ബോളിവുഡില്‍ നിരവധി ആരാധകരുള്ള താരസുന്ദരിയാണ് ലാറ ദത്ത. രണ്ടായിരത്തില്‍ മിസ് യൂണിവേഴ്‌സ് പട്ടം ലഭിക്കുകയും പിന്നീട് ബോളിവുഡില്‍ തന്റേതായ ഇടം കണ്ടെത്തുകയും ചെയ്ത നടിയാണ് ലാറ. 2003ല്‍ പുറത്തിറങ്ങിയ അന്ദാസ് എന്ന ചിത്രത്തിലൂടെയാണ് ലാറ ബോളിവുഡില്‍ തന്റെ അരങ്ങേറ്റം കുറിക്കുന്നത്. ഇപ്പോഴിതാ ഈ ചിത്രത്തിന്റെ ഓഡിയോ ലോഞ്ചിനെത്തിയപ്പോള്‍ നേരിട്ട ദുരനുഭവത്തേക്കുറിച്ച് തുറന്നുപറഞ്ഞിരിക്കുകയാണ് നടി.
അടുത്തിടെ ഒരു മാധ്യമത്തിന് നല്‍കിയ അഭിമുഖത്തിലാണ് അന്ദാസ് എന്ന ചിത്രത്തിന്റെ ഓഡിയോ റിലീസ് ചടങ്ങിനെത്തിയപ്പോഴുണ്ടായ മോശം അനുഭവം ലാറ ദത്ത പറഞ്ഞത്. ഡല്‍ഹി ചാന്ദ്‌നി ചൗക്കിലെ റിഥം ഹൗസിലായിരുന്നു അന്ന് ചടങ്ങ് നടന്നത്. സാരിയാണ് അന്ന് ധരിച്ചിരുന്നത്. നായകനായ അക്ഷയ് കുമാര്‍, മറ്റൊരു നായികയായ പ്രിയങ്കാ ചോപ്ര എന്നിവരും ഒപ്പമുണ്ടായിരുന്നു.
റിഥം ഹൗസിലേയ്ക്ക് കയറാന്‍ ശ്രമിക്കുമ്പോഴേക്കും വലിയൊരു ജനക്കൂട്ടം വന്നുപൊതിഞ്ഞു. കാരണം മിസ് വേള്‍ഡും മിസ് യൂണിവേഴ്‌സുമാണ് ഒരുമിച്ചെത്തിയിരിക്കുന്നത്. പോരാത്തതിന് അക്ഷയ് കുമാറും ഒപ്പമുണ്ടായതും തിരക്ക് കൂടാന്‍ കാരണമായി.
‘ഈ തിരക്കിനിടയില്‍ മുന്‍പരിചയമില്ലാത്ത ഒരാള്‍ വന്ന് എന്നെ നുള്ളി. സൈനിക പരിശീലനം നേടിയിരുന്നതിനാലായിരിക്കും എനിക്ക് അതത്ര നല്ലതായി തോന്നിയില്ല. അയാളെ ഞാന്‍ തള്ളി നിലത്തിട്ടു, രൂക്ഷമായി ശകാരിച്ചു. ഇതെല്ലാം കണ്ടുനില്‍ക്കുകയായിരുന്ന അക്ഷയ് കുമാര്‍ ആകെ വിഷമിച്ചുപോയി. അദ്ദേഹമെന്നെ പിടിച്ചുമാറ്റി മറ്റൊരുസ്ഥലത്തേയ്ക്ക് കൊണ്ടുപോയി. സിനിമാ നടിയായ ഞാന്‍ ഇങ്ങനെയൊന്നും ചെയ്തുകൂടെന്ന് പറഞ്ഞ് അക്ഷയ് കുമാര്‍ സമാധാനിപ്പിക്കാന്‍ ശ്രമിച്ചു’വെന്നും നടി പറയുന്നു.
രണ്‍നീതി എന്ന വെബ്‌സീരീസിലാണ് ലാറ ദത്ത ഒടുവില്‍ അഭിനയിച്ചത്. നിതേഷ് തിവാരി സംവിധാനം ചെയ്യുന്ന രാമായണയില്‍ ഒരു പ്രധാനവേഷം ചെയ്യുന്നത് ലാറയാണ്. അക്ഷയ് കുമാറിനൊപ്പം വെല്‍ക്കം റ്റു ദ ജംഗിള്‍ എന്ന ചിത്രവും ലാറ ദത്തയുടേതായി അണിയറയില്‍ ഒരുങ്ങുന്നുണ്ട്.
മലയാള സിനിമയുടെ മുഖശ്രീ എന്നറിയപ്പെടുന്ന നടിയാണ് കാവ്യമാധവൻ. സമൂഹ മാധ്യമങ്ങളിൽ സജീവമായ താരം പങ്കുവെക്കുന്ന ഓരോ ചിത്രങ്ങൾക്കും വലിയ പ്രാധാന്യമാണ് ലഭിക്കുന്നത്....
ബോളിവുഡിന്റെ താരറാണിയാണ് ഐശ്വര്യ റായ്. വിവാഹ ശേഷവും ലോകത്തിന്റെ കണ്ണുകൾ ഐശ്വര്യയിൽ ആണ്. 2000ത്തിൽ മമ്മൂട്ടി, ഐശ്വര്യ റായ്, തബു, അജിത്ത്,...
സമൂഹ മാധ്യമങ്ങളിൽ നിറയെ ദിവ്യ ശ്രീധർ – ക്രിസ് വേണുഗോപാൽ വിവാഹവാർത്തയെ കുറിച്ചാണ് ചർച്ചകൾ. ഗുരുവായൂർ ക്ഷേത്രത്തിൽ വെച്ച് അടുത്ത സുഹൃത്തുക്കളുടെയും...
മലയാളികൾക്ക് സുപരിചിതയാണ് നടി വീണ നായർ. സിനിമയിലും സീരിയലിലുമെല്ലാം ഒരുപോലെ തിളങ്ങിയിട്ടുണ്ട് വീണ. അഭിനേത്രിയെന്നതിലുപരിയായ അവതാരകയായും നർത്തകിയായുമെല്ലാം വീണ ശ്രദ്ധ നേടിയിട്ടുണ്ട്....
മലയാള മിനിസ്ക്രീന് ബിഗ്സ്ക്രീന് പ്രേക്ഷകര്ക്കേറെ പ്രിയങ്കരായ താര ജോഡികളാണ് ഗോപിക അനിലും ഗോവിന്ദ് പത്മസൂര്യയും. ജനുവരി 28 നായിരുന്നു ഇരുവരും വിവാഹിതരായത്....
