അവന്റെ ഓർമ്മയ്ക്കായിട്ടാണ് പുതിയ വീടിന് ആ പേരിട്ടത് സന്തോഷം പങ്കുവെച്ച് അഖിൽ !
മിമിക്രി – കോമഡി ഷോ പരിപാടികളില്‍ നിറഞ്ഞ് നില്‍ക്കുമ്പോഴാണ് കുട്ടി അഖില്‍ എന്ന അഖില്‍ ബിഗ് ബോസ് മലയാളം സീസണ്‍ ഫോറിലേക്ക് എത്തുന്നത്. ഷോയില്‍ മികച്ച രീതിയില്‍ മത്സരിച്ച അഖിലിന് വലിയ ആരാധക നിരയൊന്നും ഉണ്ടായിരുന്നില്ലെങ്കിലും വിമർശകർ വളരെ കുറവായിരുന്നു. ബിഗ് ബോസിൽ സൂരജ്, സുചിത്ര എന്നിവരോടായിരുന്നു അഖിലിന്റെ കൂട്ട്. ഷോയിൽ നിന്ന് പുറത്തുവന്നപ്പോഴും അഖിലിനോടുള്ള ഇഷ്ടം പ്രേക്ഷകർക്ക് കൂടിയതേയുള്ളൂ. കഴിഞ്ഞദിവസമായിരുന്നു താരത്തിന്റെ പുത്തൻ വീടിന്റെ പാല് കാച്ചൽ ചടങ്ങു നടന്നത്. അഖിലിന്റെ സന്തോഷം നിറഞ്ഞ വാക്കുകളിലേക്ക്
കലാരംഗത്തേക്ക് എത്തിയപ്പോൾ മുതലുള്ള സ്വപ്നം ആണ് ഒരു വീട്, അതും സ്വന്തം കാശുകൊണ്ട് ഉണ്ടാക്കിയ വീട് എന്നത് വലിയൊരു സ്വപ്നം ആയിരുന്നു. അതാണ് ഇന്ന് സാക്ഷാത്കരിച്ചിരിക്കുന്നത്. ഈ തിരക്ക് ഒക്കെ ഒഴിയുമ്പോൾ സ്വന്തം ബെഡ് റൂമിൽ കയറി ഒന്ന് ഉറങ്ങുമ്പോൾ കിട്ടുന്ന ആ സുഖം വേറെ എന്തിനാണ് ഉള്ളത്- അഖിൽ മാധ്യമങ്ങളോട് ചോദിക്കുന്നു.എന്റെ കഴിഞ്ഞപിറന്നാൾ ബിഗ് ബോസ് വീട്ടിൽ വച്ചായിരുന്നു. ഇത്തവണയും അന്ന് വീട്ടിൽ ഉണ്ടായിരുന്ന ആളുകൾ എന്റെ ഒപ്പം പിറന്നാൾ കൂടാൻ എത്തിയിരുന്നു. മിക്ക ആളുകളും ചേർന്ന് കേക്ക് ഒക്കെ കട്ട് ചെയ്തു. ഭയങ്കര സർപ്രൈസ് ആയി പോയി. വിഷുവും പാലുകാച്ചലും പിറന്നാളും എല്ലാം കൂടി ഒരുമിച്ചാണ് ഇത്തവണ എത്തിയത്. ഒരുപാട് സന്തോഷം.
എന്റെ കൂട്ടുകാരൻ വർഷങ്ങൾക്ക് മുൻപ് എന്റെ വീടിന്റെ ഒരു 3d പിക്ച്ചർ ചെയ്തിരുന്നു. അതിൽ അവൻ ഇട്ട പേരാണ് അഖിലകം നമ്മൾ ആരും പറഞ്ഞിട്ടല്ല അവൻ അത് ഇട്ടത്. വീട് പണി കഴിഞ്ഞപ്പോൾ അത് തന്നെ ഇട്ടാൽ മതി എന്ന് തീരുമാനിക്കുക ആയിരുന്നു. ഇന്ന് അവൻ ഇല്ല, അവന്റെ ഓർമ്മയ്ക്കായിട്ടാണ് ഈ പേര് തന്നെ ഇടാൻ തീരുമാനിച്ചത്. വീടായത് കൊണ്ട് ഇനി അടുത്തത് വിവാഹം ആണോ എന്നാണ് ആളുകൾ ചോദിക്കുന്നത്. ഒരിക്കലും അല്ല എന്നാണ് അഖിൽ മാധ്യമങ്ങളോട് പറയുന്നത്.
ഇത്തവണ ബിഗ് ബോസും ഫാസ്റ്റാണ് മത്സരാര്ഥികളും ഫാസ്റ്റാണ്. അലമ്പും വാക്കേറ്റങ്ങളും എല്ലാം നേരത്തെ തന്നെ തുടങ്ങിയിട്ടുണ്ട്. ലാലേട്ടനെ പോലും ബഹുമാനിക്കാത്ത രീതിയിലുള്ള കാര്യങ്ങൾ വീടിനുള്ളിൽ നടക്കുന്നു. ഒരിക്കലും അക്സെപ്റ്റ് ചെയ്യാൻ പറ്റാത്ത തരത്തിലുള്ള വിഷയങ്ങൾ നടക്കുന്നു. എന്നും അഖിൽ പറയുന്നുണ്ട്. അവസരം കൂടുതൽ കിട്ടുന്ന മേഖലയിൽ താൻ സജീവം ആകുമെന്നും അഖിൽ മാധ്യമങ്ങളുടെ ചോദ്യങ്ങൾക്ക് മറുപടിയായി പറയുന്നു.
