മേക്കപ്പിടാന്‍ കണ്ണാടി വേണ്ട; ഷൂട്ടിങ് ലൊക്കേഷനിലെ ചിത്രങ്ങൾ പങ്കുവെച്ച് സണ്ണി ലിയോണ്‍

ബോളിവുഡ് നടി സണ്ണി ലിയോണ്‍ പങ്കുവെച്ച പുതിയ ചിത്രങ്ങള്‍ ഇപ്പോള്‍ സോഷ്യല്‍മീഡിയയില്‍ വൈറലാകുകയാണ്. ഷൂട്ടിങ് ലൊക്കേഷനില്‍ നിന്നുള്ള ചിത്രങ്ങളാണ് താരം പങ്കുവെച്ചത്. നിങ്ങള്‍ക്ക് മേക്കപ്പ് ചെയ്യേണ്ടിവരുമ്പോള്‍, മുന്നിലുള്ളതെല്ലാം ഒരു കണ്ണാടിയായി മാറുന്നു. മേക്കപ്പിടാന്‍ കണ്ണാടി വേണ്ടെന്ന് കാണിച്ചുകൊണ്ടാണ് ക്യാമറയില്‍ നോക്കി സണ്ണി മേക്കപ്പിടുന്നത്.

അതേസമയം ഷീറോ എന്ന ചിത്രത്തിലൂടെ മലയാള സിനിമയിലേക്കും നായികയായി ചുവടു വെച്ചിരിക്കുകയാണ് സണ്ണി. ശ്രീജിത്ത് വിജയ് സംവിധാനം ചെയ്യുന്ന ഷീറോ എന്ന സിനിമ ഒരു സൈക്കളോജിക്കല്‍ ത്രില്ലറാണ്.

ഇക്കിഗായ് മോഷന്‍ പിക്‌ച്ചേഴ്‌സിന്റെ ബാനറില്‍ അന്‍സാരി നെക്സ്റ്റല്‍, രവി കിരണ്‍ എന്നിവര്‍ നിര്‍മിക്കുന്ന ചിത്രം മലയാളം, തമിഴ്, ഹിന്ദി, തെലുങ്ക് ഭാഷകളില്‍ റിലീസ് ചെയ്യും. ഏറെ അഭിനയ പ്രാധാന്യമുള്ള നായികാ കഥാപാത്രമാണ് സണ്ണിയുടേത്. ദക്ഷിണേന്ത്യയിലെ പ്രമുഖ താരങ്ങളും ചിത്രത്തില്‍ അണിനിരക്കുന്നുണ്ട്.