പൃഥ്വിരാജ് ഇങ്ങനെയാണ്; പാർവതി അങ്ങനെയാണ്; ദുൽഖർ എങ്ങനെയാണ് ?! ടോവിനോ പറയുന്നത് കേൾക്കൂ…

പൃഥ്വിരാജ് ഇങ്ങനെയാണ്; പാർവതി അങ്ങനെയാണ്; ദുൽഖർ എങ്ങനെയാണ് ?! ടോവിനോ പറയുന്നത് കേൾക്കൂ…

മലയാളത്തിലെ യുവതാരങ്ങളിൽ മുൻപന്തിയിൽ തന്നെയാണ് ടോവിനോയുടെ സ്ഥാനം. മികച്ച തിരക്കഥകൾ മാത്രം തിരഞ്ഞെടുക്കുന്ന, നല്ല സിനിമകളിൽ ഭാഗമാകാൻ ശ്രമിക്കുന്ന ടോവിനോ പുതിയ താരങ്ങൾക്ക് ഒരു പ്രചോദനം കൂടിയാണ്. മലയാളത്തിലെ യുവതാരങ്ങളെ കുറിച്ച് ടോവിനോയുടെ വാക്കുകളാണ് ഇപ്പോൾ സോഷ്യൽ മീഡിയയിൽ വൈറൽ ആയിരിക്കുന്നത്.

പറയാനുള്ളത് മുഖത്ത് നോക്കി പറയുന്ന ആളാണ് നടി പാർവ്വതിയെന്ന് യുവതാരം ടൊവിനോ തോമസ്. ഇന്ന് മലയാള സിനിമയിലുള്ള ഏറ്റവും മികച്ച കലാകാരിയാണ് പാർവ്വതിയെന്നാണ് ടൊവിനോ പറയുന്നത്. അടുത്തിടെ ഒരു അഭിമുഖത്തിലാണ് ടൊവിനോ പാർവതിയേയും മറ്റ് താരങ്ങളെയും കുറിച്ച് പറഞ്ഞത്.

കാര്യ ഗൗരവമുള്ള ആളാണ്. നാടകീയത തീരെയില്ല. കാര്യങ്ങള്‍ മുഖത്ത് നോക്കി പറയും. ടേക്ക് ഓഫാണ് പാര്‍വ്വതിയുടെ എനിക്ക് ഏറ്റവും ഇഷ്ടപ്പെട്ട സിനിമയെന്നും ടൊവിനോ പറയുന്നു. ദുൽഖർ മലയാള സിനിമയുടെ ബ്രാൻഡ് അംബാസഡർ ആണെന്നാണ് ടോവിനോ പറയുന്നത്. പൃഥ്വിരാജിനെ കുറിച്ചും ടൊവിനോ വാചാലനാകുന്നുണ്ട്.

പൃഥ്വിരാജ് ഒരു ജ്യേഷ്ഠ സഹോദരനെ പോലെയാണ്. മികച്ചൊരു ടെക്‌നീഷ്യന്‍ കൂടിയാണ് അദ്ദേഹം. ഒരു സിനിമ സെറ്റിലെ എല്ലാ വശങ്ങളും അദ്ദേഹത്തിന് മനപാഠമായിരിക്കും. മെല്‍ ഗിബ്‌സനെയും കമല്‍ഹാസനെയും പോലെയുള്ള ഒരാള്‍. അത് കൊണ്ടാണ് ഞാന്‍ കൂടി ഭാഗമാവുന്ന ലൂസിഫറിന് വേണ്ടി കാത്തിരിക്കുന്നത്.

(ഈ പോസ്റ്റിന്റെ തലക്കെട്ട് മലയാളത്തിലെ പല പ്രമുഖ മാധ്യമങ്ങളുടെയും ഹെഡിങ് രീതിയെ കളിയാക്കി കൊണ്ടുള്ളതാണ്. കാര്യങ്ങൾ തുറന്നു പറയാതെ വളച്ചൊടിക്കുന്ന ഹെഡിങ് നൽകുന്ന രീതി മാറേണ്ടിയിരിക്കുന്നു.)

Tovino about Parvathi, Prithviraj and Dulquer