നീരജ് മാധവിനെ പിന്തുണച്ച്‌ ചലച്ചിത്ര സാങ്കേതിക പ്രവര്‍ത്തകരുടെ സംഘടനയായ ഫെഫ്ക!

നീരജ് മാധവിന്റെ വെളിപ്പെടുത്തലിനെ പിന്തുണച്ച്‌ ചലച്ചിത്ര സാങ്കേതിക പ്രവര്‍ത്തകരുടെ സംഘടനയായ ഫെഫ്ക. നേരത്തെ ഫേസ്ബുക്ക് പോസ്റ്റിലൂടെ നടന്‍ നീരജ് മാധവ് സിനിമയിലെ വിവേചനത്തെ കുറിച്ച്‌ തുറന്നടിച്ചിരുന്നു. ഇക്കാര്യത്തില്‍ വിശദീകരണം ആവശ്യപ്പെട്ട താര സംഘടനയായ അമ്മയ്ക്ക് നീരജ് കത്തിലൂടെ മറുപടിയും നല്‍കി. പറഞ്ഞതിലുറച്ചു നില്‍ക്കുന്നുവെന്നും ഗൂഢസംഘമുണ്ടെന്ന് പറഞ്ഞത് തന്റെ അനുഭത്തിന്റെ വെളിച്ചത്തിലാണെന്നും നീരജ് മാധവ് കത്തില്‍ വിശദീകരിച്ചു.

അതേസമയം, നീരജ് മാധവിന്റെ വിശദീകരണക്കത്ത് താരസംഘടനയായ അമ്മ ഫെഫ്കയ്ക്ക് കൈമാറുകയായിരുന്നു. ഇതിനുപിന്നാലെയാണ് നീരജിനെ പിന്തുണച്ച്‌ ഫെഫ്ക ജനറല്‍ സെക്രട്ടറി ബി ഉണ്ണികൃഷണന്‍ രംഗത്തെത്തിയത്. നീരജ് മാധവിന്റെ കത്തിലെ ആരോപണങ്ങള്‍ വിശദമായി പരിശോധിക്കേണ്ടതാണെന്ന് അദ്ദേഹം പ്രതികരിച്ചു. മുഴുവന്‍ സിനിമ സംഘടനകളും ഈ വിഷയം ചര്‍ച്ച ചെയ്യണമെന്നും ബി ഉണ്ണികൃഷ്ണന്‍ പറഞ്ഞു.

about neeraj madhav