‘വരനെ ആവശ്യമുണ്ട്’; സിനിമയിലെ രസകരമായ ഡിലീറ്റഡ് സീൻസ് പങ്കുവെച്ച് ജോണി ആന്റണി !

വരനെ ആവശ്യമുണ്ട്’ സിനിമയിലെ ഡിലീറ്റ് ചെയ്ത സീൻ പുറത്തുവിട്ട് ജോണി ആന്റണി. സുരേഷ് ഗോപിയും ശോഭനയും ഏറെ നാളുകൾക്ക് ശേഷം വീണ്ടും ഒന്നിച്ച് അഭിനയിച്ച ചിത്രമായിരുന്നു വരനെ ആവശ്യമുണ്ട്. 2020ൽ പുറത്തിറങ്ങിയ സിനിമ മികച്ച വിജയം നേടിയിരുന്നു .ഇപ്പോഴിതാ ചിത്രത്തിലെ ചില ഡിലീറ്റഡ് രംഗങ്ങളുമായി എത്തിയിരിക്കുകയാണ് അണിയറപ്രവത്തകർ.

സംവിധായകൻ അനൂപ് സത്യന്റെ യൂട്യൂബ് ചാനലിലൂടെയാണ് വീഡിയോ എത്തിയിരിക്കുന്നത്. ചിത്രത്തിലെ ഇടയിലുള്ള ഭാഗങ്ങൾക്കിടയിൽ നിന്നും രംഗാനങ്ങൾ കൂട്ടിച്ചേർത്താണ് വീഡിയോ പുറത്തിറക്കിയിരിക്കുന്നത്. ജോണി ആന്റണിയും ഡിലീറ്റഡ് വീഡിയോ ഫേസ്ബുക്ക് പേജിലൂടെ പങ്കുവെച്ചിട്ടുണ്ട്.

മലയാളത്തിലെ പ്രശസ്ത സംവിധായകൻ സത്യൻ അന്തിക്കാടിന്റെ മകൻ അനൂപ് സത്യൻ ആദ്യമായി സംവിധാനം ചെയ്ത സിനിമയാണ് വരനെ ആവശ്യമുണ്ട്. സുരേഷ് ഗോപി, ദുൽഖർ സൽമാൻ, ശോഭന, കല്യാണി പ്രിയദർശൻ, ഉർവശി തുടങ്ങിയവർ ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചു.

ദുല്‍ഖര്‍ സല്‍മാന്‍ ആദ്യമായി നിര്‍മിച്ച ചിത്രം കൂടെയാണ് വരനെ ആവശ്യമുണ്ട്. ചിത്രം 28 കോടി കളക്ഷന്‍ ആണ് തിയേറ്ററില്‍ നിന്ന് സ്വന്തമാക്കിയത്. മുൻപും സിനിമയുടെ ഡിലീറ്റഡ് ഭാഗങ്ങൾ അണിയറ പ്രവർത്തകർ പുറത്തുവിട്ടിരുന്നു.

about varane avashyamundu