രണ്‍ബീര്‍-ആലിയ ഭട്ട് വിവാഹം ജനുവരി 22 നോ? പക്ഷേ ഒരു ട്വിസ്റ്റ്!

ബോളിവുഡ് കാത്തിരുന്ന ആ വാർത്ത പുറത്തുവന്നിരിക്കുകയാണ്.പ്രിയങ്ക ചോപ്ര-നിക്ക് ജോനാസ്, രണ്‍വീര്‍ സിംഗ്-ദീപിക പദുക്കോണ്‍ താരജോഡികൾക്കു ശേഷം രൺബീർ ആലിയ ഭട്ട് വിവാഹം ആരാധകർ കാത്തിരിക്കുന്നതാണ്.ഇപ്പോളിതാ ഇവരുടെ വിവാഹത്തെക്കുറിച്ച് ചില വാർത്തകൾ സോഷ്യൽ മീഡിയയിൽ പ്രചരിക്കുന്നുണ്ട്.

ഇപ്പോളിതാ രണ്‍ബീര്‍-ആലിയ താരജോഡികളുടെ ഒരു വിവാഹക്ഷണക്കത്താണ് ആരാധകര്‍ ഏറ്റെടുത്തിരിക്കുന്നത്.ആദ്യം കത്ത് കണ്ട് സന്തോഷിക്കുകയും അമ്പരക്കുകയും ചെയ്തെങ്കിലും സൂക്ഷിച്ചു നോക്കിയപ്പോഴാണ് സംഗതി വ്യാജമാണെന്ന് പിടികിട്ടിയത്.

കത്ത് പ്രകാരം 2020 ജനുവരി 22-ന് താരങ്ങള്‍ ജോധ്പൂരിലെ ഉമൈദ് ഭവന്‍ പാലസില്‍ വച്ച് വിവാഹിതരാകുമെന്നാണ് വിവരം. എന്നാല്‍ ക്ഷണക്കത്ത് അച്ചടിച്ച വിദ്വാന് പിണഞ്ഞ അബദ്ധങ്ങളാണ് സംഗതി വ്യാജമാണെന്ന് ആരാധകര്‍ക്ക് മനസിലാക്കി കൊടുത്തത്.

കത്തില്‍ ആലിയയുടെ പേരില്‍ തന്നെ അക്ഷരത്തെറ്റ് ഉണ്ട്. ഇത് മാത്രമല്ല ആലിയയുടെ മാതാപിതാക്കളുടെ പേരുകളായി നല്‍കിയിരിക്കുന്നത് സോണി എന്നും മുകേഷ് ഭട്ട് എന്നുമാണ്..സംവിധായകന്‍ മഹേഷ് ഭട്ടിന്റെയും സോണി രസ്ദാന്റെയും മകളാണ് ആലിയ.. മുകേഷ് ഭട്ട് ആലിയയുടെ അമ്മാവനാണ്. ..ഇതോടെ കാര്‍ഡ് ഉണ്ടാക്കിയ വ്യക്തിക്കുള്ള ട്രോളുകളാണ് ട്വിറ്റര്‍ നിറയെ..

alia bhatt ranbir kapoor s fake wedding card