എന്റെ ജീവിതത്തില്‍ കണ്ട ഏറ്റവും മികച്ച സിനിമ; സാനിയ ഇയ്യപ്പന്‍

ആടുജീവിതം സിനിമയിലെ പൃഥ്വിരാജിന്റെ പ്രകടനത്തെ പ്രശംസിച്ച് നടി സാനിയ ഇയ്യപ്പന്‍. തന്റെ ജീവിതത്തില്‍ കണ്ട ഏറ്റവും മികച്ച സിനിമയാണ് ആടുജീവിതം എന്നാണ് താരം കുറിച്ചത്. സിനിമയില്‍ ഉടനീളം പൃഥ്വിരാജ് ആ കഥാപാത്രമായിരുന്നെന്നുമാണ് സാനിയ പറയുന്നു.

പൃഥ്വിരാജ്, ആ സിനിമയില്‍ ഉടനീളം നിങ്ങള്‍ ആ കഥാപാത്രമായിരുന്നു. ആടുജീവിതം ടീം അനുഭവിച്ച പ്രതിസന്ധികളെല്ലാം നിങ്ങളുടെ കണ്ണിലൂടെ കാണാമായിരുന്നു. എന്റെ ജീവിതത്തില്‍ കണ്ട ഏറ്റവും മികച്ച സിനിമയാണ് ഇത്. ഈ സിനിമയിലൂടെ നിങ്ങള്‍ എന്നും ഞങ്ങളുടെ ഹൃദയത്തിലുണ്ടാകും.

നിങ്ങളുടെ ശബ്ദത്തിലൂടെയും അഭിനയത്തിലൂടെയും വികാരങ്ങളിലൂടെയും നിങ്ങള്‍ നജീബിനോട് നീതി കാണിച്ചു എന്നത് എന്നെ സന്തോഷിപ്പിക്കുന്നു.സാനിയ അയ്യപ്പന്‍ കുറിച്ചു.

സാനിയയ്ക്ക് മറുപടിയുമായി പൃഥ്വിരാജ് എത്തി. ഇന്‍സ്റ്റഗ്രാം സ്‌റ്റോറിയായി സാനിയയുടെ കുറിപ്പ് പങ്കുവച്ചുകൊണ്ടായിരുന്നു മറുപടി. സംവിധായകന്‍ ഡിജോ ജോസ് ആന്റണിയും പോസ്റ്റുമായി എത്തി. എക്കാലത്തേയും മികച്ച ദൃശ്യാവിഷ്‌കാരം എന്നാണ് ഡിജോ കുറിച്ചത്.