റേസിങ്ങിലേക്ക് അജിത്തിന്റെ തിരിച്ചു വരവ് ! ആവേശത്തോടെ ആരാധകര്‍

അജിത്ത് റേസിങ്ങിലേക്ക് തിരിച്ചു വരവ് നടത്തുന്നു എന്നറിഞ്ഞതോടെ ആവേശത്തിലാണ് ആരാധകര്‍. നിമിഷ നേരം കൊണ്ടാണ് പോസ്റ്റ് വൈറലായത്. ദേശീയ മോട്ടോര്‍സൈക്കിള്‍ റേസിംഗ് ചാമ്പ്യന്‍ഷിപ്പില്‍ പങ്കെടുത്താണ് അജിത്ത് തന്റെ റേസിങ് ജീവിതം ആരംഭിച്ചത്.

പിന്നീട് നിരവധി റേസിങ് ചാമ്പ്യന്‍ഷിപ്പുകളില്‍ പങ്കെടുത്തെങ്കിലും സിനിമാ കരിയറില്‍ കൂടുതല്‍ ശ്രദ്ധ കേന്ദ്രീകരിക്കനായി മാറി നില്‍ക്കുകയായിരുന്നു. എങ്കിലും വാഹനങ്ങളോടും ബൈക്ക് യാത്രകളോടും റേസിങ്ങിനോടുമുള്ള തന്റെ ഇഷ്ടം അദ്ദേഹം കൈവിട്ടിരുന്നില്ല. സിനിമയ്‌ക്കൊപ്പം ഈ മേഖലകളിലും തന്റെ സാന്നിധ്്യം അദ്ദേഹം രേഖപ്പെടുത്തിയിരുന്നു. 2024-ല്‍ നടക്കുന്ന യൂറോപ്യന്‍ GT4 ചാമ്പ്യന്‍ഷിപ്പില്‍ പങ്കെടുക്കാന്‍ തമിഴ് നടന്‍ അജിത്ത് കുമാര്‍ പദ്ധതിയിടുന്നതായി ഫെഡറേഷന്‍ ഓഫ് മോട്ടോര്‍ സ്പോര്‍ട്സ് ക്ലബ് ഓഫ് ഇന്ത്യ (FMSCI)യുടെ പ്രഖ്യാപനം വന്നതോടെ കാത്തിരിപ്പിലാണ് ആരാധകരും. യുകെയിലും യൂറോപ്പിലും മിഡില്‍ ഈസ്റ്റിലും ഉള്ള ടീമുകളുമായി ചര്‍ച്ചകള്‍ പുരോഗമിക്കുന്നതായി എഫ്എംഎസ്സിഐ സോഷ്യല്‍ മീഡിയയില്‍ പോസ്റ്റ് ചെയ്തു. അജിത്തിന്റെ പഴയ കാല റേസിങ് ചിത്രങ്ങള്‍ക്കൊപ്പമാണ് പോസ്റ്റ് പങ്കുവെച്ചത്. അജിത്തിനെ GT4 ലേക്ക് കൊണ്ടുവരാന്‍ തയ്യാറായി നിരവധി സ്‌പോണ്‍സേഴ്സാണ് രംഗത്തുള്ളതെന്നും FMSCI പറയുന്നു.