കേരള സംസ്ഥാന ടെലിവിഷന്‍ അവാര്‍ഡുകള്‍ പ്രഖ്യാപിച്ചു! മികച്ച സീരിയലിന് ഇത്തവണയും അവാര്‍ഡുകള്‍ ഇല്ല

30-ാമത് കേരള സംസ്ഥാന ടെലിവിഷന്‍ അവാര്‍ഡുകള്‍ പ്രഖ്യാപിച്ചു. സാംസ്‌കാരിക വകുപ്പ് മന്ത്രി വി.എന്‍ വാസവനാണ് പുരസ്‌കാരങ്ങള്‍ പ്രഖ്യാപിച്ചത്.

മികച്ച സീരിയലിന് ഇത്തവണയും അവാര്‍ഡുകള്‍ ഇല്ല. അര്‍ഹമായ സീരിയലുകള്‍ ഒന്നുമില്ലത്തതിനാല്‍ ആ വിഭാഗത്തിന് അവാര്‍ഡ് നല്‍കേണ്ടതില്ല എന്നായിരുന്നു ജൂറി തീരുമാനം.

മികച്ച ലേഖനത്തിനും അവാര്‍ഡ് ഇല്ല. മികച്ച മൂന്നാമത്തെ ടെലി സീരിയലിന് ‘പിറ’ എന്ന് സീരിയല്‍ അര്‍ഹമായി, സംവിധാനം ഫാസില്‍ റസാക്ക്. കഥാ വിഭാഗത്തില്‍ സിദ്ധാര്‍ഥ ശിവ ചെയര്‍മാനായ അഞ്ചംഗ ജൂറിയും, കഥേതര വിഭാഗത്തില്‍ ജി സാജന്‍ ചെയര്‍മാനായ അഞ്ചംഗ ജൂറിയും, രചനാ വിഭാഗത്തില്‍ ക ബി വേണു ചെയര്‍മാനായ മൂന്നംഗ ജൂറിയുമാണ് അവാര്‍ഡുകള്‍ നിര്‍ണയിച്ചത്.

പുരസ്‌കാരങ്ങള്‍:
മികച്ച കഥാകൃത്ത് – ലക്ഷ്മി പുഷ്പ, സീരിയല്‍- കൊമ്പല്‍

മികച്ച ടിവി ഷോ – ഒരു ചിരി ഇരു ചിരി ബമ്പര്‍ ചിരി (എന്റര്‍ടെയ്ന്‍മെന്റ്)

മികച്ച് കോമഡി പ്രോഗ്രാം – അളിയന്‍സ്

മികച്ച ഹാസ്യ അഭിനേതാവ് – ഉണ്ണി രജന്‍ പി (മറിമായം)

കുട്ടികളുടെ മികച്ച ഷോര്‍ട്ട് ഫിലിം – മഡ് ആപ്പിള്‍സ് (സംവിധാനം അക്ഷയ് കീച്ചേരി)

മികച്ച സംവിധായകന്‍ – ഫാസില്‍ റസാക്ക് (പിറ, അതിര്)

മികച്ച നടന്‍ – ഇര്‍ഷാദ് കെ (പിറ)

മികച്ച രണ്ടാമത്തെ നടന്‍ – മണികണ്ഠന്‍ പട്ടാമ്പി

മികച്ച നടി – കാതറിന്‍ (അന്ന കരീന, ഫ്‌ളവേഴ്‌സ്)

മികച്ച രണ്ടാമത്തെ നടി – ജോളി ചിറയത്ത് (കൊമ്പല്‍)

മികച്ച ബാല താരം – നന്ദിത ദാസ് (അതിര്)

മികച്ച ഛായാഗ്രഹകന്‍ – മൃദുല്‍ എസ് (അതിര്)

മികച്ച ദൃശ്യ സംയോജകന്‍ – റമീസ് (പോസിബിള്‍)

മികച്ച സംഗീത സംവിധായകന്‍ – മൂജീബ് മജീദ് (പോസിബിള്‍)

പ്രത്യേക ജൂറി പരാമര്‍ശം – കെ കെ രാജീവ് (അന്ന കരീന), മഞ്ജു പത്രോസ് – (അളിയന്‍സ്)