തകർന്ന വേലികൾ കാണാതെ നിങ്ങളുടെ പൂന്തോട്ടത്തെ ആരാധിക്കുവാനാണ് നിങ്ങളുടെ യഥാർത്ഥ സുഹൃത്ത്- ഷിനു പ്രേം

പെൺ സുഹൃത്തുക്കൾക്കൊപ്പം ചിത്രം പങ്കുവയ്ക്കുമ്പോഴെല്ലാം സംഗീത സംവിധായകൻ ഗോപിസുന്ദർ അധിക്ഷേപം നേരിടാറുണ്ട്. എന്നാലിപ്പോഴിതാ ഗോപി സുന്ദറിനെ ടാഗ് ചെയ്ത് മോഡൽ ഷിനു പ്രേം പങ്കുവെച്ച കുറിപ്പാണ് വൈറലാകുന്നത്. . തകർന്ന വേലികൾ കാണാതെ നിങ്ങളുടെ പൂന്തോട്ടത്തെ ആരാധിക്കുവാനാണ് നിങ്ങളുടെ യഥാർത്ഥ സുഹൃത്ത് എന്ന വരികളോടെയാണ് ഷിനുവിന്റെ പോസ്റ്റ്.

മൈ ഗുരു, റെസ്പെക്ട് ലൈഫ് ,ഷൂട്ട് തുടങ്ങിയ ഹാഷ് ടാഗുകളും ചിത്രത്തിനൊപ്പം പങ്കുവച്ചിട്ടുണ്ട്.2023ൽ മിസ് തൃശൂർ ആയി കിരീടം നേടിയിട്ടുണ്ട് ഷിനു പ്രേം. ഗോപി സുന്ദറിനൊപ്പം നിൽക്കുന്ന ചിത്രം പോസ്റ്റ് ചെയ്തത് ഇതിനകം ചർച്ചയായി കഴിഞ്ഞു. എങ്ങനെയാണ് ഇങ്ങനെ പുതിയ ബന്ധങ്ങൾ ഉണ്ടാക്കുന്നതെന്നുള്ള പരിഹാസ കമന്റുകൾ ഗോപി സുന്ദറിന് നേരേ ഉയരുന്നു. സാധാരണ പരിഹാസങ്ങൾക്കും അധിക്ഷേപങ്ങൾക്കും അതേഭാഷയിൽ തന്നെ ചുട്ട മറുപടികൾ ഗോപി സുന്ദർ നൽകാറുണ്ട്.