ഇക്കഴിഞ്ഞ പൊങ്കല്‍ റിലീസ് ആയി തിയേറ്ററുകളിലെത്തിയ ചിത്രമാണ് പ്രശാന്ത് വര്‍മ സംവിധാനം ചെയ്ത ഹനുമാന്‍. തേജ സജ്ജ നായകനായി എത്തിയ ചിത്രം ആഗോളതലത്തില്‍ 150 കോടി രൂപയാണ് സ്വന്തമാക്കിയത്. നിരവധി സാഹസിക രംഗങ്ങളുള്ള സൂപ്പര്‍ഹീറോ ചിത്രമായാണ് ഹനുമാനെ പ്രശാന്ത് വര്‍മ പുറത്തിറക്കിയിരിക്കുന്നത്. ഇപ്പോഴിതാ ഈ ചിത്രത്തില്‍ അഭിനയിക്കുന്നതിനിടെ കണ്ണിന് പരിക്കേറ്റതിനെക്കുറിച്ച് പറയുകയാണ് തേജ സജ്ജ.
‘ഹനുമാന്റെ ചിത്രീകരണത്തിനിടെ എല്ലുകള്‍ ഒടിഞ്ഞിരുന്നു. പരിക്കുകള്‍ ഇപ്പോഴുമുണ്ട്. ഇടയ്ക്ക് വലതുകണ്ണിന്റെ കോര്‍ണിയയ്ക്ക് പരിക്കേറ്റു. ഈ മുറിവ് ഉണങ്ങുന്നതേയുള്ളൂ. കഥാപാത്രത്തിനായ് കണ്ണില്‍ ഉപയോഗിച്ച ചുവന്ന ലെന്‍സ് കാരണമുണ്ടായതാണ് കോര്‍ണിയയിലെ പരിക്ക്.
കൂടാതെ ഒരുപാട് പൊടിയും ചെറിയ കല്ലുമെല്ലാം കണ്ണില്‍ വീണു. വേദനാജനകമായിരുന്നു അത്. കാഴ്ച പൂര്‍ണമായും പഴയപോലെയാവണമെങ്കില്‍ ഉടനേതന്നെ ശസ്ത്രക്രിയ ചെയ്യണം.’ എന്നും താരം പറഞ്ഞു.
ഇങ്ങനെയൊക്കെയാണെങ്കിലും ഹനുമാന്‍ സിനിമയുടെ ചിത്രീകരണത്തിന്റെ ഓരോ നിമിഷവും താന്‍ ഏറെ ഇഷ്ടപ്പെട്ടിരുന്നുവെന്ന് തേജ സജ്ജ പറഞ്ഞു. സ്വന്തം രക്തവും വിയര്‍പ്പും കൊടുത്തു എന്ന് പലരും ആലങ്കാരികമായി പറയാറുണ്ട്. പക്ഷേ ഈ സിനിമയ്ക്കുവേണ്ടി എല്ലാവരും അതുതന്നെ ചെയ്തു. സ്‌നേഹത്തിന്റെയും വേദനയുടെയും സത്യസന്ധതയുടെയും അധ്വാനമാണ് ഹനുമാന്‍ എന്ന ചിത്രമെന്നും തേജ കൂട്ടിച്ചേര്‍ത്തു.
എസ്‌യു അരുണ്‍ കുമാര്‍-വിക്രം കോമ്പോയില്‍ ഒരുങ്ങുന്ന ചിത്രമാണ് ‘വീര ധീര ശൂരന്‍’. ഇപ്പോഴിതാ ചിത്രം വിവാദത്തില്‍പ്പെട്ടിരിക്കുകയാണ്. ചിത്രത്തിന്റെ പോസ്റ്ററിനെതിരെയാണ് പരാതി ഉയര്‍ന്നിരിക്കുന്നത്....
മലയാളികള്‍ക്ക് വിഷ്ണു ഉണ്ണികൃഷ്ണന്‍ എന്ന നടനെ പരിചയപ്പെടുത്തേണ്ട ആവശ്യമില്ല. സോഷ്യല്‍ മീഡിയയിലും വളരെ സജീവമാണ് താരം. അടുത്തിടെ ഫെയ്‌സ്ബുക്ക് പേജ് ഹാക്ക്...
രണ്‍ബിര്‍ കപൂറിനെ പരസ്യമായി തെറിവിളിച്ച് പാപ്പരാസികള്‍. ഒരു ജ്വല്ലറി ഉദ്ഘാടന ചടങ്ങിനിടെയാണ് സംഭവം. ഗുജറാത്തില്‍ കല്യാണ്‍ ജ്വല്ലേഴ്‌സിന്റെ ഉദ്ഘാടനത്തിനായാണ് രണ്‍ബിര്‍ എത്തിയത്....
മലയാള മിനിസ്‌ക്രീന്‍ ബിഗ്‌സ്‌ക്രീന്‍ പ്രേക്ഷകര്‍ക്കേറെ പ്രിയങ്കരായ താര ജോഡികളാണ് ഗോപിക അനിലും ഗോവിന്ദ് പത്മസൂര്യയും. കുറച്ച് മാസങ്ങള്‍ക്ക് മുമ്പായിരുന്നു ഇരുവരും വിവാഹിതരായത്....
മലയാളികളുടെ പ്രിയപ്പെട്ട നടനാണ് ദിലീപ്. വളരെ ചുരുങ്ങിയ കാലം കൊണ്ട് തന്നെ നിരവധി കഥാപാത്രങ്ങളിലൂടെ പ്രേക്ഷകരുടെ ജനപ്രിയ നായകന്‍ ആയി മാറാന്‍...
