ശബരിമല സന്നിധാനത്ത് എസ് പി ബാലസുബ്രഹ്മണ്യം; ചുമട്ടുകാരന്റെ കാല്‍ തൊട്ട് വണങ്ങുന്നു; കണ്ണ് നനയ്ക്കും ഈ വീഡിയോ

എസ് പി ബാലസുബ്രഹ്മണ്യത്തിന്റെ മരണം ഇപ്പോഴും പലർക്കും ഉൾകൊള്ളാൻ സാധിച്ചിട്ടില്ല. അദ്ദേഹത്തിന്റെ വിയോഗം ഇന്ത്യൻ സംഗീതലോകത്തിന് നികത്താനാകാത്ത നഷ്ടമാണ് നൽകിയിരിക്കുന്നത്. പ്രിയഗായകന്റെ വിയോഗവർത്ത അറിഞ്ഞതോടുകൂടെ അതീവദുഖത്തിലാണ് ആരാധകരും സഹപ്രവർത്തകരും.സോഷ്യല്‍ മീഡിയകളില്‍ എവിടെയും അദ്ദേഹത്തിനുള്ള കണ്ണീര്‍ പ്രണാമങ്ങള്‍ ആണ്. ഇപ്പോള്‍ ഇതാ സോഷ്യല്‍ മീഡിയയില്‍ ഏറെ ശ്രദ്ധപിടിച്ചുപറ്റുന്നത് എസ്പിബിയുടെ ഒരു വീഡിയോയാണ്.ശബരിമല ദര്‍ശനത്തിന് അദ്ദേഹം എത്തിയപ്പോഴുള്ള ഒരു വീഡിയോയാണ് ഇത്.സന്നിധാനത്ത് ചുമന്ന് എത്തിച്ച ഡോളി ചുമട്ടുകാരോടുള്ള നന്ദി സൂചകമായി അവരുടെ പാദം തൊട്ടു തൊഴുന്ന എസ്പിബിയാണ് വീഡിയോയിലുള്ളത്. വീഡിയോ സമൂഹ മാധ്യമങ്ങളിൽ വ്യാപകമായി പ്രചരിക്കുകയാണ്

അതെ സമയം ചെന്നൈ റെഡ് ഹില്‍സിലെ അദ്ദേഹത്തിന്‍റെ ഫാം ഹൗസിലാണ് സംസ്കാര ചടങ്ങുകള്‍ നടന്നു
പൂര്‍ണ്ണ ഔദ്യോഗിക ബഹുമതികളോടെയാണ് ചടങ്ങ്. അന്ത്യാഞ്ജലി അര്‍പ്പിക്കാന്‍ സിനിമാമേഖലയില്‍ നിന്നുള്ള അദ്ദേഹത്തിന്‍റെ സഹപ്രവര്‍ത്തകരും നൂറുകണക്കിന് ആരാധകരുമാണ് റെഡ് ഹില്‍സില്‍ എത്തിയത്. കൊവിഡ് പശ്ചാത്തലത്തില്‍ പൊലീസ് കര്‍ശന നിയന്ത്രണങ്ങള്‍ ഏര്‍പ്പെടുത്തിയിരുന്നു. ചലച്ചിത്ര താരങ്ങളായ വിജയ്, അര്‍ജുന്‍, റഹ്മാന്‍, സംവിധായകരായ ഭാരതിരാജ, അമീര്‍ തുടങ്ങിയവർ എത്തിയിരുന്നു