണെന്നും ഈ കലാകാരിയെ വളര്‍ത്തേണ്ടത് നമ്മളെ പോലുള്ളവരുടെ കടമയാണെന്നും നാദിര്‍ഷ പറഞ്ഞു. ഇക്കാര്യം ശാന്തയെ നേരിട്ട് വിളിച്ച് അറിയിച്ചു. ഇതിന് മുന്‍പ് പാടിയിട്ടുണ്ടോ എന്ന് ചോദിച്ചപ്പോള്‍ ഇല്ല എന്ന സത്യസന്ധമായ മറുപടിയാണ് ആ കലാകാരി നല്‍കിയത്. പക്ഷേ ഒന്നുറപ്പിക്കാം ഇനി വരുന്നത് ഈ കലാകാരിയുടെ സമയമാണ് അദ്ദേഹം കൂട്ടിച്ചേര്‍ത്തു.

ജോലി സ്ഥലത്ത് വച്ച് പാടിയ പാട്ടാണ് ശാന്ത ബാബുവിനെ കേരളത്തിന് പ്രിയപ്പെട്ടവളാക്കിയത്. ‘വിജനതയില്‍ പാതി വഴി തേടുന്നു’ എന്ന ഗാനമാണ് ഇവര്‍ ആലപിച്ചത്. വിഡിയോ ൈവറലായതോടെ ഇനിയും അവസരങ്ങളേറെ തേടിവരുമെന്ന ആശംസയാണ് സോഷ്യല്‍ ലോകവും നേരുന്നത്.

nadir shah invites viral singer santha to his film