അമ്മ ഇത് എന്നോട് ചോദിക്കുമ്പോഴൊന്നും ഞങ്ങള്‍ റിലേഷനിലല്ല, ഇത് പെട്ടെന്ന് കേട്ടപ്പോള്‍ അമ്മയ്ക്ക് ഞെട്ടലായിപ്പോയി,സൗഭാഗ്യ പറയാതിരുന്നതിനേക്കാള്‍ എന്നെ വിഷമിപ്പിച്ചത് അര്‍ജുന്‍ പറയാതിരുന്നതാണെന്ന് താരകല്യാൺ

സോഷ്യല്‍ മീഡിയയിലൂടെ മലയാളികൾ ഏറ്റെടുത്ത താരമാണ് സൗഭാഗ്യ വെങ്കിടേഷ്. താരപുത്രിയായ സൗഭാഗ്യ സ്വന്തം കഴിവുകൊണ്ടുതന്നെയാണ് ആരാധകരെ നേടിയെടുത്തത്. ടിക്ടോക്കിലൂടെയാണ് താരം ആദ്യം ശ്രദ്ധിക്കപ്പെടുന്നത്. പിന്നീട് സോഷ്യല്‍ മീഡിയയില്‍ സൗഭാഗ്യയയുടെ പേര് നിറസാന്നിധ്യമാവുകയായിരുന്നു. സൗഭാഗ്യയെ പോലെ ഭര്‍ത്താവ് അര്‍ജുനും പ്രേക്ഷകരുടെ പ്രിയങ്കരനാണ്.

കഴിഞ്ഞ വര്‍ഷം അവസാനത്തോട് കൂടിയാണ് സൗഭാഗ്യ ഒരു പെണ്‍കുഞ്ഞിന് ജന്മം കൊടുത്തത്. മകളുടെ കൂടെയുള്ള വിശേഷങ്ങളും മറ്റുമൊക്കെ യൂട്യൂബ് ചാനലിലൂടെയാണ് സൗഭാഗ്യ പങ്കുവെക്കാറുള്ളത്. ഇതെല്ലാം വൈറലായി മാറുകയും ചെയ്യാറുണ്ട്.

വിവാഹം കഴിഞ്ഞ് രണ്ട് വര്‍ഷം പിന്നിടുമ്പോഴും പരസ്പരം സ്‌നേഹത്തോടെയും ബഹുമാനത്തോടെയുമാണ് സൗഭാഗ്യയും അര്‍ജുനും കഴിയുന്നത്. ഒഎസ് സ്വാകാര്യ ചാനല പരിപാടിയിൽ അതിഥിയായി എത്തിയിരിക്കുകയാണ് ഈ താരകടുംബം

എത്ര പറഞ്ഞാലും മതിവരാത്ത തങ്ങളുടെ പ്രണയകഥയാണ് ഇരുവരും പറയുന്നത്. ഒപ്പം ഇത് അറിഞ്ഞപ്പോള്‍ തനിക്കുണ്ടായ വിഷമത്തെക്കുറിച്ച് താരയും മനസ് തുറക്കുന്നു.

വളരെ ചെറുപ്പം മുതലേ ഞങ്ങള്‍ക്ക് പരസ്പരം അറിയാം. ഒരു അഞ്ചാം ക്ലാസ് മുതല്‍ ഞങ്ങള്‍ ഒന്നിച്ചൊക്കെ തന്നെയാണ്. പക്ഷേ റിലേഷനില്‍ ആകുന്നത് കല്യാണത്തിന് വളരെ അടുത്താണ്. ഡാന്‍സ് ക്ലാസില്‍ വെച്ചിട്ടാണ് ഞങ്ങള്‍ കാണുന്നതും പരിചയപ്പെടുന്നതും. കല്യാണത്തെക്കുറിച്ച് വളരെ കാര്യമായി ആലോചിച്ച് തുടങ്ങിയപ്പോഴാണ് എന്ത്‌കൊണ്ട് സൗഭാഗ്യയെ തന്നെ ജീവിത പങ്കാളിയാക്കിക്കൂട എന്ന് തോന്നുകയായിരുന്നു. ഞങ്ങള്‍ക്ക് രണ്ട് പേര്‍ക്കും പരസ്പരം അറിയാം, ഒരുപാട് കാര്യങ്ങളില്‍ ഞങ്ങളുടെ താല്‍പ്പര്യങ്ങള്‍ ഒരേപോലെയാണ്. അങ്ങിനെയാണ് ഇതേക്കുറിച്ച് സംസാരിക്കാം എന്ന് തീരുമാനിക്കുന്നത്. പലപ്പോഴും ഞാന്‍ ചിന്തിച്ചിട്ടുണ്ട് ഇങ്ങനെ ഒരാള്‍ ജീവിതത്തിലേക്ക് വന്നിരുന്നതെങ്കില്‍ എന്നൊക്കെ ഞാന്‍ ചിന്തിച്ചിട്ടുണ്ട്.

ഞങ്ങള് രണ്ട് പേരും എപ്പോഴും ഒന്നിച്ചാണ്, ഇക്കാര്യം ആദ്യം ഞങ്ങള്‍ തമ്മില്‍ തീരുമാനിച്ചു. പിന്നീടാണ് വീട്ടില്‍ അവതരിപ്പിക്കുന്നത്. അമ്മയോടാണ് താന്‍ ഇക്കാര്യം ആദ്യം പറഞ്ഞിരുന്നതെന്ന് സൗഭാഗ്യ പറയുന്നു. ഞങ്ങള്‍ നല്ല സുഹൃത്തുക്കള്‍ ആയിരുന്ന സമയത്ത് ഒരുപാട് ആളുകള്‍ ചോദിക്കുമായിരുന്നു നിങ്ങള്‍ തമ്മില്‍ റിലേഷനിലാണോ എന്നൊക്കെ. എല്ലാവരും പറഞ്ഞ് പറഞ്ഞാണ് എന്നാല്‍ ഒന്ന് നോക്കിയാലോ എന്നൊക്കെ തീരുമാനിക്കുന്നത്. ചിലരൊക്കെ ഇക്കാര്യം അമ്മയോടും ചോദിച്ചിട്ടുണ്ട്. അമ്മ ഇത് എന്നോട് ചോദിക്കുമ്പോഴൊന്നും ഞങ്ങള്‍ റിലേഷനിലല്ല, അതുകൊണ്ട് തന്നെ ഇക്കാര്യം പെട്ടെന്ന് കേട്ടപ്പോള്‍ അമ്മയ്ക്ക് ഞെട്ടലായിപ്പോയി. ഞങ്ങള്‍ പറ്റിച്ചു എന്നൊക്കെ തോന്നി.

മകളാണ് എന്നോട് ഇക്കാര്യം പറയുന്നത്. എനിക്കാദ്യം വല്ലാത്ത ദേഷ്യമാണ് തോന്നിയത്. എന്നെ പറ്റിച്ചത് പോലെയാണ് എനിക്ക് തോന്നിയത്. ഇത് കേട്ടതും പുറത്തേക്ക് വേഗം ഇറങ്ങി നടക്കാനാണ് തോന്നിയത്. എനിക്കെന്തോ എല്ലാം നഷ്ടമായി എന്നൊക്കെ തോന്നി. രാത്രി 12 മണിക്കാണ് ഞങ്ങള്‍ ഇക്കാര്യം സംസാരിക്കുന്നത്. ഇറങ്ങി നടന്നപ്പോള്‍ ഞാന്‍ ചിന്തിച്ചത്, അച്ഛന്‍ പോയി, ഇന് ഇപ്പൊ ഞാനും കൂടി പോയാല്‍ എന്റെ മകള്‍ക്ക് പിന്നെ ആരാണ് ഉള്ളത്. അത് കൊണ്ട് തിരിച്ച് വന്ന് ഞാന്‍ കല്യാണത്തിന് സമ്മതിക്കുകയായിരുന്നു.

സൗഭാഗ്യ പറയാതിരുന്നതിനേക്കാള്‍ എന്നെ വിഷമിപ്പിച്ചത് അര്‍ജുന്‍ പറയാതിരുന്നതാണ്. എനിക്ക് ഏറ്റവും ഇഷ്ടമുള്ള ഒരു സ്റ്റുഡന്റാണ് അര്‍ജുന്‍. എന്റെ അടുത്ത് എന്തും തുറന്ന് പറയുവാനുള്ള സ്‌പേസ് ഞാന്‍ ഇവര്‍ക്ക് കൊടുത്തിട്ടുള്ളതാണ്. അമ്മയോട് പറയാന്‍ചേട്ടന്‍ എന്നോട് തുടക്കം മുതലേ പറയുന്നുണ്ട്. പക്ഷേ ഞാനാണ് ഇപ്പോള്‍ വേണ്ട എനിക്ക് കുറച്ച് സമയം വേണം എന്നൊക്കെ പറയുന്നത്. പെട്ടെന്ന് അമ്മയോട് ഇക്കാരയം പറയാന്‍ എനിക്ക് സാധിക്കുമായിരുന്നില്ല. പക്ഷേ തികച്ചും അപ്രതീക്ഷിതമായി അമ്മ ഇക്കാര്യം ചോദിക്കുകയായിരുന്നു. അമ്മ ഇത് അറിഞ്ഞപ്പോള്‍ ചേട്ടന്‍ പറഞ്ഞത് പോലെ ആദ്യമേ തന്നെ അമ്മയോട് ഇക്കാര്യം പറയാമായിരുന്നു എന്ന് തോന്നി. അങ്ങനെ പറഞ്ഞിരുന്നെങ്കില്‍ അമ്മ ഇങ്ങനെ ഞെട്ടില്ലായിരുന്നു.

ഡാന്‍സ്, പെറ്റ്‌സ്, ബൈക്ക്, കാര്‍ എന്നിങ്ങനെയുള്ള കാര്യങ്ങളിലെല്ലാം ഞങ്ങള്‍ക്ക് ഒരേപോലെയുള്ള താല്‍പ്പര്യങ്ങളാണ്. അതേപോലെ ഇഷ്ടമില്ലാത്ത കാര്യങ്ങളും ഉണ്ട്. വീട് വൃത്തികേടായി കിടക്കുന്നത്, കള്ളം പറയുന്നത് ഇതൊന്നും രണ്ട്‌പേര്‍ക്കും ഇഷ്ടമുള്ള കാര്യങ്ങളല്ല. ഞാന്‍ ചേട്ടന്റെ ഇന്‍ഫ്‌ലുവന്‍സില്‍ കുറേ മാറി. അതുപോലെതന്നെ ചേട്ടന്‍ പെട്ടെന്ന് ദേഷ്യം വരുന്ന ആളായിരുന്നു. ഇപ്പോള്‍ കുറേക്കൂടി ക്ഷമ പഠിച്ചു. പിന്നെ സിനിമ കാണുന്ന കാര്യത്തിലാണ് വലിയ വ്യത്യാസമുള്ളത്. അര്‍ജുന്‍ മസാല സിനിമകളുടെ ആളാണ്. അടി, ഇടി ഒക്കെ വലിയ ഇഷ്ടമാണ്. എന്നാല്‍ സൗഭാഗ്യയും അമ്മ താരയും കുറേക്കൂടി കഥയുള്ള രസകരമായ സിനിമയുടെ ആളുകളാണ്.