ജോർജ് കുട്ടിയ്ക്കും കുടംബത്തിനും എന്ത് സംഭവിച്ചു? ദൃശ്യം 2 വിൽ പറയാൻ പോകുന്നത്!

മലയാളി പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് മോഹൻലാൽ – ജീത്തു ജോസ് കൂട്ട്കെട്ടിൽ ഒരുങ്ങുന്ന ദൃശ്യം 2. വർഷങ്ങൾക്ക് ശേഷം തിരികെ എത്തുന്ന ജോർജ്ജ് കുട്ടിക്കും കുടുംബത്തവും എന്തെല്ലാം മാറ്റങ്ങളാണ് ഇവർക്ക് സംഭവിച്ചിരിക്കുന്നതെന്നാണ് എല്ലാവര്ക്കും അറിയേണ്ടത്. ഇപ്പോഴിത അതിനെ കുറിച്ച് വെളിപ്പെടുത്തുകയാണ് സംവിധായകൻ ജീത്തു ജോസഫ്. കോളേജ് വിദ്യാർത്ഥികൾക്കായി കേരള സർക്കാർ നടപ്പിലാക്കുന്ന നൈപുണ്യ വികസന പദ്ധതിയുടെ ഭാഗമായി ഒരുക്കിയ അഭിമുഖത്തിലാണ് ജീത്തു ജോസഫ് ഇക്കാര്യം പറഞ്ഞത്. ആദ്യ ഭാഗത്തിൽ നിന്നും വ്യത്യസ്തമായിട്ടാകും രണ്ടാം എത്തുകയെന്നാണ് അദ്ദേഹം പറയുന്നത്

ഒരു സസ്പെൻസ് ക്രൈം ചിത്രമായികരുന്നു ദൃശ്യം. എന്നാൽ അത് ആദ്യ ഭാഗത്തോടെ അവസാനിച്ചു. ദൃശ്യം 2 ഒരു കുടുംബ ചിത്രമാണ്. ജോർജ്ജ് കുട്ടിയുടേയും കുടുംബത്തിന്റേയും ഇപ്പോഴത്തെ അവസ്ഥയാണ് രണ്ടാം ഭാഗത്തിൽ പറയുന്നത്. ബന്ധങ്ങൾക്കും വികാരങ്ങൾക്കും ഏറെ പ്രധാന്യം നൽകി കൊണ്ടാണ് രണ്ടാം ഭാഗം ഒരുക്കുന്നതെന്നും ജീത്തു അഭിമുഖത്തിൽ പറ‍ഞ്ഞു, അതെ സമയം തന്നെ ദൃശ്യം ഒരു റിയലിസ്റ്റിക് എന്റർടെയ്‌നറായിരിക്കുമെന്നും അദ്ദേഹം കൂട്ടിച്ചേർത്തു.