തന്നോട് ഇത്രയും ആരാധനയുള്ള അവർ സുരക്ഷിതരായിരിക്കട്ടെ…. ചിത്രം പങ്കുവെച്ച് സണ്ണി ലിയോൺ
കേരളത്തില്‍ ഏറെ ആരാധകരുള്ള ബോളിവുഡ് താരമാണ് സണ്ണി ലിയോണ്‍. ഉദ്ഘാടന ചടങ്ങുകൾക്കും മറ്റും തന്നെ കാണാൻ വന്ന ജനക്കൂട്ടത്തെ കണ്ട് സണ്ണി വരെ അദ്ഭുതപ്പെട്ടു പോയ നിമിഷങ്ങളുണ്ടായിരുന്നു.
ഇത്രയേറെ നെഞ്ചിലേറ്റുന്ന നാല് മലയാളി ആരാധകരുടെ ചിത്രം സണ്ണി ലിയോണി സമൂഹമാധ്യമത്തിൽ പങ്കുവച്ചിരുന്നു.
സണ്ണി കുടുംബവുമൊത്ത് തിരുവനന്തപുരത്തുണ്ടായിരുന്നപ്പോൾ പകർത്തിയ ചിത്രമാണിത്. സണ്ണിയെ അവിചാരിതമായി കണ്ടതും ആർപ്പു വിളിക്കുന്ന നാല് സുഹൃത്തുക്കളാണിവർ. ഈ ചിത്രം പോസ്റ്റ് ചെയ്ത് ഇവർ ആരെല്ലാമാണെന്നു കണ്ടെത്താൻ വേണ്ടിയാണ് സണ്ണി ശ്രമിച്ചത്. ഇപ്പോളിതാ ആ ആരാധകരെ സണ്ണി തന്നെ കണ്ടെത്തിയിരിക്കുകയാണ്.
ലീൻ വിനോദ്, സിജിൻ, സ്റ്റെവിൻ, സച്ചു എന്നിവരാണ് ഈ ചിത്രത്തിലുള്ളത്. ഇവർക്ക് സണ്ണി നന്ദി അറിയിക്കുന്നുമുണ്ട്. തന്നോട് ഇത്രയും ആരാധനയുള്ള അവർ സുരക്ഷിതരായിരിക്കട്ടെ എന്നും ഇപ്പോൾ അവർ മാസ്‌ക് ധരിക്കുമായിരിക്കും എന്നും സണ്ണി ചിത്രത്തിനൊപ്പം കുറിച്ചു. ആരാധകരില്‍ നിന്നും കൈയടിയാണ് സണ്ണിക്ക് ലഭിക്കുന്നത്.
ശ്രീജിത്ത് വിജയ് സംവിധാനം ചെയ്യുന്ന ഷീറോ എന്ന ചിത്രത്തിന്റെ ഷൂട്ടിങുമായി ബന്ധപ്പെട്ട് സണ്ണി ലിയോണി ഇപ്പോൾ മൂന്നാറിലാണ്. ഇക്കഴിഞ്ഞ മാതൃദിനത്തിൽ താനും കുടുംബവും കേരളത്തിലെ ലോക്ഡൗണിൽ അകപ്പെട്ടുപോയെന്ന് നടി വെളിപ്പെടുത്തിയിരുന്നു. മൂന്നാറിലെ ഒരു ഹോട്ടലിൽ വച്ച് മാതൃദിനം ആഘോഷിക്കുന്നതിന്റെ ചിത്രങ്ങളും നടി പങ്കുവയ്ക്കുക ഉണ്ടായി.
