ഏറെ സൂപ്പര്‍ ഹിറ്റ് ആയി മാറിയ അസുരന്‍ എന്ന ചിത്രത്തിനു ശേഷം തമിഴകത്തെ മുന്‍നിര സംവിധായകന്മാരില്‍ ഒരാളായ വെട്രിമാരന്‍ സംവിധാനം ചെയ്യുന്ന പുതിയ ചിത്രത്തില്‍ ഒരു കമ്മ്യൂണിസ്റ്റുകാരന്റെ വേഷത്തില്‍ വിജയ് സേതുപതി എത്തുന്നതായി വിവരം. തമിഴ് ഹാസ്യതാരം സൂരി നായകനായി എത്തുന്ന വിടുതലൈ എന്ന ചിത്രത്തിലാണ് വിജയ് സേതുപതി കമ്യൂണിസ്റ്റുകാരനായി എത്തുന്നത്.
സത്യമംഗലം കാടുകളില്‍ ചിത്രീകരിച്ച വിടുതലൈ പറയുന്നത് മാവോയിസ്റ്റ് തീവ്രവാദികള്‍ വിഹരിക്കുന്ന ഒരു വനപ്രദേശത്ത് അവരെ അമര്‍ച്ച ചെയ്യാനെത്തുന്ന പൊലീസ് സംഘത്തിന്റെ കഥയാണ്. പൊലീസിനും തീവ്രവാദികള്‍ക്കുമിടയിലേക്ക് വന്നുപെടുന്ന വിപ്‌ളവകാരിയായ കോളേജ് പ്രൊഫസറായി വ്യത്യസ്ത ഗെറ്റപ്പിലാണ് വിജയ് സേതുപതി വിടുതലൈയില്‍ പ്രത്യക്ഷപ്പെടുന്നത്.
ഹാസ്യ താരം സൂരിയുടെ ആദ്യത്തെ സീരിയസ് കഥാപാത്രമാണ് വിടുതലൈയിലേത്. ചെന്നൈയിലെ പ്രസാദ് സ്റ്റുഡിയോയില്‍ നിന്ന് സ്വന്തം സ്റ്റുഡിയോയിലേക്ക് മാറിയ ശേഷം ഇളയരാജ ആദ്യമായി സംഗീത സംവിധാനം നിര്‍വഹിച്ച ചിത്രമെന്ന പ്രത്യേകതയും വിടുതലൈയ്ക്കുണ്ട്. പ്രമുഖ നോവലിസ്റ്റ് ജയമോഹന്റെ ഒരു നോവലിനെ ആസ്പദമാക്കി ഒരുക്കുന്നതാണ് ഈ ചിത്രം.
അതേസമയം, തമിഴിന് പുറമേ തെലുങ്ക്, കന്നഡ ഭാഷകളിലും ചിത്രം റിലീസ് ചെയ്യുന്നുണ്ട് എന്നാണ് വിവരം. വേല്‍രാജാണ് കാമറാമാന്‍. ഗൗതം വാസുദേവ മേനോന്‍, ഭവാനി ശ്രീ എന്നിവരാണ് ചിത്രത്തിലെ മറ്റ് പ്രധാന താരങ്ങള്‍. ആര്‍.എസ്. ഇന്‍ഫോ ടെയ്ന്‍മെന്റിനുവേണ്ടി എല്‍റെഡ് കുമാറും വെട്രിമാരനും ചേര്‍ന്ന് നിര്‍മ്മിച്ച വിടുതലൈ കേരളത്തില്‍ കലാഫിലിംസ് കലാധരന്‍ കെ.കെ റിലീസ് ചെയ്യും.
വോട്ടെടുപ്പ് തുടങ്ങി ആദ്യമണിക്കൂറില് തന്നെ പോളിങ് ബൂത്തിലെത്തി ആസിഫ് അലി. തൊടുപുഴ ഇടവെട്ടി കുമ്മൻകല്ല് ബി ടി എം എൽ പി...
മലയാള സിനിമാ പ്രേമികള്ക്ക് മറക്കാനാകാത്ത പേരാണ് മാമുക്കോയ. ഹാസ്യത്തിന്റെ വേറിട്ട മുഖമായി, പ്രേക്ഷകരിലേയ്ക്ക് ഇറങ്ങിച്ചെന്ന നടന്, ഹാസ്യ സാമ്രാട്ട് ഈ ലോകത്തോട്...
തനിക്ക് കൃത്യമായ രാഷ്ട്രീയമുണ്ടെന്നും അത് സുരേഷ് ഗോപിയുടെ രാഷ്ട്രീയമല്ലെന്നും രഞ്ജി പണിക്കര്‍. വോട്ട് ചെയ്ത ശേഷമാണ് രഞ്ജി പണിക്കര്‍ മാധ്യമങ്ങളോട് സംസാരിച്ചത്....
കോണ്ഗ്രസ് പാര്ട്ടിയിലെടുക്കണമെന്ന ആവശ്യവുമായി പി സി സി ഓഫീസിലെത്തി മണ്സൂര് അലിഖാന്. തമിഴ്നാട് പി സി സി ഓഫീസിലെത്തിയാണ് മണ്സൂര് അലിഖാന്...
ഒരുകാലത്ത് മലയാളികളുടെ മനസിലിടം നേടിയ താര ജോഡികളായിരുന്നു ദിലീപും മഞ്ജു വാര്യരും. വര്ഷങ്ങള്ക്ക് മുമ്പ് ഇരുവരും വേര്പിരിഞ്ഞുവെന്ന വാര്ത്ത ഏറെ ദുഃഖത്തോടെയാണ്...
