ഏത് ബ്രാന്‍ഡാണ് ഞാന്‍ കഴിച്ചതെന്ന് ഇവള്‍ കൃത്യമായി പറയുമായിരുന്നു; ദ്യപാന ശീലം നിര്‍ത്തിയത്തിന് പിന്നിലെ കാരണം വെളിപ്പെടുത്തി ; സജു കൊടിയൻ
സാജു കൊടിയൻ എന്ന കലാകാരനെ അറിയാത്ത മലയാളികൾ ചുരുക്കമായിരിക്കും. മലയാള ചലച്ചിത്ര, മിമിക്രി ആർട്ടിസ്റ്റ്. എറണാംകുളം ജില്ലയിലെ ആലുവയിൽ ജനിച്ചു. മിമിക്രി വേദികളിലൂടെയാണ് സാജു കൊടിയൻ പ്രശസ്തനായത്. സാജു കൊടിയന്റെ ആമിനത്താത്ത എന്ന കാരക്ടർ വളരെയധികം ജനപ്രീതി യാർജ്ജിച്ചതായിരുന്നു. ഹരിശ്രീ മിമികി ട്രൂപ്പിലൂടെയാണ് സാജു വളർന്നത്. ദേ മാവേലി കൊമ്പത്ത് എന്ന മിമിക്രി കസറ്റിലും സാജു തന്റെ കഴിവു തെളിയിച്ചിരുന്നു. പറയാം നേടാമിലേക്ക് എത്തിയപ്പോഴായിരുന്നു സാജുവും മിനിയും വിശേഷങ്ങള്‍ പങ്കുവെച്ചത്.
കല്യാണം കഴിഞ്ഞിട്ട് 23 വര്‍ഷമായി. ഇതാദ്യമായാണ് മിനി എനിക്കൊപ്പം ഒരു ഷോയിലേക്ക് വരുന്നത്. വീട്ടില്‍ ഞങ്ങളോടൊക്കെ തമാശകള്‍ പറയാറുണ്ട്. തെറ്റുകളൊക്കെയുണ്ടെങ്കില്‍ ഞങ്ങള്‍ പറഞ്ഞ് കൊടുക്കാറുണ്ടെന്നായിരുന്നു മിനിയെക്കുറിച്ച് സാജന്‍ പറഞ്ഞത്. എല്ലാ പുരുഷന്റെ പുറകിലും ഒരു സ്ത്രീയുണ്ടെന്നല്ലേ. എന്റെ സ്‌ക്രിപ്റ്റിന് പിന്നില്‍ ഒരു മിനി കൈ ഉണ്ട്. മദ്യപാനം നിര്‍ത്തിയതിന് ശേഷമുള്ള സാജുവിനെയാണ് എനിക്കിഷ്ടം. പരിപാടികള്‍ക്കൊക്കെ പോവുമ്പോള്‍ നമുക്കൊരു ആധിയാണ്. ഇപ്പോള്‍ അതൊന്നുമില്ലെന്നും മിനി പറഞ്ഞിരുന്നു. പ്രോഗ്രാം കഴിഞ്ഞ് വരുമ്പോള്‍ മദ്യത്തിന്റെ മണം അറിയാതിരിക്കാനായി കാപ്പിപ്പൊടി തിന്നുകയും പുതിന്‍ഹാര കഴിക്കുകയുമൊക്കെ ചെയ്യുമായിരുന്നു. ഏത് ബ്രാന്‍ഡാണ് ഞാന്‍ കഴിച്ചതെന്ന് ഇവള്‍ കൃത്യമായി പറയുമായിരുന്നു അന്ന് എന്നായിരുന്നു സാജുവിന്റെ കമന്റ്.
ഒളിച്ചോട്ട കല്യാണമായിരുന്നു ഞങ്ങളുടേത്. 8ാം ക്ലാസ് മുതലുള്ള പ്രണയമായിരുന്നു. നീ പ്രധാനമന്ത്രിയായാലും നിനക്ക് ഇവളെ കെട്ടിച്ച് തരില്ലെന്ന് ഇവളുടെ വീട്ടുകാര്‍ പറഞ്ഞിരുന്നു. വീട്ടുകാര്‍ നടത്തി തരില്ലെന്ന് വന്നപ്പോഴാണ് ഒളിച്ചോടിയത്. മൂത്ത പെങ്ങളുടെ അവിടേക്കാണ് പോയത്. അതിന് ശേഷം പള്ളിയില്‍ വെച്ച് കെട്ട് നടത്തി. ഞാന്‍ അന്നാണ് ഗ്ലാമറെന്നാണ് ഈ ഫോട്ടോയൊക്കെ കാണുമ്പോള്‍ മക്കള്‍ പറയാറുള്ളത്. രണ്ട് മക്കളാണ് ഞങ്ങള്‍ക്ക്. ഒരു മോനും മോളും. പ്രധാനമന്ത്രിയായില്ലെങ്കിലും അദ്ദേഹത്തിന്റെ ഡ്യൂപ്പാവാന്‍ പറ്റി.
20 വര്‍ഷമായി പൊട്ടിക്കാത്തൊരു മദ്യക്കുപ്പി കൈയ്യിലുണ്ട്. ആദ്യത്തെ സിനിമയുടെ ഷൂട്ടിനായി നേപ്പാളില്‍ പോയപ്പോള്‍ മേടിച്ചതാണ്. വീട്ടില്‍ കൊണ്ടുവന്ന് ഷോക്കേസില്‍ വെച്ചതാണ്. അത് ഞാനായിട്ട് എന്തായാലും പൊട്ടിക്കില്ല. 2005 ലായിരുന്നു എനിക്ക് ആക്‌സിഡന്റ് സംഭവിച്ചത്. മണിയുടെ പാടിയില്‍ നിന്നും വരുന്ന വഴിയായിരുന്നു. അതിന് ശേഷം ഞാന്‍ മദ്യപിച്ചിട്ടില്ല. ക്വാട്ട തീര്‍ന്നെന്ന് പറഞ്ഞ് മുകളില്‍ നിന്നും ഓര്‍ഡര്‍ വന്നു. ആക്‌സിഡന്റ് സമയത്ത് റിബ്ബിന് ഒടിവുണ്ടായിരുന്നു. ഐസിയുവില്‍ കിടന്ന സമയത്ത് ചുമ വരും, ഈരേഴ് പതിനാല് ലോകവും കാണും. ഇപ്പോള്‍ മദ്യം കാണുമ്പോള്‍ ആ ചുമയാണ് ഓര്‍മ്മ വരുന്നതെന്നും അതോടെയാണ് മദ്യപാന ശീലം നിര്‍ത്തിയതെന്നും സാജു വ്യക്തമാക്കിയിരുന്നു.
