നടി കോഴിക്കോട് ശാരദ അരങ്ങൊഴിഞ്ഞു; മരണകാരണം ഹൃദയാഘാതം ;എണ്‍പതോളം ചിത്രങ്ങളിലും നാടക വേദികളിലും തിളങ്ങിയ താരം ഇനി ഓർമ്മ!

ചലച്ചിത്ര നടി കോഴിക്കോട് ശാരദ അന്തരിച്ചു. നാടക, ടെലിവിഷന്‍ രംഗത്ത് സജീവമായിരുന്ന കോഴിക്കോട് ശാരദയ്ക്ക് 84 വയസായിരുന്നു. കോഴിക്കോട് മെഡിക്കല്‍ കോളേജില്‍ ചികിത്സയിൽ കഴിയവേ ഹൃദയാഘാതത്തെ തുടര്‍ന്നായിരുന്നു അന്ത്യം.

നാടകങ്ങളില്‍ അഭിനയിച്ചു കൊണ്ടായിരുന്നു കോഴിക്കോട് സ്വദേശിയായ ശാരദ അഭിനയ ജീവിതത്തിന് തുടക്കമിടുന്നത്. 1979-ല്‍ അങ്കക്കുറി എന്ന സിനിമയിലൂടെയാണ് വെള്ളിത്തിരയിലേക്ക് എത്തിയത്. ചെറിയ വേഷങ്ങലാണെങ്കിലും സിനിമയിൽ നിറഞ്ഞുനിന്നിരുന്നു.

1985 – 87 കാലങ്ങളില്‍ ഐ.വി ശശി സംവിധാനം ചെയ്ത അനുബന്ധം, നാല്‍ക്കവല, അന്യരുടെ ഭൂമി എന്നീ ചിത്രങ്ങളില്‍ അഭിനയിച്ചു. ഉത്സവപ്പിറ്റേന്ന്, സദയം, സല്ലാപം, കിളിച്ചുണ്ടന്‍ മാമ്പഴം, അമ്മക്കിളിക്കൂട്, നന്ദനം, യുഗപുരുഷന്‍, കുട്ടിസ്രാങ്ക്. എന്നിവയുള്‍പ്പെടെ എണ്‍പതോളം ചിത്രങ്ങളില്‍ ശാരദ അഭിനയിച്ചിട്ടുണ്ട്. ഭൂരിഭാഗം സിനിമകളിലും ചെറിയ വേഷങ്ങളിലായിരുന്നു അഭിനയിച്ചിരുന്നത്. സിനിമകള്‍ കൂടാതെ ടെലിവിഷന്‍ സീരിയലുകളിലൂടെയും പ്രേക്ഷകർക്കിടയിൽ ഇടം നേടാൻ ശാരദയ്ക്ക് സാധിച്ചിട്ടുണ്ട് .

about shardha