പറഞ്ഞതില് തെറ്റില്ല! മോഹൻലാലിനെതിരെ സൈന്യത്തിന് തന്നെ പരാതി നല്കും- പുറത്തിറങ്ങിയതിന് പിന്നാലെ ‘അജു അലക്സ് പറഞ്ഞത്..
നടൻ മോഹൻലാലിനെതിരെ അപകീർത്തിപരമായ പരമാർശം നടത്തിയ ‘ചെകുത്താൻ’ എന്ന യുട്യൂബ് ചാനൽ ഉടമ അജു അലക്സിനെ ഇന്നലെ രാത്രിയോടെയാണ് തിരുവല്ല പൊലീസ്, സ്റ്റേഷൻ ജാമ്യത്തിൽ വിട്ടത്. നേരത്തെ, യൂട്യൂബറുടെ കൊച്ചി ഇടപ്പള്ളിയിലെ താമസ സ്ഥലത്തുനിന്നും കമ്പ്യൂട്ടർ അടക്കം എല്ലാ ഉപകരണങ്ങളും പൊലീസ് പിടിച്ചെടുത്തിരുന്നു. താരസംഘടനയായ അമ്മ ജനറൽ സെക്രട്ടറി നടൻ സിദ്ദീഖിന്റെ പരാതിയിലാണ് മോഹൻലാലിനെ അഅലക്സ് പറഞ്ഞു. എന്നാൽ പുറത്തിറങ്ങിയതിന് പിന്നാലെ താൻ പറഞ്ഞ അഭിപ്രായങ്ങളില് തന്നെ ഉറച്ചുനില്ക്കുകയാണെന്നും മോഹൻലാലിനെ കുറിച്ച് പറഞ്ഞതില് തെറ്റില്ലെന്നും അജു അലക്സ് പറയുകയാണ്.
മോഹൻലാല് വയനാട്ടിലെ ദുരന്തമേഖലയില് പോയത് ശരിയായില്ല. കേരളത്തില് ഒരുപാട് പേര്ക്ക് മോഹൻലാല് വയനാട്ടില് പോയതിനെക്കുറിച്ച് ഇതേ അഭിപ്രായമുണ്ടെന്നും എന്നാല്, ഞാൻ ഉപയോഗിച്ച വാക്കുകള് ശരിയായില്ലെങ്കിലും പറഞ്ഞ കാര്യങ്ങളില് ഉറച്ചു നില്ക്കുന്നു. മോഹൻലാലിനെതിരെ സൈന്യത്തിന് തന്നെ പരാതി നല്കും. ദുരന്തമുഖത്ത് പരിശീലനം കിട്ടിയ ആളുകളുടെ സാന്നിധ്യമാണ് അപ്പോള് അവിടെ വേണ്ടത്. ജീവൻ രക്ഷിക്കാനുള്ള മിലിട്ടറിയുടെ വിലപ്പെട്ട സമയമാണ് അത്രയും നേരം പോയത്. സൈന്യത്തിന്റെ വിലപ്പെട്ട സമയം മോഹൻലാല് കളഞ്ഞു. പൊലീസ് പറഞ്ഞിട്ടാണ് വീഡിയോ നീക്കം ചെയ്തതെന്നും അജു അലക്സ് പറഞ്ഞു. ഒരു മിലിട്ടറി ഉദ്യോഗസ്ഥനാണ് വന്നിരുന്നതെങ്കില് അത്രയധികം ആളുകള് അവിടെ എത്തില്ലായിരുന്നു. ഇത് സെലിബ്രിറ്റി ആയതുകൊണ്ടാണ് ആളുകള് കൂടുകയും സെല്ഫി എടുക്കുകയും ചെയ്തത്.ചെകുത്താൻ പേജുകളില് അടക്കം ഇനിയും അഭിപ്രായങ്ങള് തുറന്നു പറയുമെന്നും അജു അലക്സ് പറഞ്ഞു.
