അയാൾ രക്ഷപ്പെട്ട് ഇപ്പോ സുഖമായി ജീവിക്കുന്നുണ്ടാകും, അദ്ദേഹത്തിൻറെ ഭാഗം കൂടി കേട്ടാൽ മനസ്സിലാവും നിങ്ങളുടെ തനിക്കൊണം, ദിയ സനയ്ക്ക് എതിരെ സോഷ്യൽ മീഡിയ, കുറിയ്ക്ക് കൊള്ളുന്ന മറുപടിയുമായി താരം

കൊല്ലത്തെ വിസ്മയയുടെ മരണത്തില്‍ മുന്‍ ബിഗ് ബോസ് താരവും അഭിനേത്രിയുമായ ദിയ സനയും ഇതേക്കുറിച്ച് പ്രതികരിച്ചിരുന്നു. വിവാഹ ജീവിതത്തില്‍ തനിക്കുണ്ടായ ദുരനുഭവങ്ങളെക്കുറിച്ച് തുറന്നുപറഞ്ഞായിരുന്നു ദിയ എത്തിയത്.

അങ്ങനെ ഓർക്കാൻ പോലും ഇഷ്ടമില്ലാത്ത 15 കൊല്ലങ്ങൾക്ക് മുൻപുള്ള ഒരു ദിവസം. വാപ്പ കഷ്ടപ്പെട്ട് ഉണ്ടാക്കിയതെല്ലാം മോൾക്ക് തന്ന് പറഞ്ഞു വിട്ടു. സ്വർണവും മൊതലുകളും ഒക്കെ കൊണ്ടോയി. അയാളുടെ സഹോദരിയും അവളുടെ ഭർത്താവും കെട്ടിയവന്റെ ഉമ്മായും ചേർന്ന് ശാരീരിക മാനസിക ഉപദ്രവം തുടങ്ങിയപ്പോ ഓടി വീട്ടിലെത്തി. അപ്പോഴത്തേക്കും പ്രിയപ്പെട്ടവനായ എനിക്കെന്റെ മോനേ കിട്ടി.അന്നിറങ്ങി ഓടിയത് കൊണ്ട് എന്റെ മോനും ഞാനും സുരക്ഷിതമായി ഇരിക്കുന്നു.

വിവരം കെട്ട പ്രായത്തിൽ തലകുനിച്ചു കൊടുക്കേണ്ടി വന്ന ഈ ദിവസത്തെ ആലോചിക്കാൻ പോലും ഇഷ്ടപ്പെടാതെ നാളെ ഒരു പെണ്ണും ഇങ്ങനെ അക്രമത്തിനു ഇരയാക്കരുത് എന്നുറക്കെ പറഞ്ഞുകൊണ്ട് പെണ്ണുങ്ങളെ രക്ഷപ്പെടൂ. പ്രതികരിക്കൂ പ്രതിഷേധിക്കൂയെന്നായിരുന്നു ദിയ സന കുറിച്ചത്.

ക്ഷണനേരം കൊണ്ട് പോസ്റ് വൈറലായി മാറിയത്.പോസ്റ്റിന് കീഴില്‍ വിമര്‍ശനങ്ങളുമായെത്തിയവര്‍ക്കും താരം കൃത്യമായ മറുപടി നല്‍കിയിരുന്നു.

അദ്ദേഹത്തിൻറെ ഭാഗം കൂടി കേട്ടാൽ മനസ്സിലാവും നിങ്ങളുടെ തനിക്കൊണമെന്നായിരുന്നു ഒരാൾ കമന്റിട്ടത്. നീ കേട്ട് കൂടെ കൂടി അദ്ദേഹത്തിന്റെ കൂട്ടാണെന്നു പറഞ്ഞല്ലോ സന്തോഷം. ഒരു സ്ത്രീ അവരുടെ ജീവിതം തുറന്നു പറഞ്ഞപ്പോ ഇത്രക്കും പൊള്ളലുണ്ടായതിൽ എനിക്ക് അതിശയമില്ലെന്നായിരുന്നു ദിയയുടെ മറുപടി.

നിങ്ങളുടെ പഴയ ഭർത്താവിന്റെ അസാന്നിധ്യത്തിൽ അദ്ദേഹത്തെ മോശമായി ചിത്രീകരിക്കുന്നത് ഒരിക്കലും ശരിയല്ല. ഭാര്യയും ഭർത്താവും തമ്മിലുള്ള പ്രശ്നങ്ങൾ സോഷ്യൽ മീഡിയയിൽ അല്ല ചർച്ചചെയ്യേണ്ട. കോടതിയിൽ വെച്ചാണ്. ഇപ്പോഴും ഈ ഫോട്ടോ സൂക്ഷിച്ചത് എന്ത് കാര്യത്തിന് ആണ് എന്ന് മനസ്സിൽ ആകുന്നില്ല ഇത്രയും വെറുപ്പ് അയാളോട് ഉണ്ടെങ്കിൽ ഇത്‌ സൂക്ഷിക്കാൻ ഉണ്ടായ കാരണം എന്താണ്, ചെറിയ ചെറിയ പ്രശ്നങ്ങൾ എല്ലാ കുടുംബത്തിലും ഉണ്ടാകും അത് ഊതി പെരുപ്പിക്കാൻ ആളുകളും ഉണ്ടാകും നിങ്ങളിൽ ഉണ്ടായ പ്രശ്നങ്ങൾ എന്തായിരുന്നു അത് കൂടെ വിവരിക്കുമോയെന്നായിരുന്നു ചിലർ ചോദിച്ചത്. ചെറിയൊരു തെളിവിനു വേണ്ടിയാണ് ഫോട്ടോ സൂക്ഷിച്ചതെന്നായിരുന്നു ദിയ പറഞ്ഞത്.

അയാളും രക്ഷപ്പെട്ട് ഇപ്പോ സുഖമായി ജീവിക്കുന്നുണ്ടാകും, രക്ഷപ്പെട്ടോട്ടെയെന്നായിരുന്നു വേറൊരു കമന്റ്. എന്തായാലും ഒരു പുരുഷൻ രക്ഷപ്പെട്ടപ്പോ നിന്നെപോലുള്ള പുരുഷന് ആശ്വാസം ഉണ്ടായല്ലോ. ഈ പുരുഷന്മാരോട് തന്നെയാ ഞാൻ വിളിച്ചു കൂക്കുന്നത്. ഇപ്പോഴത്തെ സ്വഭാവം അന്നുണ്ടായിരുന്നെങ്കിൽ ആ കല്യാണമേ നടക്കില്ലായിരുന്നുമെന്നുമായിരുന്നു ദിയയുടെ മറുപടി.