ചിരഞ്‍ജീവി സര്‍ജയുടെ സ്‍കെച്ചുമായി സംവിധായകനും മക്കളും; ഫോട്ടോ പങ്കുവെച്ച് മേഘ്‍ന രാജും

നടൻ ചിരിഞ്ജീവി സർജയുടെ അപ്രതീക്ഷിത മരണം തെന്നിന്ത്യൻ സിനിമ ലോകത്തെ ഒന്നടങ്കം ഞെട്ടിച്ചിരുന്നു. മലയാളികള്‍ അടക്കമുള്ള തെന്നിന്ത്യൻ പ്രേക്ഷകര്‍ ഇന്ന് മേഘ്‍ന രാജിനെ സ്വന്തം വീട്ടിലെ ആളെ പോലെയാണ് കാണുന്നത്. മേഘ്‍ന രാജിന്റെയും ചിരഞ്‍ജീവി സര്‍ജയുടെയും ഫോട്ടോകള്‍ ഓണ്‍ലൈനില്‍ തരംഗമാകാറുണ്ട്. ഇപോഴിതാ ചിരഞ്‍ജീവി സര്‍ജയുടെ അടുത്ത സുഹൃത്തായ സംവിധായകന്റെ മക്കളുടെ ഫോട്ടോയാണ്. മേഘ്‍ന രാജ് തന്നെയാണ് ഫോട്ടോ ഷെയര്‍ ചെയ്‍തിരിക്കുന്നത്. ചിരഞ്‍ജീവി സര്‍ജയുടെ സ്‍കെച്ചുള്ള ഫോട്ടോയാണ് മേഘ്‍ന രാജിന്റെ ഇഷ്‍ടം സ്വന്തമാക്കിയത്.

സംവിധായകൻ പന്നഗ ഭരണയും ചിരഞ്‍ജീവിയും വളരെ അടുത്ത സുഹൃത്തുക്കളാണ്. ചിരഞ്‍ജീവി സര്‍ജയുടെ മരണം പന്നഗ ഭരണയെ ഏറെ സങ്കടത്തിലാക്കിയിരുന്നു. എന്റെ സുഹൃത്ത് ഒപ്പമില്ലാതെ ആദ്യമായി ഒരുപാട് ദിവസങ്ങള്‍. വീണ്ടും കാണുമ്പോള്‍ ഇതിനെക്കുറിച്ച് എല്ലാം ഞാൻ നിങ്ങളോട് പറയും. ഞങ്ങളുടെ ചിരിയില്‍ നിങ്ങളുണ്ടാകും. പുഞ്ചിരിച്ചുകൊണ്ട് ജീവിതം നയിക്കാൻ ഞങ്ങള്‍ പഠിച്ചത് നിങ്ങളില്‍ നിന്നാണ് എന്നുമാണ് പന്നഗ ഭരണ ചിരഞ്‍ജീവി സര്‍ജ മരിച്ചത് ഉള്‍ക്കൊള്ളാനാകാതെ എഴുതിയിരുന്നത്. പന്നഗ ഭരണ മക്കള്‍ക്കൊപ്പമുള്ള ഫോട്ടോ പങ്കുവയ്‍ക്കാറുണ്ട്.

ഇത്തവണ തന്റെ അടുത്ത സുഹൃത്ത് ചിരഞ്‍ജീവി സര്‍ജയുടെ സ്‍കെച്ച് മക്കള്‍ പിടിച്ചുനില്‍ക്കുന്ന ഫോട്ടോയാണ് പന്നഗ ഭരണി പങ്കുവച്ചത്. ഇതാണ് മേഘ്ന രാജിന്റെയും ഇഷ്‍ടം സ്വന്തമാക്കിയത്. പത്ത് വർഷം നീണ്ട സൗഹൃദത്തിനൊടുവിലാണ് 2018 ൽ മേഘ്നയും ചിരഞ്ജീവിയും വിവാഹിതരാകുന്നത്. മേഘ്‍ന രാജിനും ചിരിഞ്‍ജീവി സര്‍ജയ്‍ക്കും അടുത്തിടെ ഒരു കുഞ്ഞ് ജനിച്ചത് എല്ലാവരും ആഘോഷമാക്കിയിരുന്നു. കുഞ്ഞ് ജനിച്ച കാര്യം എല്ലാവരെയും അറിയിച്ചത് സഹോദരൻ ധ്രുവ സര്‍ജയാണ്. കുഞ്ഞിന്റെ പേരിടല്‍ ചടങ്ങ് ഗംഭീരമാക്കാനുള്ള ഒരുക്കത്തിലാണ് മേഘ്‍ന രാജും കുടുംബവും.