Malayalam
വിവാഹത്തിന് മുന്‍പ് സിതാരയെ പരിചയമുണ്ടായിരുന്നു… നേരത്തെ അറിയാവുന്നൊരാളെ വിവാഹം ചെയ്യണമെന്നായിരുന്നു ആഗ്രഹം.. നിന്റെ വീട്ടില്‍ വന്ന് വിവാഹത്തെക്കുറിച്ച് സംസാരിക്കട്ടെ എന്ന് ചോദിച്ചപ്പോള്‍ സിതാരയുടെ മറുപടി
വിവാഹത്തിന് മുന്‍പ് സിതാരയെ പരിചയമുണ്ടായിരുന്നു… നേരത്തെ അറിയാവുന്നൊരാളെ വിവാഹം ചെയ്യണമെന്നായിരുന്നു ആഗ്രഹം.. നിന്റെ വീട്ടില്‍ വന്ന് വിവാഹത്തെക്കുറിച്ച് സംസാരിക്കട്ടെ എന്ന് ചോദിച്ചപ്പോള്‍ സിതാരയുടെ മറുപടി
നിരവധി മനോഹര ഗാനങ്ങളിലൂടെ മലയാളി പ്രേക്ഷകരുടെ പ്രിയ ഗായികമാരില്‍ ഒരാളായി മാറിയ താരമാണ് സിത്താര കൃഷ്ണ കുമാര്‍. സോഷ്യല്‍ മീഡിയയില്‍ വളരെ സജീവമായ താരം ഇടയ്ക്കിടെ തന്റെ ചിത്രങ്ങങ്ങളും വിശേഷങ്ങളും എല്ലാം തന്നെ പങ്കുവെച്ച് എത്താറുണ്ട്. റിയാലിറ്റി ഷോയില്‍ വിധികര്‍ത്താവായും സിതാര എത്താറുണ്ട്.
വിവാഹത്തെക്കുറിച്ചും ഭര്‍ത്താവിന്റെ പിന്തുണയെക്കുറിച്ചും തുറന്നുപറഞ്ഞുള്ള സിതാരയുടെ വീഡിയോ സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്. ഭാഗ്യലക്ഷ്മി അവതരിപ്പിക്കുന്ന പരിപാടിയില്‍ പങ്കെടുത്തപ്പോഴായിരുന്നു സിതാരയും ഭര്‍ത്താവായ ഡോക്ടര്‍ സജീഷും വിവാഹത്തെക്കുറിച്ചും പ്രണയത്തെക്കുറിച്ചും തുറന്നുപറഞ്ഞത്.
വിവാഹത്തിന് മുന്‍പ് സജീഷിന് സിതാരയെ പരിചയമുണ്ടായിരുന്നു. കലോത്സവ വേദികളിലൂടെയായി സിതാരയെ അറിയാമായിരുന്നു. വേദികളിലെല്ലാം സിതാര സജീവമായിരുന്നു. നേരത്തെ അറിയാവുന്നൊരാളെ വിവാഹം ചെയ്യണമെന്നുണ്ടായിരുന്നു. മാതാപിതാക്കളായിട്ട് പോയി കണ്ടുപിടിക്കുന്നതിന് പകരം ഞാന്‍ തന്നെ കണ്ടെത്തണം എന്നുണ്ടായിരുന്നു എന്നായിരുന്നു സജീഷ് പറഞ്ഞത്.
ലവ് മാര്യേജ് എന്ന് പറയാനാവില്ല. എല്ലാ മാര്യേജും ലവ് മാര്യേജാണ്. ഞങ്ങള്‍ തമ്മില്‍ പരിചയപ്പെട്ട് വിവാഹത്തെക്കുറിച്ച് പറഞ്ഞപ്പോള്‍ വീട്ടുകാര്‍ക്കൊന്നും എതിര്‍പ്പുണ്ടായിരുന്നില്ല. എന്‍ഗേജ്‌മെന്റ് കഴിഞ്ഞ് ഒന്നര വര്‍ഷത്തിന് ശേഷമായിരുന്നു വിവാഹം. വീട്ടില്‍ പ്രശ്‌നങ്ങളൊന്നുമില്ലായിരുന്നു. അച്ഛനും അമ്മയ്ക്കുമൊക്കെ എന്റെ സങ്കല്‍പ്പം അറിയാമായിരുന്നു. കോഴ്‌സൊക്കെ കഴിഞ്ഞ് ഞാന്‍ തന്നെ നോക്കിക്കോളാമെന്ന് പറഞ്ഞിരുന്നു.
കോഴ്‌സ് കഴിഞ്ഞതിന് ശേഷമാണ് എനിക്കറിയാവുന്ന പെണ്‍സുഹൃത്തുക്കളില്‍ കല്യാണം കഴിഞ്ഞ് ഒന്നിച്ച് ജീവിക്കുന്നയാള്‍ ആരൊക്കെയാണെന്ന് നോക്കിയത്. അതില്‍ ആദ്യം വന്ന പേരാണ് സിതാര. സിതാരയുടെ വീട്ടുകാരേയും എനിക്ക് നന്നായി അറിയാം. യൂണിവേഴ്‌സിറ്റി കലോത്സവമൊക്കെ വരുന്ന സമയത്ത് സംസാരിക്കാറുണ്ട്. എന്റെ വീട്ടില്‍ പറഞ്ഞ് നിന്റെ വീട്ടില്‍ വന്ന് വിവാഹത്തെക്കുറിച്ച് സംസാരിക്കട്ടെ എന്ന് ചോദിച്ചപ്പോള്‍ സിതാര ഓക്കെ പറഞ്ഞിരുന്നു. ഞാന്‍ തന്നെ നേരില്‍ പോയി വിവാഹത്തെക്കുറിച്ച് സംസാരിക്കണമെന്നൊക്കെ കരുതിയിരുന്നു. എന്തോ ഭാഗ്യത്തിന് എല്ലാം ആഗ്രഹിച്ചത് പോലെ തന്നെ സംഭവിച്ചു.
സിനിമകളില്‍ കൂടുതലായി പാടിത്തുടങ്ങിയത് വിവാഹ ശേഷമായിരുന്നു. ഞാന്‍ സിനിമയില്‍ പാടിക്കേള്‍ക്കണമെന്ന് എന്നേക്കാള്‍ കൂടുതല്‍ ആഗ്രഹിക്കുന്നത് സജീഷാണ്. നന്നായി ഭാര്യയെ പിന്തുണയ്ക്കുന്നയാളാണ് താനെന്ന് സജീഷും പറഞ്ഞിരുന്നു. കലാകാരനാവണം എന്ന് ആഗ്രഹമുണ്ടായിരുന്നു. ഡോക്ടറാവാനും ആഗ്രഹിച്ചു. കലാജീവിതത്തില്‍ എനിക്ക് കിട്ടാതെ പോവുന്ന അംഗീകാരവും അവസരവും സിതാരയ്ക്ക് ലഭിക്കുന്നതില്‍ സന്തോഷമേയുള്ളൂ. സിതാരയെ പോലെയുള്ളൊരാളാണ് ഭാര്യയെങ്കില്‍ അറിയാതെ സപ്പോര്‍ട്ട് ചെയ്ത് പോവും. കാരണം അവള്‍ എടുക്കുന്ന എഫേര്‍ട്ട് ഞാന്‍ കാണുന്നുണ്ടെന്നുമായിരുന്നു സജീഷ് ഭാഗ്യലക്ഷ്മിയുടെ ചോദ്യത്തിന് മറുപടിയായി പറഞ്ഞത്.
