സുബ്രഹ്മണ്യപുരം എന്ന ഒരൊറ്റ തമിഴ് ചിത്രത്തിലൂടെ തെന്നിന്ത്യൻ ആരാധകരുടെ മനസ്സിൽ ചേക്കേറിയ താരമാണ് നടി സ്വാതി റെഡ്ഢി. നായികയായി അരങ്ങേറിയ ചിത്രം സുബ്രഹ്മണ്യപുരം ആണെങ്കിലും അതിനു മുന്നേ തെലുങ്ക് സിനിമയിൽ സജീവമായിരുന്നു താരം . തുടർന്ന് 2013 -ൽ ആമേൻ എന്ന \ ചിത്രത്തിലൂടെ മലയാളത്തിലും അരങ്ങേറ്റം നടത്തിയെങ്കിലും വളരെ വിരളമായിട്ടാണ് താരം മലയാളത്തിൽ അഭിനയിച്ചിട്ടുള്ളത് . എന്നാലിതായിപ്പോൾ ഒരു ചെറിയ ഇടവേളയ്ക്ക് ശേഷം സ്വാതി വീണ്ടും മലയാളത്തിലേക്ക് തിരികെയെത്തുകയാണ് . നടൻ ജയസൂര്യ നായകനാകുന്ന തൃശൂര്‍ പൂരം’ എന്ന ചിത്രത്തിലൂടെയാണ് സ്വാതിയുടെ മടങ്ങി വരവ്.
രാജേഷ് മോഹന്‍ സംവിധാനം ചെയ്യുന്ന ചിത്രത്തില്‍ ഭാര്യാ-ഭര്‍ത്താക്കന്മാരുടെ വേഷത്തിലാണ് സ്വാതിയും ജയസൂര്യയും എത്തുന്നത്. സംഗീത സംവിധായകന്‍ രതീഷ് വേഗയാണ് ചിത്രത്തിന് തിരക്കഥ ഒരുക്കുന്നത്. ഒരു പക്ക തൃശൂര്‍കാരിയായിട്ടാണ് സ്വാതി ചിത്രത്തില്‍ എത്തുന്നതും ഏറെ പ്രധാനപ്പെട്ട വേഷമാണ് കൈകാര്യം ചെയ്യുന്നതും.
എന്നാൽ , റൗണ്ട് ജയന്‍ എന്ന കഥാപാത്രമായാണ് ജയസൂര്യ എത്തുന്നത്. ഒരു മാസ് ആക്ഷന്‍ നായകനാണ് റൗണ്ട് ജയന്‍. വളരെ അതിശയോക്തി നിറഞ്ഞ ഒരു കഥാപാത്രമാണ് ഇത്. തൃശൂര്‍പൂരത്തിന്റെ വിവിധ ഘട്ടങ്ങളായ കൊടിയേറ്റം, ഇലഞ്ഞിത്തറ മേളം, വെടിക്കെട്ട് തുടങ്ങിയവയ്ക്ക് സമാനമായാണ് ഈ സിനിമ ഒരുക്കിയിരിക്കുന്നത്.
സ്വാതി റെഡ്ഡി, ജയസൂര്യ എന്നിവരെ കൂടാതെ സാബുമോന്‍, ശ്രീജിത്ത് രവി, വിജയ് ബാബു, ഗായത്രി അരുണ്‍, മല്ലിക സുകുമാരന്‍ എന്നിവരും ചിത്രത്തില്‍ പ്രധാന വേഷങ്ങളില്‍ ഉണ്ടാകും. ഈ ചിത്രം മലയാള സിനിമയ്ക്ക് നിരവധി പുതുമുഖങ്ങളെ പരിചയപ്പെടുത്തും. അവര്‍ക്കെല്ലാം സിനിമയില്‍ നല്ല വേഷങ്ങള്‍ ഉണ്ടാകും,’ രതീഷ് വേഗ പറഞ്ഞതായി ഒരു പ്രമുഖ മാധ്യമം റിപ്പോർട്ട് ചെയ്യുന്നു .
തൃശൂര്‍, എറണാകുളം, ഹൈദരാബാദ്, കോയിമ്പത്തൂര്‍, പാലക്കാട് എന്നിവിടങ്ങളാണ് ചിത്രത്തിന്റെ പ്രധാന ലൊക്കേഷനുകള്‍. 65 മുതല്‍ 70 ദിവസത്തെ ഷെഡ്യൂളില്‍ ചിത്രം പൂര്‍ത്തിയാക്കാനാണ് അണിയറ പ്രവര്‍ത്തകര്‍ ശ്രമിക്കുന്നത്.
swathi reddy- malayalam- returns
