Malayalam
രണ്ടു വർഷം സസ്‌പെന്‍സ് ആക്കി വെച്ചു,ആരോടും പറയരുതെന്നും ലൊക്കേഷന്‍ ചിത്രങ്ങള്‍ പുറത്തു വിടരുതെന്നും മഹേഷേട്ടന്‍ പ്രത്യേകം പറഞ്ഞിരുന്നു; പാർവതി
രണ്ടു വർഷം സസ്‌പെന്‍സ് ആക്കി വെച്ചു,ആരോടും പറയരുതെന്നും ലൊക്കേഷന്‍ ചിത്രങ്ങള്‍ പുറത്തു വിടരുതെന്നും മഹേഷേട്ടന്‍ പ്രത്യേകം പറഞ്ഞിരുന്നു; പാർവതി
‘ടേക്ക് ഓഫി’നും ‘സി യു സൂണി’നും ശേഷം ഫഹദ് ഫാസില്‍ എത്തിയ മഹേഷ് നാരായണന്‍ ചിത്രമായിരുന്നു ‘മാലിക്’. മലയാളത്തില്‍ നിന്നുള്ള ഡയറക്റ്റ് ഒടിടി റിലീസുകളില്‍ സമീപകാലത്ത് ഏറ്റവുമധികം പ്രീ-റിലീസ് ഹൈപ്പ് ലഭിച്ച ചിത്രങ്ങളിലൊന്നായിരുന്നു ‘മാലിക്’.
ചിത്രത്തില്‍ ഏറെ ശ്രദ്ധിക്കപ്പെട്ട വേഷങ്ങളില്‍ ഒന്നായിരുന്നു ‘അലിക്ക’യെ സ്‌തെസ്‌കോപ്പ് മുറുക്കി കൊല്ലുന്ന ഡോ. ഷെര്‍മിന്‍ അന്‍വറിന്റേത്. ഇപ്പോൾ ഇതാ താന്‍ മാലിക്കില്‍ അഭിനയിക്കുന്ന കാര്യം രഹസ്യമായി സൂക്ഷിച്ചിരുന്നതിനെ കുറിച്ച് തുറന്നു പറഞ്ഞിരിക്കുകയാണ് ഡോക്ടര്‍ ആയി വേഷമിട്ട പാര്‍വതി കൃഷ്ണ.
സോഷ്യല്‍ മീഡിയയില്‍ ഏറെ സജീവമാണ്. ജീവിതത്തിലെ കുഞ്ഞു കാര്യങ്ങള്‍ പോലും ഇന്‍സ്റ്റഗ്രാം സ്റ്റോറിയിലൂടെ പങ്കുവയ്ക്കാറുണ്ട്. അങ്ങനെയുള്ള താന്‍ കഴിഞ്ഞ രണ്ടു വര്‍ഷമായി ഇക്കാര്യം സസ്‌പെന്‍സ് ആക്കി വയ്ക്കുക എന്നത് തന്നെയായിരുന്നു വലിയ ടാസ്‌ക്.
മഹേഷേട്ടന്‍ പ്രത്യേകം പറഞ്ഞിരുന്നു ആരോടും പറയരുതെന്നും ലൊക്കേഷന്‍ ചിത്രങ്ങള്‍ പുറത്തു വിടരുതെന്നും. താന്‍ സ്വയം കണ്‍ട്രോള്‍ ചെയ്യുകയായിരുന്നു. തന്റെ ജീവിതത്തില്‍ താന്‍ ഇത്രയധികം ഒളിപ്പിച്ചു വച്ച മറ്റൊരു കാര്യമില്ല. വീട്ടിലും അടുത്ത രണ്ടു സുഹൃത്തുക്കളോടും മാത്രമേ ഈ കഥാപാത്രത്തെ കുറിച്ച് പറഞ്ഞിരുന്നുള്ളു.
കഴിഞ്ഞ രണ്ടു വര്‍ഷത്തിന്റെ ഇടയ്ക്ക് വന്ന വര്‍ക്കുകള്‍ക്ക് പോലും മാലിക് റഫറന്‍സ് പറഞ്ഞിട്ടില്ലായിരുന്നു. സത്യം പറഞ്ഞാല്‍ സിനിമ ഇറങ്ങുന്നില്ല എന്ന വിഷമത്തിനേക്കാള്‍ കൂടുതല്‍ വിഷമം തന്റെ മാലിക് ഫോട്ടോകള്‍ സോഷ്യല്‍ മീഡിയയില്‍ ഇടാന്‍ കഴിയുന്നില്ലല്ലോ എന്നായിരുന്നു. സിനിമ എത്തിയപ്പോള്‍ നീ ഞെട്ടിച്ചു കളഞ്ഞല്ലോ എന്ന് പലരും പറഞ്ഞതായും പാര്‍വതി പറഞ്ഞു.
