അമ്മയുടെ പാട്ടിന് നൃത്തച്ചുവടുകളുമായി കാജോള്‍- അജയ് ദേവ്ഗണ്‍ പുത്രി; സോഷ്യല്‍ മീഡിയയില്‍ വൈറലായി വീഡിയോ

ബോളിവുഡ് ലോകത്തിലെ പ്രമുഖ താരദമ്പതികളാണ് കാജോളും അജയ് ദേവ്ഗണും. ഇവരുടെ മൂത്ത മകള്‍ നൈസയുടെ നൃത്ത വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്.

അമ്മ കാജോളിന്റെ മനോഹരമായ ഗാനത്തിനാണ് നൈസയും സഹപാഠികളും ചേര്‍ന്ന് നൃത്തം ചെയ്യുന്നത്. നൈസ പഠിയ്ക്കുന്നത് സിംഗപൂരിലാണ്. സ്‌കൂളില്‍ അവതരിപ്പിച്ച ഈ മനോഹര നൃത്തത്തില്‍ ഒരേ പോലെയുള്ള വസ്ത്രം ധരിച്ചാണ് നൈസയും സുഹൃത്തുക്കളും സ്റ്റേജില്‍ എത്തിയത്.

അഭിനയമികവ് കൊണ്ട് തന്നെ ബോളിവുഡിന്റെ കാജോള്‍ അഭിനയിച്ച സിനിമയായ കഭി ഖുഷി കഭി ഗമ്മിലെ ബോലെ ചൂടിയ എന്ന ഗാനത്തിനാണ് ആദ്യം നൈസ നൃത്തം ചെയ്തത്.

പിന്നീട് മൈ നെയിം ഈസ് ഖാനിലെ തേരെ സജ്ദ, നൈന എന്നീ ഗാനങ്ങള്‍ക്കും ചുവടുവെച്ചു. ജബ് വീ മെറ്റിലെ നഗാഡ എന്ന ഗാനത്തോടെയാണ് ഇവര്‍ നൃത്തം അവസാനിപ്പിച്ചത്.