ഇത് ആഫ്രിക്കയിൽ നിന്നുള്ള ചിത്രം അല്ല, എന്റെ സ്ക്കൂൾ കാലഘട്ടം ആണ്; ബിഗ് ബോസ് താരത്തിന്റെ കുട്ടിക്കാല ചിത്രം വൈറലാകുന്നു

ബിഗ് ബോസ് താരത്തിന്റെ കുട്ടിക്കാല ചിത്രമാണ് ഇപ്പോൾ ആരാധകർ ഏറ്റെടുത്തിരിക്കുന്നത്. ‘ഇത് ആഫ്രിക്കയിൽ നിന്നുള്ള ചിത്രം അല്ല, എന്റെ സ്ക്കൂൾ കാലഘട്ടം ആണ്. ചിത്രത്തിൽ ഒളിഞ്ഞിരിക്കുന്ന എന്നെ കണ്ടു പിടിക്കൂ, സമ്മാനം നേടൂ. മുഖത്തു കാരുണ്യം നിറഞ്ഞ ഭാവം ഉള്ള ആളെ നോക്കിയാൽ പെട്ടെന്ന് കണ്ടുപിടിക്കാം’എന്ന ക്യാപ്‌ഷനാണ് ചിത്രത്തിന് നൽകിയത്. ചിത്രം ഇതിനോടക്ക് തന്നെ വൈറലായിട്ടുണ്ട്

ചിത്രത്തിൽ ഉള്ളത് ബിഗ് ബോസ് സീസൺ 1 വിജയി സാബുമോൻ അബ്ദുസമദ് ആണ്.

നിരവധി ആരാധകരും സുഹൃത്തുക്കളും സാബുമോന്റെ ചിത്രത്തിന് കമന്റുകളുമായി എത്തുന്നുണ്ട്.

ബിഗ് ബോസിലെ വിജയി ആയതാണ് സാബുവിന്റെ കരിയറില്‍ വലിയ വഴിത്തിരിവുണ്ടാക്കിയത്. ഷോയില്‍ വരുന്നതിന് മുന്‍പ് സിനിമയില്‍ അഭിനയിച്ചിട്ടുണ്ടെങ്കിലും വിരലിൽ എണ്ണാവുന്ന ചിത്രങ്ങളില്‍ മാത്രമാണ് പ്രത്യക്ഷപ്പെട്ടത്.

കരിയറിന്റെ തുടക്കത്തില്‍ പൃഥ്വിരാജിനൊപ്പമുളള നക്ഷത്രക്കണ്ണുളള രാജകുമാരന്‍ അവള്‍ക്കുണ്ടൊരു രാജകുമാരി എന്ന ചിത്രത്തില്‍ സാബു അഭിനയിച്ചിരുന്നു.ശേഷം അയ്യപ്പനും കോശിയിലൂടെ മിന്നും പ്രകടനമാണ് സാബു നടത്തിയത്.