മിനിസ്ക്രീൻ താരം മീര മുരളീധരന് വിവാഹം !

മലയാളി തനിമയാർന്ന മുഖം എന്ന വിശേഷണം ചുരുക്കം ചില നടിമാർക്ക് മാത്രമേ കിട്ടാറുള്ളു. അത്തരത്തിൽ മലയാളികൾ ഏറ്റെടുത്ത ഒരു സീരിയൽ താരമാണ് മീര മുരളീധരൻ. വിടർന്ന കണ്ണുകളും ഗ്രാമീണത തുളുമ്പുന്ന മുഖവും വശ്യതയാർന്ന ചിരിയും ഒരു കവി ഭാവനയ്ക്ക് ഉതകുന്ന നാടൻ സൗന്ദര്യമാണ് മീര മുരളീധരന് .

ഇരുപതോളം സീരിയലുകളിലും പ്രമുഖ റിയാലിറ്റി ഷോകളിൽ അവതാരകയായും മിന്നിത്തിളങ്ങിയ താരം അവസാനമായി പ്രേക്ഷകരിലേക്ക് എത്തിയത് അരുന്ധതി എന്ന മെഗാ സീരിയലിലൂടെയാണ്. ഇപ്പോഴിതാ മീര മുരളീധരന്റെ വിവാഹവാർത്തയാണ് ആരാധകർ ആഘോഷമാക്കിയിരിക്കുന്നത്.

എറണാകുളം സൗത്ത് ചിറ്റൂർ സ്വദേശിയായ മനുശങ്കറാണ് വരൻ. കൊവിഡ് മാനദണ്ഡങ്ങൾ പാലിച്ച് കലവൂരിൽ വെച്ചായിരുന്നു വിവാഹം, വിവാഹ ചടങ്ങിൽ സീരിയൽ മേഖലയിൽ നിന്നിള്ള പ്രമുഖർ പങ്കെടുത്തിരുന്നു. മീരയ്ക്ക് ആശംസയുമായി നടി ഗൗരി കൃഷ്ണ എത്തിയിട്ടുണ്ട്.

വിവാഹ ചിത്രങ്ങൾ പങ്കുവെച്ച് കൊണ്ടാണ് ഗൗരി മീരയ്ക്ക് ആശംസ നേർന്നത്. ഇരുവരും ഏടുത്ത സുഹൃത്തുക്കളാണ്. ഇപ്പോൾ ഇരുവരും ഒന്നിച്ചുള്ള ചിത്രങ്ങൾ സോഷ്യൽ മീഡിയയിൽ വൈറലായിരിക്കുകയാണ്. മീരയെ വിവാഹവേഷത്തിൽ കാണാൻ അതി സുന്ദരിയായിട്ടുണ്ടെന്നും ആരാധകർ പറയുന്നുണ്ട്.

സീരിയലിൽ തിളങ്ങി നിൽക്കുമ്പോഴാണ് നടി അഭിനയത്തിൽ നിന്ന് ചെറിയ ബ്രേക്കെടുക്കുന്നത്. പിന്നീട് സോഷ്യൽ മീഡിയയിൽ കൂടി മാത്രമാണ് മീരയുടെ വിശേഷം പ്രേക്ഷകർ അറിഞ്ഞിരുന്നത്. അഭിനയത്തിൽ നിന്നും ഇടവേളയെടുത്തതിനെ കുറിച്ച് നടി ഒരു അഭിമുഖത്തിൽ പറഞ്ഞിരുന്നു. നടിയുടെ വാക്കുതകൾ ഇങ്ങനെ;

അഭിനയം വിട്ടു എന്ന് പറയാനാകില്ല. പക്ഷേ ഉടനെ ഒരു മടങ്ങിവരവ് ഇല്ല എന്ന് തന്നെ പറയാം. ഒറ്റ കാരണമാണ് അതിനു പിന്നിൽ പഠനം. പണ്ട് മുതൽ ഉള്ള ആഗ്രഹമാണ് ഫാഷൻ ഡിസൈനിങ് പടിക്കണമെന്നുളളത്. അതിപ്പോൾ നടന്നു. ഇപ്പോൾ പഠന തിരക്കുകളിലാണ് ഞാൻ. എല്ലാവരും എന്നോട് ചോദിക്കുന്നുണ്ട്, ഇനി അഭിനയത്തിലേക്കില്ലേ എന്ന്, അത് കേൾക്കുമ്പോൾ ഒരുപാട് സന്തോഷം തോന്നാറുണ്ട്. പ്രേക്ഷകർ എന്നെ ഇത്രത്തോളം സ്നേഹിക്കുന്നുണ്ട് എന്ന് അറിയാൻ സാധിച്ചതിൽ”, എന്നാണ് മീര പറഞ്ഞത്.

തിരുവനതപുരം സ്വദേശിയായ മീര സ്നേഹതീരം എന്ന സീരിയലിലൂടെയാണ് മിനിസ്ക്രീനിലേക്ക് എത്തുന്നത്. ചില നേരങ്ങളിൽ ചില മനുഷ്യർ , ഓട്ടോഗ്രാഫ്, സായ്‌വിന്റെ മകൾ. സന്ധ്യാ വന്ദനം, അനിയത്തി, പൊന്നമ്പിളി, ഇന്ദിര, തുടങ്ങി ഒട്ടനവധി സീരിയലുകളിലൂടെ കുടുംബ പ്രേക്ഷകർക്കിടയിൽ മകളും മരുമകളും അനിയത്തിയുമൊക്കെയായി. ജയസൂര്യ ചിത്രം സെക്കൻഡ്‌സ് എന്ന സിനിമയിലൂടെ ബിഗ് സ്‌ക്രീനിലേക്കും മീര എത്തിയിട്ടുണ്ട്.

about serial actress