അനുഷ്‌ക ഷെട്ടി വിവാഹിതയാകുന്നു, വരന്‍ സംവിധായകന്‍!?; വിവാഹം അടുത്ത സുഹൃത്തുക്കളുടെയും ബന്ധുക്കളുടെയും സാന്നിധ്യത്തില്‍; റിപ്പോര്‍ട്ടുകള്‍ ഇങ്ങനെ

ബോളിവുഡില്‍ നിരവധി ആരാധകരുള്ള താരമാണ് അനുഷ്‌ക ഷെട്ടി. ഇപ്പോഴിതാ അനുഷ്‌ക ഷെട്ടിയും പ്രമുഖ തെലുങ്ക് സംവിധായകനും തമ്മില്‍ വിവാഹിതരാകാന്‍ ഒരുങ്ങുന്നതായുള്ള റിപ്പോര്‍ട്ടുകളാണ് പുറത്ത് വരുന്നത്. തെലുങ്കില്‍ അനുഷ്‌കയുടെ രണ്ട് ചിത്രങ്ങള്‍ ഒരുക്കിയ സംവിധായകനെയാണ് താരം വിവാഹം ചെയ്യുന്നത് എന്ന തരത്തിലാണ് വാര്‍ത്തകള്‍ വരുന്നത്.

അടുത്ത സുഹൃത്തുക്കളുടെയും ബന്ധുക്കളുടെയും സാന്നിധ്യത്തിലാകും വിവാഹമെന്നും മാധ്യമങ്ങള്‍ റിപ്പോര്‍ട്ട് ചെയ്യുന്നുണ്ട്. എന്നാല്‍ അനുഷ്‌കയോ സുഹൃത്തുക്കളോ വിവാഹ വാര്‍ത്തയോട് ഇതുവരെ പ്രതികരിച്ചിട്ടില്ല.

ഇതിനു മുമ്പും പല സെലിബ്രിറ്റികളുടെയും അനുഷ്‌കയുടെയും പേര് ചേര്‍ത്ത് മുമ്പും പല ഗോസിപ്പുകളും ഉയര്‍ന്നതിനാല്‍ താരം വാര്‍ത്ത സ്ഥിരീകരിക്കുന്നത് കാത്തിരിക്കുകയാണ് ആരാധകര്‍.

ബാഹുബലി എന്ന ചിത്രത്തിന്റെ വമ്പന്‍ വിജയത്തിന് ശേഷം പ്രഭാസും അനുഷ്‌കയും തമ്മില്‍ പ്രണയത്തിലാണെന്നും വൈകാതെ വിവാഹിതരാകുമെന്നും അഭ്യൂഹങ്ങള്‍ പരന്നിരുന്നു. എന്നാല്‍ ഇവയെല്ലാം നിഷേധിച്ച് താരം തന്നെ രംഗത്ത് വരികയായിരുന്നു.

ഇതിന് പിന്നാലെ ദക്ഷിണേന്ത്യയിലെ ഒരു ക്രിക്കറ്റ് താരവുമായി താരം പ്രണയത്തിലാണെന്ന താരത്തില്‍ വ്യാജവാര്‍ത്തകള്‍ പുറത്തുവന്നതോടെ ഞാന്‍ വിവാഹിതയാകുമ്പോള്‍ നിങ്ങനെ എല്ലാവരെയും അറിയിക്കാമെന്നായിരുന്നു അനുഷ്‌ക പ്രതികരിച്ചത്.