പുതിയ തുടക്കം ; വിളക്കേന്തി, പാലുകാച്ചി അമൃത സുരേഷ്; വൈറലായി ചിത്രങ്ങൾ

ഐഡിയ സ്റ്റാർ സിംഗർ എന്ന റിയാലിറ്റി ഷോയിലെ മത്സരാർത്ഥിയായി എത്തിയ നാൾ മുതൽ ആരാധക ഹൃദയങ്ങളിൽ ഇടം നേടിയ ആളാണ് ഗായിക അമൃത സുരേഷ്. നടൻ ബാലയും ആയുള്ള വിവാഹവും വിവാഹമോചനവും വാർത്താകോളങ്ങളിൽ അമൃതയെ കൊണ്ട് നിർത്തിയെങ്കിലും തളരാതെ അമൃത മുന്നോട്ട് പോയി . സ്വന്തമായി മ്യൂസിക് ബാന്റും സ്റ്റേജ് ഷോകളും സിനിമാ പിന്നണി ഗാന രംഗത്തേക്കുള്ള ചുവടുവയ്പുകളുമൊക്കെയായി പിന്നീട് അമൃത കരിയറിലെ മികച്ച വിജയങ്ങൾ സ്വന്തമാക്കി മുന്നേറുന്ന കാഴ്ച്ചയാണ് ആരാധകർ കണ്ടത് . ഇതിനിടയിൽ ഗായകനും സംഗീത സംവിധായകനുമായ ഗോപീ സുന്ദറും ആയുള്ള അമൃതയുടെ പ്രണയവും ഒന്നിച്ചു ജീവിക്കാനുള്ള തീരുമാനവും സമൂഹമാധ്യങ്ങളിൽ വൻ വിവാദങ്ങൾ സ്രീഷ്ടിച്ചിരുന്നു . അമൃതയെ തളർത്താൻ ഇതിനൊന്നും സാധിച്ചില്ല എന്നതാണ് വാസ്തവം.

ഇപ്പോഴിതാ അമൃതയുടെ ജീവിതത്തിൽ പുതിയ ഒരു സന്തോഷം കൂടെ എത്തിയിരിക്കുകയാണ് . കൂടെ നിൽക്കാൻ അമ്മ ലൈലയും അവന്തിക എന്ന മകൾ പാപ്പുവും അനുജത്തി അഭിരാമിയുമുണ്ട്. വിളക്കേന്തി, പാലുകാച്ചൽ നടത്തുന്ന നിമിഷങ്ങൾ അമൃത ഇൻസ്റ്റഗ്രാം സ്റ്റോറി ആയി പോസ്റ്റ് ചെയ്തു. ഇത് അമൃതയുടെ പുതിയ വീടിന്റെ ഗൃഹപ്രവേശമാണോ, അതോ പുത്തൻ സംരംഭമാണോ എന്ന കാര്യം വ്യക്തമായിട്ടില്ല

കൊച്ചി നഗരത്തിലാണ് അമൃതയും കുടുംബവും താമസം. അടുത്തിടെ ജീവിതത്തിൽ അച്ഛനെ നഷ്‌ടപ്പെട്ട ദുഃഖത്തിലായിരുന്നു അമൃതയും അനുജത്തി അഭിരാമിയും. തീർത്തും അപ്രതീക്ഷിതമായി സംഭവിച്ച സ്‌ട്രോക്കിലാണ് പിതാവ് സുരേഷ് വിടവാങ്ങിയത്. പുല്ലാങ്കുഴൽ വിദ്വാനായിരുന്നു അദ്ദേഹം

പുതിയ തുടക്കത്തിന് എന്തായാലും കുടുംബവും, എപ്പോഴും കൂടെ നിൽക്കുന്ന സുഹൃത്തുക്കളും അമൃതയ്‌ക്കൊപ്പമുണ്ട്. അവരെല്ലാം ചേർന്ന് പകർത്തിയ ഒരു സെൽഫി അഭിരാമി പോസ്റ്റ് ചെയ്തു. സംഗീത ലോകത്തെ തിരക്കുകൾക്കിടയിൽ ജീവിതത്തിൽ മറ്റൊരു സന്തോഷം കൂടി കടന്നു വന്നതിന്റെ തിളക്കം ഏവരുടെയും മുഖത്തു പ്രകടമാണ്

അമൃത പുതിയ വിശേഷത്തിന്റെ ദൃശ്യങ്ങൾ ഇൻസ്റ്റഗ്രാം പോസ്റ്റ് ആയി ഇട്ടിട്ടില്ല. ഇവിടെ മുഴുവനും അമൃതയുടെ സംഗീത ലോകത്തെ കാഴ്ചകൾ മാത്രമാണ്.അമൃതയും സഹോദരി അഭിരാമിയും ചേർന്ന് വളരെ വർഷങ്ങൾക്ക് മുൻപ് ആരംഭിച്ച മ്യൂസിക് ബാൻഡ് ആണ് അമൃതംഗമയ. ബാൻഡുമായി കൂടുതൽ സജീവമാവുകയാണ് താൻ എന്ന് അമൃതയുടെ ചില പോസ്റ്റുകളിൽ നിന്ന് മനസ്സിലാകും