റോഷൻ, സത്യം എണ്ണി പറഞ്ഞു; സിനിമയും ലോകവും നിലപാട് പറയുന്നവരുടേത്… പേടി തൂറികളുടെതല്ല; പിന്തുണയുമായി ഹരീഷ് പേരടി

ഒരു പ്രമുഖ മാധ്യമത്തിന് നൽകിയ അഭിമുഖത്തിൽ വാക്കുകൾ വളച്ചൊടിക്കപെട്ടപ്പോൾ മറുപടിയുമായി കഴിഞ്ഞ ദിവസം നടൻ റോഷൻ രംഗത്ത് എത്തിയിരുന്നു

സീ യു സൂൺ എന്ന സിനിമയുടെ ഭാഗമായി നടത്തിയ അഭിമുഖത്തിൽ ദര്ശനയും താനും പറഞ്ഞ വാക്കുകൾ പലതും മാറ്റിയതായി പറയുന്നു. ‘പൈങ്കിളി പ്രയോഗങ്ങളും ഈ ഫീച്ചറിൽ ഉപയോഗിച്ചിരിക്കുന്ന ഭാഷയും ഞങ്ങളുടെ സംസാരശൈലി അല്ല. അങ്ങനെ തോന്നുന്ന വിധം ഫീച്ചർ തയ്യാറാക്കിയതിൽ നല്ല ദേഷ്യം ഉണ്ട്’- എന്നും റോഷൻ തന്റെ ഫേസ്ബുക്ക് കുറിപ്പിൽ കുറിച്ചിരുന്നു

അഭിമുഖത്തിലെ ഓരോ തെറ്റും എടുത്ത് പറഞ്ഞു കൊണ്ടായിരുന്നു റോഷൻ പ്രതികരിച്ചത്. വിമര്‍ശനം ഉയര്‍ന്ന സാഹചര്യത്തിൽ നടൻ്റെ തുറന്നു പറച്ചിലിനെ അഭിനന്ദിച്ച് നടന് പിന്തുണ നൽകി രംഗത്തെത്തിയിരിക്കുകയാണ് നടൻ ഹരീഷ് പേരടി. തൻ്റെ ഫേസ്ബുക്ക് കുറിപ്പിലൂടെയാണ് ഹരീഷ് പേരടി അഭിപ്രായം വ്യക്തമാക്കിയിരിക്കുന്നത്. ഹരീഷ് പേരടിയുടെ ഫേസ്ബുക്ക് കുറിപ്പിൻ്റെ പൂർണ്ണ രൂപം ഇങ്ങനെയാണ്.

‘റോഷൻ, സത്യം എണ്ണി പറഞ്ഞ് നിലപാട് വ്യക്തമാക്കി. ഇനിയുള്ള സിനിമയും ലോകവും നിലപാട് പറയുന്നവരുടെതാണ്. പേടി തൂറികളുടെതല്ല, നാടകം നാടിന്റെ അകമാണ്. നാടകം പഠിച്ചവൻ, കളിച്ചവൻ അങ്ങനെയേ പറയു, അഭിനന്ദനങ്ങൾ. ഓടിടിയാണെങ്കിലും തീയേറ്ററുകളാണെങ്കിലും സിനിമയുടെ യഥാർത്ഥ രാജക്കൻമാർ പ്രേക്ഷകരാണ്.