Actress
എന്റെ ശരീരത്തില് ഞാന് സൂപ്പര് പ്രൗഡാണ്, എനിക്കുള്ളതെല്ലാം എന്റെതാണ്, അഭിമാനം മാത്രം; ഹണി റോസ്
എന്റെ ശരീരത്തില് ഞാന് സൂപ്പര് പ്രൗഡാണ്, എനിക്കുള്ളതെല്ലാം എന്റെതാണ്, അഭിമാനം മാത്രം; ഹണി റോസ്
നിരവധി ആരാധകരുള്ള നടിയാണ് ഹണി റോസ്. സോഷ്യല് മീഡിയയില് വളരെ സജീവമാണ് താരം. ഇടയ്ക്കിടെ തന്റെ വിശേഷങ്ങളും ചിത്രങ്ങളുമെല്ലാം താരം പങ്കുവെയ്ക്കാറുണ്ട്. അതുപോലെ തന്നെ സൈബര് അറ്റാക്കും ബോഡിഷെയ്മിങും ഏറ്റവുമധികം നേരിടേണ്ടി വന്ന നടിമാരില് ഒരാളു കൂടിയാണ് ഹണിറോസ്. സമൂഹ മാധ്യമങ്ങളിലും മറ്റും താരത്തിന് നിരവധി മോശം കമന്റുകള് നേരിടേണ്ടി വന്നിട്ടുണ്ട്.
ഇപ്പോഴിതാ ഒരു ചാനല് പരിപാടിക്കിടെ താന് നേരിട്ട ദുരനുഭവങ്ങള് കുറിച്ചും അതിനോടുള്ള തന്റെ നിലപാടുകളെ കുറിച്ചും ഹണി റോസ് സംസാരിച്ചിരിക്കുകയാണ്. വിമര്ശകര്ക്കുള്ള കൃത്യമായ ഒരു മറുപടി തന്നെയായിരുന്നു ഹണി റോസിന്റേത്.
ബോഡി ഷെയ്മിങ് മോശം ചിന്താഗതിയാണ്. മാറേണ്ടതാണ്. അത് പല വേര്ഷനായി ഞാന് അനുഭവിച്ചതാണ്. ഇപ്പോഴത് കണ്ടില്ല, കേട്ടില്ല എന്നു വിചാരിച്ച് മാറിനില്ക്കാനും കഴിയുന്നു. എന്റെ ശരീരത്തില് ഞാന് പ്രൗഡാണ്. സൂപ്പര് പ്രൗഡാണ്. എനിക്കുള്ളതെല്ലാം എന്റെതാണ്. അതില് ഞാന് അഭിമാനം കൊള്ളുന്നു.
ഉദ്ഘാടനവേദികളില് പോവുന്നതും ജനങ്ങളുമായി നേരിട്ട് ഇടപഴകി അവരുടെ സ്നേഹം തിരിച്ചറിയുന്നതും ഞാന് നന്നായി ആസ്വദിക്കുന്നുണ്ട്. ആരുടെയടുത്തു നിന്നും ഒരു മോശം അനുഭവവും ഇതുവരെ ഉണ്ടായിട്ടില്ല.
സോഷ്യല് മീഡിയയില് ആണ് ഹേറ്റ് കാമ്പയിന് പോലുള്ള നെഗറ്റീവ് സമീപനങ്ങള് കാണുന്നത്. ഫോണിന്റെ കൊച്ചുലോകത്ത് മുഖം മൂടിയിട്ട് ചെയ്യുന്നല്ലേ. അവിടെയും പോസിറ്റാവായ അനുഭവങ്ങള് ഏറെയുള്ളതുകൊണ്ട് ഇത്തരം പ്രവണതയെ അവഗണിക്കാനും സാധിക്കുന്നു.
