‘നിലപാട് എന്നും ഒന്നേ ഉണ്ടായിട്ടുള്ളൂ. അത് അവളോടൊപ്പം തന്നെ’ – മഞ്ജു വാര്യർ

‘നിലപാട് എന്നും ഒന്നേ ഉണ്ടായിട്ടുള്ളൂ. അത് അവളോടൊപ്പം തന്നെ’ – മഞ്ജു വാര്യർ

കൊച്ചിയിൽ നടി അക്രമിക്കപെട്ടപ്പോൾ ഏറ്റവും രൂക്ഷമായി പ്രതികരിച്ചത് മഞ്ജു വാര്യരാണ്. പിന്നീട് വനിതാ സംഘടനയുടെ രൂപീകരണത്തിനും മറ്റും ചുക്കാൻ പിടിച്ച മഞ്ജു വാര്യരെ , ദിലീപിനെ സംഘടനയിലേക്ക് തിരിച്ചെടുത്ത വിഷയത്തിൽ പ്രതികരിച്ച് കണ്ടതേയില്ല. അതോടെ മഞ്ജു വാര്യരുടെ നിലപാട് എല്ലാവര്ക്കും സംശയമായി. അവൾക്കൊപ്പമോ എന്ന ചോദ്യങ്ങൾ ഉയര്ന്നു . ഇപ്പോൾ അതിനോട് പ്രതികരിക്കുകയാണ് മഞ്ജു വാര്യർ.

‘നിലപാട് എന്നും ഒന്നേ ഉണ്ടായിട്ടുള്ളൂ. അത് അവളോടൊപ്പം തന്നെ. അത് എന്നും ആവർത്തിച്ച് ഉറക്കെ പ്രഖ്യാപിക്കേണ്ട ഒന്നാണെന്നു തോന്നിയിട്ടില്ല. അത് അവൾക്കറിയാം. എന്നെയും അവളെയും അടുത്തറിയുന്ന എല്ലാവർക്കും അറിയാം. ഞങ്ങളുടേത് ലൈക്കുകളും ഹാഷ് ടാഗുകളും ഉണ്ടാകുന്നതിനു മുമ്പുള്ള ഹൃദയബന്ധമാണ്. അത് എന്നും ഉണ്ടാകും.’

‘ഈ ബഹളങ്ങളും ആരവങ്ങളും എല്ലാം കഴിഞ്ഞാലും. അതു പ്രഖ്യാപിക്കാൻ ഹാഷ് ടാഗുകളുടെ ആവശ്യവുമില്ല. വിവാദങ്ങളും ചർച്ചകളും വരികയും പോകുകയും ചെയ്യും. അതുമായൊന്നും ഇതിനെ കൂട്ടിക്കുഴയ്ക്കാൻ എനിക്കാകില്ല. സംഘടനകളിൽ എടുക്കേണ്ട നിലപാട് അതാത് സമയത്ത് എടുത്തിട്ടുണ്ട്. വ്യക്തിബന്ധങ്ങൾക്കു സംഘടനയോ നിയമാവലിയോ ഒന്നും തടസ്സമാകുമെന്നും ഞാൻ കരുതുന്നില്ല.’–മഞ്ജു പറയുന്നു.

manju warrier about assaulted actress