അഭിമുഖത്തിനിടെ പൊട്ടിക്കരഞ്ഞ് സണ്ണി ലിയോൺ; കാരണം?
ബോളിവുഡ് സൂപ്പര്‍ താരം സണ്ണി ലിയോണ്‍ അഭിമുഖത്തിനിടെ പൊട്ടിക്കരഞ്ഞു. അർബാസ് ഖാനുമായുള്ള ചാറ്റ് ഷോയിൽ വെച്ചായിരുന്നു സംഭവം. സഹപ്രവർത്തകൻ പ്രഭാകറിനെ പറ്റി ചോദിച്ചപ്പോളാണ് സണ്ണി ലിയോൺ വികാരാധീനയായത്. സഹപ്രവർത്തകൻ്റെ വിയോഗത്തിൽ സണ്ണി ലിയോണിന് വിതുമ്പൽ അടക്കാനായില്ല.
പ്രഭാകറുടെ മരണം വൃക്ക സംബന്ധമായ രോഗം മൂലമായിരുന്നു. കുറച്ചു നാളുകള്‍ക്ക് മുന്‍പ് പ്രഭാകറിൻ്റെ ചികിത്സാ ആവശ്യത്തിനായി സണ്ണി ലിയോൺ സാമൂഹിക മാധ്യമങ്ങളിലൂടെ സഹായം അഭ്യര്‍ഥിച്ചിരുന്നു. ഈ സംഭവം ഒരുപാട് വിമര്‍ശനങ്ങൾക്ക് വഴിവെച്ചു. സഹപ്രവര്‍ത്തകൻ്റെ ചികിത്സയ്ക്ക് വേണ്ടി കോടികള്‍ സമ്പാദിക്കുന്ന നടി എന്തിനാണ് നാട്ടുകാരോട് ചോദിക്കുന്നത് എന്നതായിരുന്നു അന്ന് നേരിട്ട പ്രധാന ആക്ഷേപം. ഇതെക്കുറിച്ച് സംസാരിക്കവേ ആണ് സണ്ണി ലിയോണിൻ്റെ കണ്ണു നിറഞ്ഞത്.
“അദ്ദേഹത്തിൻ്റെ ചികിത്സാ ചെലവുകൾ നോക്കിയിരുന്നത് താനും ഭർത്താവ് ഡാനിയൽ വെബറും കൂടിയായിരുന്നു.ആശുപത്രി ചെലവിനും ഡയാലിസിസ് ചെയ്യുന്നതിനും അടക്കം ധാരാളം പണം ആവശ്യമായിരുന്നു. വളരെ കാലമായി പരിചയമുള്ള സുഹൃത്തുക്കളോ അല്ലെങ്കില്‍ സഹപ്രവര്‍ത്തകനോ മരണത്തിലേക്ക് നീങ്ങുകയാണ് എന്നറിയുമ്പോള്‍ നമ്മള്‍ സ്വാഭാവികമായും പരിഭ്രാന്തരാകും. പ്രഭാകര്‍ വര്‍ഷങ്ങളായി സിനിമയില്‍ പ്രവര്‍ത്തിക്കുന്ന ഒരാളായിരുന്നു. ആളുകള്‍ക്ക് അയാളെ വലിയ ഇഷ്ടവുമായിരുന്നു.” സണ്ണി ലിയോൺ പറഞ്ഞു .
“സോഷ്യൽ മീഡിയയിൽ ഞാൻ സഹായം ആവശ്യപ്പെട്ടത് അയാളുടെ ചികിത്സയ്ക്ക് വേണ്ടി മാത്രമായിരുന്നില്ല. അദ്ദേഹത്തിന് കുടുംബമുണ്ട്, ഒരു മകനുണ്ട്. ഇന്‍ഡസ്ട്രിയില്‍ അദ്ദേഹത്തെ സഹായിക്കാന്‍ ആര്‍ക്കെങ്കിലും താല്‍പര്യം ഉണ്ടെങ്കില്‍ അത് ചെറിയ തുകയാണെങ്കില്‍ പോലും അദ്ദേഹത്തിന് ലഭിക്കട്ടെ എന്ന് കരുതിയായിരുന്നു. ”
“എന്നോട് പ്രഭാകര്‍ ഒരിക്കല്‍ പോലും സഹായം ചോദിച്ചിട്ടില്ല. ആരോടും അസുഖത്തെക്കുറിച്ച് പറഞ്ഞിട്ടും ഇല്ലായിരുന്നു. ഞാനും ഡാനിയും അദ്ദേഹത്തെ ജീവിതത്തിലേക്ക് കൊണ്ടുവരാന്‍ പരമാവധി ശ്രമിച്ചെങ്കിലും ഞങ്ങള്‍ തോറ്റു, അദ്ദേഹത്തെ മരണം കീഴ്‌പ്പെടുത്തി കളഞ്ഞു”- സണ്ണി ലിയോണ്‍ കരഞ്ഞുകൊണ്ട് പറഞ്ഞു.
Sunny leone crying…
