രാഷ്ട്രീയ പശ്ചാത്തലത്തില്‍ ഞങ്ങള്‍ ഒരുക്കിയ സിനിമകളിൽ നിന്നാണ് സുരേഷ് ഗോപിയുടെ രാഷ്ട്രീയ ചിന്ത രൂപപ്പെട്ടത്; രഞ്ജി പണിക്കര്‍

സിനിമയിൽ നിന്ന് വിട്ട് നിന്ന് രാഷ്രീയത്തിലേക്ക് പ്രവേശിക്കുകയായിരുന്നു സുരേഷ് ഗോപി. താരത്തിന്റെ ബി.ജെ.പി രാഷ്ട്രീയത്തിലേക്കുള്ള സുരേഷ് ഗോപിയുടെ പ്രവേശനം വലിയ വാര്‍ത്തയായി മാറിയിരുന്നു. മത്സരിച്ചെങ്കിലും അദ്ദേഹത്തിന് വിജയിക്കാന്‍ സാധിച്ചില്ല. ഈ തദ്ദേശ തിരഞ്ഞെടുപ്പിൽ സ്ഥാനാർ ത്ഥികൾക്കായി വോട്ട് അഭ്യർത്ഥിക്കാൻ അദ്ദേഹം നേരിട്ടെത്തുകയായിരുന്നു

ഇപ്പോഴിതാ സുരേഷ് ഗോപിയുടെ രാഷ്ട്രീയ ചിന്തകള്‍ക്ക് പിന്നില്‍ ഞങ്ങളുടെ സിനിമകള്‍ക്കും പങ്കുണ്ടെന്ന് പറയുകയാണ് തിരക്കഥാകൃത്ത് രഞ്ജി പണിക്കര്‍. താരത്തിന്റെ രാഷ്ട്രീയ നിലപാട് പിറവിയെടുത്തതിനെ പറ്റി ഒരു അഭിമുഖത്തിലാണ് രഞ്ജി പണിക്കര്‍ പറയുന്നത്.

രാഷ്ട്രീയ പശ്ചാത്തലത്തില്‍ ഞങ്ങള്‍ ഒരുക്കിയ ചിത്രങ്ങളില്‍ നിന്നാണ് സുരേഷ് ഗോപിയുടെ രാഷ്ട്രീയ ചിന്ത രൂപപ്പെട്ടതെന്ന് പൊതുവേ പറയാറുണ്ട്. അതുവരെ രാഷ്ട്രീയത്തെ അകലെ നിന്ന് വീക്ഷിക്കുകയാണ് സുരേഷ് ചെയ്തിരുന്നത്.സിനിമയുടെ സെറ്റില്‍ ഉണ്ടാവുന്ന രാഷ്ട്രീയ ചര്‍ച്ചകളില്‍ നിന്നാണ് അവന്‍ രാഷ്ട്രീയ ചലനങ്ങളെ സൂക്ഷ്മമായി വീക്ഷിക്കാന്‍ തുടങ്ങിയത്. എനിക്കും ഷാജി കൈലാസിനും ഒരുപോലെ നല്ല ബന്ധമുണ്ടായിരുന്ന വ്യക്തിയാണ് സുരേഷ് ഗോപിയെന്ന് രഞ്ജി പറയുന്നു.