കുട്ടികളെ ലൈംഗികമായി ചിത്രീകരിച്ച് സിനിമാ പോസ്റ്റര്‍; മാപ്പുമായി നെറ്റ്ഫ്‌ളിക്‌സ്

‘ക്യൂട്ടീസ്’ എന്ന ഫ്രഞ്ച് ചിത്രത്തിന്റെ പോസ്റ്റര്‍ ലൈംഗികത പ്രോത്സാഹിപ്പിക്കുന്നു എന്ന ആരോപണത്തില്‍ മാപ്പ് പറഞ്ഞ് നെറ്റ്ഫ്‌ളിക്‌സ്. പതിനൊന്ന് വയസുകാരിയായ പെണ്‍കുട്ടി ഫ്രീ സ്പിരിറ്റ് ഡാന്‍സ് ക്രൂവില്‍ ചേരുന്നതാണ് ചിത്രത്തിന്റെ പ്രമേയം. എന്നാല്‍ ഇതുമായി യാതൊരു ബന്ധമില്ലാതെ പതിനൊന്ന് വയസ്സു മാത്രം പ്രായമുള്ള കുട്ടികളെ ലൈംഗികചുവയോടെ അവതരിപ്പിക്കുന്നതായിരുന്നു നെറ്റ്ഫ്‌ളിക്‌സ് പുറത്തിറക്കിയ പോസ്റ്റര്‍.

ചിത്രം പിന്‍വലിക്കണമെന്നാണ് ആയിരക്കണക്കിന് ആളുകള്‍ ഓണ്‍ലൈന്‍ ക്യാമ്പയ്‌നില്‍ ഒത്തു ചേര്‍ന്നിരിക്കുന്നത്. ഇതോടെയാണ് നെറ്റ്ഫ്‌ളിക്‌സ് മാപ്പ് പറഞ്ഞെത്തിയിരിക്കുന്നത്.

പോസ്റ്റര്‍ അനുചിതമായെന്നും സിനിമയുമായി ബന്ധമില്ലാത്ത രീതിയിലാണ് പോസ്റ്റര്‍ ചെയ്തതെന്നും സമ്മതിച്ച നെറ്റ്ഫ്‌ളിക്‌സ് പുതിയ ചിത്രങ്ങള്‍ ഉടന്‍ പുറത്തുവിടുമെന്നും അറിയിച്ചു. എന്നാല്‍ സിനിമ പിന്‍വലിക്കുമെന്ന് നെറ്റ്ഫ്‌ളിക്‌സ് വ്യക്തമാക്കിയിട്ടില്ല.