വർഷങ്ങളായുള്ള പ്രണയം വിവാഹത്തിലേക്ക്..നടൻ വിക്രാന്ത് മാസി വിവാഹിതനായി! വധു ശീതൾ താക്കൂർ

ബോളിവുഡ് നടൻ വിക്രാന്ത് മാസി വിവാഹിതനായി. ശീതൾ താക്കൂറാണ് വധു. വർഷങ്ങളായുള്ള പ്രണയമാണ് ഒടുവിൽ വിവാഹത്തിലേക്ക് എത്തിയത്. അടുത്ത സുഹൃത്തുക്കളും കുടുംബാംഗങ്ങളും മാത്രമാണ് വിവാഹത്തിന് പങ്കെടുത്തത്.

‘ബ്രോക്കൺ ബട്ട് ബ്യൂട്ടിഫുൾ’ എന്ന വെബ് ഷോയുടെ സെറ്റിൽ വച്ച് 2015ലാണ് വിക്രാന്ത് മാസിയും ശീതൾ താക്കൂറും കണ്ടുമുട്ടിയത്. അവർ ഡേറ്റിംഗ് ആരംഭിക്കുകയും 2019 നവംബറിൽ വിവാഹനിശ്ചയം നടത്തുകയും ചെയ്തു.

കുറച്ചുനാളുകളായി സമൂഹമാധ്യമങ്ങളിൽ ഇരുവരുടെയും വിവാഹത്തെ കുറിച്ചുള്ള ഊഹാപോഹങ്ങൾ പ്രചരിക്കുന്നുണ്ട്. 2020ൽ വിവാഹം നടത്താനായിരുന്നു ഇരുവരുടെയും പ്ലാനെങ്കിലും കോവിഡിന്റെയും ലോക്ക്ഡൗണിന്റെയും പശ്ചാത്തലത്തിൽ വിവാഹം നീളുകയായിരുന്നു. അടുത്തിടെ, നിരവധി ഫാൻ പേജുകൾ ഇരുവരുടെയും ഹൽദി ചടങ്ങിൽ നിന്നുള്ള ഫോട്ടോകളും വീഡിയോകളും പോസ്റ്റ് ചെയ്തിരുന്നു.

ടെലിവിഷൻ പരമ്പരകളിലൂടെയുണ്ട് വിക്രാന്ത് മാസി അഭിനയത്തിൽ അരങ്ങേറ്റം കുറിക്കുന്നത്. വിക്രന്ത് ലൂട്ടേര, ‘ദില്‍ ദഡ്ക്കനേ ദോ’, ‘ഹാഫ് ഗേള്‍ഫ്രണ്ട്’, ‘ഛപക്’ എന്നീ സിനിമകളിലൂടെയാണ് വിക്രാന്ത് ശ്രദ്ധ നേടിയത്. എ ഡെത്ത് ഇൻ ദി ഗഞ്ച്, ലിപ്സ്റ്റിക് അണ്ടർ മൈ ബുർക്ക, കാർഗോ, ഡോളി കിറ്റി ഓര്‍ വോ ചമക്തെ സിതാരെ, ജിന്നി വെഡ്സ് സണ്ണി, ഹസീൻ ദില്‍ റൂബ എന്നിവയാണ് വിക്രാന്തിന്റെ മറ്റു പ്രധാന ചിത്രങ്ങൾ.