കേരളത്തിലെ പ്രളയദുരിതാശ്വാസ നിധിയിലേക്ക് ഒരു കോടി; മറക്കില്ല കേരളം നിങ്ങളെ …

സുശാന്ത് സിങ് രജപുത്തിന്റെ മരണ വാർത്ത ഞെട്ടലോടെയാണ് സിനിമ ലോകം കേട്ടത്. 2016 ല്‍ ഇന്ത്യന്‍ ക്രിക്കറ്റ് താരം മഹേന്ദ്ര സിങ് ധോണിയുടെ ജീവിത കഥ പറയുന്ന എം. എസ്. ധോണി:ദി അണ്‍ടോള്‍ഡ് സ്റ്റോറി എന്ന ചിത്രത്തില്‍ ധോണിയുടെ വേഷം അവതരിപ്പിച്ചതിലൂടെ ശ്രദ്ധ നേടുകയായിരുന്നു. മലയാള സിനിമയില്‍ അഭിനയിച്ചിട്ടിലെങ്കിലും മലയാളികള്‍ക്കും ഏറെ പ്രിയങ്കരനാണ് താരം. 2018ലെ പ്രളയകാലത്ത് ഒരു കോടി രൂപയാണ് ഒരു ആരാധകന്റെ പേരിൽ സുശാന്ത് കേരളത്തിന്റെ പ്രളയദുരിതാശ്വാസ നിധിയിലേക്ക് സംഭാവനയായി നൽകിയത്.

തന്റെ കൈവശം പണമില്ലെന്നും ദുരിതത്തിലായ കേരളത്തിലെ ജനങ്ങൾക്കു കുറച്ചു ഭക്ഷണമെങ്കിലും നൽകണമെന്നുണ്ടെന്നും വ്യക്തമാക്കി ഒരു ആരാധകൻ സമൂഹമാധ്യമത്തിൽ സുശാന്തിനെ ടാഗ് ചെയ്ത നൽകിയ കുറിപ്പിനെ പിന്തുടർന്നായിരുന്നു താരം പ്രളയദുരിതാശ്വാസ നിധിയിലേക്ക് ഒരു കോടി രൂപ ആരാധകന്റെ പേരിൽ സംഭാവനയായി നൽകിയത്. സ്ക്രീൻഷോട്ട് സഹിതം സുശാന്ത് തന്നെ സംഭാവന നൽകിയ വിവരം ആരാധകരുമായി പങ്കുവയ്്കുകയും ചെയ്തിരുന്നു.