പരീക്ഷണങ്ങളുടെയും അനിശ്ചിതത്വത്തിന്റെയും ഈ ദിവസങ്ങളിൽ, നല്ലൊരു നാളേയ്ക്കായി കാത്തിരിക്കാം… അപ്പനൊപ്പം പുറത്തെ കാഴ്ചകൾ കണ്ട് ഇസഹാക്ക്

മകനൊപ്പമുള്ള ചിത്രം പങ്കുവെച്ച് ചാക്കോച്ചൻ. ചിത്രം പങ്കുവച്ച് മിനിട്ടുകൾക്കകം ചിത്രത്തിന് ലൈക്കുകളുടേയും കമന്റുകളുടേയും പെരുമഴയാണ്.

ചിത്രം പങ്കുവെച്ച് ചാക്കോച്ചൻ കുറിച്ചതിങ്ങനെയാണ് ‘ ചൈൽഡ് ഈസ് ദ ഫാദർ ഓഫ് മാൻ’. അപ്പനൊപ്പം പുറത്തെ കാഴ്ചകൾ കാണുകയാണ് ഇസ എന്ന ഇസഹാക്ക് കുഞ്ചാക്കോ ബോബൻ. പരീക്ഷണങ്ങളുടെയും അനിശ്ചിതത്വത്തിന്റെയും ഈ ദിവസങ്ങളിൽ, നല്ലൊരു നാളേയ്ക്കായി സുരക്ഷിതമായും പ്രതീക്ഷയോടെയും കാത്തിരിക്കാം.’ ചിത്രത്തോടൊപ്പം ചാക്കോച്ചൻ കുറിച്ചു.

അപ്പനെപ്പോലെ മകനും സൂപ്പർ ക്യൂട്ടാണെന്നും, മനോഹരമായ സന്ദേശമാണ് ചാക്കോച്ചൻ പങ്കുവെച്ചതെന്നുമൊക്കയാണ് ചിത്രത്തിന് വരുന്ന കമന്റുകൾ.

കഴിഞ്ഞ 16 നായിരുന്നു ഇസക്കുട്ടന്റെ രണ്ടാം പിറന്നാൾ. ബണ്ണി തീമിലുള്ള ആ പിറന്നാള്‍ ചിത്രങ്ങള്‍ ചക്കോച്ചനും പ്രിയയും പങ്കുവച്ചിരുന്നു. കുഞ്ഞു ഇസയുടെ വിശേഷങ്ങളും ചിത്രങ്ങളും ചാക്കോച്ചനും ഭാര്യ പ്രിയയും ആരാധകരുമായി പങ്കുവയ്ക്കാറുണ്ട്.

വർഷങ്ങൾ നീണ്ട കാത്തിരിപ്പിനൊടുവിലാണ് ചാക്കോച്ചനും പ്രിയക്കും ഇസ ജനിച്ചത്. 2019 ഏപ്രിലിലാണ് ഇസ ജനിക്കുന്നത് ആരാധകർ ഏറെ സന്തോഷത്തോടെയാണ് ഈ വാർത്ത സ്വീകരിച്ചത്. കുഞ്ഞിന്റെ ആദ്യ ഫോട്ടോയും പേരുമൊക്കെ ഏറെ ആകാംക്ഷയോടെയാണ് ഏറ്റെടുത്തത്.