ഫോട്ടോയെടുക്കുന്നതിനിടെ തോളിൽ വച്ച കൈ മാറ്റാൻ വിജയിയോട് പെൺകുട്ടി! പക്ഷെ വൈറൽ വീഡിയോയ്ക്ക് പിന്നാലെ സംഭവിച്ച സത്യം ഇതാണ്…

ജൂൺ 28നായിരുന്നു വിജയിയുടെ പാർട്ടിയായ തമിഴക വെട്രി കഴകത്തിന്റെ പരിപാടിയായ വിദ്യാര്‍ത്ഥികളെ ആദരിക്കുന്ന ചടങ്ങ് നടന്നത്. പത്ത്, പ്ലസ് ടൂ ക്ലാസുകളിൽ ഉന്നത വിജയം നേടിയവർക്കായിരുന്നു അവാർഡ് നൽകി ആദരിച്ചത്. ഇപ്പോഴിതാ ചടങ്ങിനിടയിൽ നടന്ന സംഭവമാണ് വൈറലായി മാറുന്നത്. ഒരു പെൺകുട്ടിയ്ക്ക് ആദരവ് നൽകിയ ശേഷം അവളുടെ തോളിൽ കെെവച്ച് ഫോട്ടോയെടുക്കുന്നു. ഉടനെ പെൺകുട്ടി കെെ തോളിൽ നിന്ന് മാറ്റാൻ പറയുന്നത് പ്രചരിച്ച വീഡിയോയിൽ ഉണ്ട്. വിജയ് ഉടൻ കെെ മാറ്റുന്നത് വരെയാണ് വീഡിയോയിൽ കാണിക്കുന്നത്. ഈ വീഡിയോയാണ് ആളുകൾ തെറ്റായി വിമർശിച്ചത്. എന്നാൽ ഇതിന്റെ മുഴുവൻ വീഡിയോയും പിന്നാലെ ആരാധകർ പങ്കുവച്ചിരുന്നു. വിജയിയുടെ കെെയിൽ പിടിച്ച് ഫോട്ടോയെടുക്കുന്നതിനാണ് പെൺകുട്ടി തോളിൽ നിന്ന് കെെയെടുക്കാൻ പറയുന്നത്. ഇത്തരത്തിൽ വീഡിയോയോ നെഗറ്റീവ് ആയി വ്യാഖ്യാനിക്കരുതെന്നും പറയുകയാണ് വിജയിയുടെ ആരാധകർ.