താരദമ്പതികളുടെ മകള്‍ ഷനായ കപൂര്‍ബോളിവുഡിലേക്ക്..

ഒരു താരപുത്രികൂടി ബോളിവുഡിലേക്ക് തുടക്കം കുറിക്കുന്നു. സഞ്ജയ് കപൂര്‍- മഹ്ദീപ് കപൂര്‍ താരതമ്പതികളുടെ മകള്‍ ഷനായ കപൂര്‍ സിനിമയിലേക്ക് അരങ്ങേറ്റം കുറിക്കുന്നത്. ധര്‍മ്മ പ്രൊഡക്ഷന്‍ ബാനറില്‍ കരണ്‍ ജോഹര്‍ നിര്‍മിക്കുന്ന പുതിയ ചിത്രത്തിലാണ് ഷനായ വേഷമിടുന്നത്.

സിനിമയില്‍ അരങ്ങേറ്റം കുറിക്കുന്നതിന് മുന്നോടിയായി ഷനായ കപൂര്‍ പാരിസ് നടന്ന ല ബാള്‍ ഫാഷന്‍ ഷോയില്‍ പങ്കെടുത്തിരുന്നു. ലോകത്തെ പ്രശസ്ത കുടുംബങ്ങളില്‍ നിന്നുള്ള കൗമാരപ്രായത്തിലുള്ള കുട്ടികള്‍ പങ്കെടുക്കുന്ന ഫാഷന്‍ ഷോയാണ് ല ബാള്‍.

ബോളിവുഡിലെ സ്റ്റാര്‍ കിഡ്‌സുകളില്‍ പുതിയ തലമുറയില്‍പ്പെട്ട ഒട്ടുമിക്കവരും കരണ്‍ ജോഹര്‍ ചിത്രങ്ങളിലൂടെയാണ് സിനിമയിലെത്തിയത്. ആലിയ ഭട്ട്, വരുണ്‍ ധവാന്‍, ജാന്‍വി കപൂര്‍, അനന്യ പാണ്ഡെ തുടങ്ങിയവരാണ് ഷനായയ്ക്ക് മുന്‍പേ ധര്‍മ്മ പ്രൊഡക്ഷനിലൂടെ സിനിമയിലെത്തിയവര്‍.