ജൂഡ് ആന്റണി ചിത്രം ‘2018 ‘ നിറഞ്ഞ സദസ്സിൽ തീയേറ്ററിൽ പ്രദർശനം തുടരുകയാണ്. മലയാളത്തില്‍ ഏറ്റവും വേഗത്തില്‍ 100 കോടി നേടുന്ന ചിത്രം എന്ന ഖ്യാതിയും 2018 സ്വന്തമാക്കി കഴിഞ്ഞു.
ചിത്രം മുന്നേറുമ്പോള്‍ പലവിധ ആരോപണങ്ങളും വിമര്‍ശനങ്ങളും ചിത്രം നേരിട്ടിരുന്നു. എന്നാല്‍ ഇപ്പോഴിതാ ചിത്രത്തെ പിന്തുണച്ച് രംഗത്ത് വന്നിരിക്കുകയാണ് നടന് ജോയ് മാത്യു.
ജോയ് മാത്യു പറഞ്ഞത്
2018 – ജീവിത യാഥാര്‍ഥ്യങ്ങളുമായി കോര്‍ത്തിണക്കുമ്പോഴേ സിനിമയും സാഹിത്യവുമൊക്കെ ആസ്വാദ്യകരമാവൂ, മഹത്തായ സൃഷ്ടിയാകൂ.മലയാളി ഈ നൂറ്റാണ്ടില്‍ അനുഭവിച്ച പ്രളയ ഭീകരതയെ വെറുതെ ഒരു ഡോക്യുമെന്ററിയാക്കി ചുരുക്കാതെ മനുഷ്യജീവിതത്തിലെ മനോഹരങ്ങളായ മുഹൂര്‍ത്തങ്ങളിലൂടെ വളര്‍ന്ന് ഒടുക്കം മഴയും മരണവുമായുള്ള മല്പിടുത്തങ്ങളിലേക്കെത്തിച്ച സിനിമയുടെ സംവിധാന സാഹസികതയുടെ നേട്ടം അമരക്കാരനായ ജൂഡ് അന്റണിക്ക് മാത്രം അവകാശപ്പെട്ടതാണ്.
ഇത്തരമൊരു ചലച്ചിത്രേതിഹാസത്തിനു പൂര്‍ണ പിന്തുണ നല്‍കിയ നിര്‍മ്മാതാക്കളായ വേണു കുന്നപ്പള്ളി ,ആന്റോ ജോസഫ് ,പത്മകുമാര്‍ എന്നിവരും ആദരമര്‍ഹിക്കുന്നു. അന്യഭാഷാ അമര്‍ ചിത്രകഥകള്‍ കണ്ട് രോമാഞ്ചമണിയേണ്ടിവന്ന നമുക്ക് ഇതാ ഇപ്പോള്‍ സാങ്കേതികമേന്മയില്‍ മുന്‍പനായിത്തന്നെ മലയാളിയെയും അവന്റെ ജീവിതത്തെയും ലോകസിനിമയില്‍ അടയാളപ്പെടുത്തിയ മഹാകാവ്യമാണ്
2018.
എന്നാല്‍ ചില പാര്‍ട്ടി മാധ്യമ പ്രവര്‍ത്തകര്‍ (പാ മാ പ്രാകള്‍ )മുഖ്യനെ പുകഴ്ത്തിയില്ല, അതിനാല്‍ ഈ സിനിമ നന്നല്ല എന്നെല്ലാം പ്രചരിപ്പിക്കുന്നത് കണ്ടു. സത്യത്തില്‍ സംവിധായകന്‍ ജൂഡിനോട് പാ മാ പ്രകള്‍ നന്ദിയുള്ളവരായിരിക്കുകയാണ് വേണ്ടത്. എല്ലാം തുറന്നുകാണിച്ചില്ല എന്നതിനു മാത്രമല്ല പേമാരിയ്ക്കു പിന്നാലെ കൊടിയ ദുരന്തത്തിന് കാരണഭൂതമാകിയ ബുദ്ധിഹീനമായ ഡാം മാനേജ്‌മെന്റും ഒരു ജനതയെ തകര്‍ത്തെറിഞ്ഞ പ്രളയത്തില്‍ നിന്നും കരകയറാന്‍ എല്ലാത്തരത്തിലുള്ള ഹൃദയാലുക്കളും നുള്ളിപ്പെറുക്കി സ്വരുക്കൂട്ടി നല്‍കിയ പ്രളയഫണ്ട് ഒരു മനസ്സാക്ഷിയുമില്ലാതെ അടിച്ചുമാറ്റിയ സാമൂഹ്യ വിരുദ്ധരെയും തുറന്ന് കാണിച്ചില്ല എന്നതിനാണ് പാമാപ്രകള്‍ ജൂഡിനോട് നന്ദി കാണിക്കേണ്ടത്.
തെന്നിന്ത്യന് താരങ്ങളായ സിദ്ധാര്‍ഥും അദിതി റാവു ഹൈദരിയും വിവാഹിതരായി. അദിതിയുടെ ജന്മദേശമായ തെലങ്കാനയിലെ വാനപർത്തി ജില്ലയിലെ ശ്രീരംഗപുരിലുള്ള ശ്രീ രംഗനായകസ്വാമി ക്ഷേത്രത്തിൽ...
കഴിഞ്ഞ ദിവസം ചാലക്കുടിയിൽ മഞ്ജുവാര്യരെ എൽ.ഡി.എഫ് സ്ഥാനാർത്ഥിയായി മത്സരിപ്പിക്കാൻ പോകുന്നുവെന്ന വാർത്തകൾ പ്രചരിച്ചതിനു പിന്നാലെ ഇപ്പോഴിതാ ആലപ്പുഴ പാര്ലമെന്റ് മണ്ഡലത്തില് സിനിമാനടന്...
നടൻ കൃഷ്ണകുമാറും ഭാര്യ സിന്ധു കൃഷ്ണയും മക്കളായ അഹാനയും ഇഷാനിയും ദിയയും ഹൻസികയുമെല്ലാം സോഷ്യൽ മീഡിയയ്ക്ക് ഏറെ പ്രിയപ്പെട്ടവരാണ്. മലയാളസിനിമയിലെ തന്നെ...
ശ്രീപത്മനാഭസ്വാമി ക്ഷേത്രദർശനം നടത്തി നടൻ മോഹൻലാൽ. തിങ്കളാഴ്ച പുലര്ച്ചെയാണ് അദ്ദേഹം ദർശനം നടത്തിയത്. ക്ഷേത്രത്തിനു പുറത്തിറങ്ങിയ മോഹൻലാലിനെ പൊന്നാടയണിയിച്ചാണ് അധികൃതർ സ്വീകരിച്ചത്....
സോഷ്യൽ മീഡിയയിൽ അക്കൗണ്ട് തുറന്നതോടെ കാവ്യയാണ് ഇപ്പോൾ നിറഞ്ഞ് നിൽക്കുന്നത്. കഴിഞ്ഞ ദിവസം തന്റെ കാവ്യയുടെ ഫോട്ടോ പകർത്താൻ ശ്രമിക്കുന്ന മഹാലക്ഷ്മിയുടെ...
