സംഗീത പരിപാടിക്കിടെ ദേഹത്തേയ്ക്ക് പണം വലിച്ചെറിഞ്ഞു; പാട്ട് നിര്‍ത്തി ആതിഫ് അസ്‌ലം രാധകനോട് പറഞ്ഞത്…!

യു. എസില്‍ നടന്ന സംഗീത പരിപാടിക്കിടെ പാകിസ്ഥാന്‍ ഗായകന്‍ ആതിഫ് അസ്‌ലമിന് നേരെ ആരാധകന്‍ പണം വലിച്ചെറിഞ്ഞു. പക്ഷേ ആതിഫിന്റെ അതിനോടുള്ള പ്രതികരണമായിരുന്നു എല്ലാവരേയും ഞെട്ടിച്ചത്.

പാട്ട് കേട്ട് ആവേശഭരിതനായ ആരാധകന്‍ ആതിഫിന് നേരെ പണം വലിച്ചെറിയുകയായിരുന്നു. ഉടനടി ആതിഫ് പാട്ട് നിര്‍ത്തുകയും ഈ പണം അര്‍ഹതപ്പെട്ട ഏതെങ്കിലും പാവപ്പെട്ട മനുഷ്യര്‍ക്ക് നാലകണമെന്നും ആതിഫ് പറയുന്നു.

ഇങ്ങനെ ചെയ്യുന്നത് പണത്തിനോടുള്ള അനാദരവ് ആണെന്നും ആതിഫ് പറയുന്നു. സുഹൃത്തേ എന്ന് വിളിച്ചുകൊണ്ടാണ് ആതിഫ് ആരാധകനെ അഭിസംബോധന ചെയ്തത്.

ചുരുങ്ങിയ സമയം കൊണ്ട് വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്. ഒരുപാട് പേരാണ് ആതിഫിനെ അഭിനന്ദിച്ചുകൊണ്ട് മുന്നോട്ട് വന്നിരിക്കുന്നത്. ആതിഫ് ചെയ്തത് വളരെ മാതൃകാപരമായ കാര്യമാണ് എന്നാണ് സോഷ്യല്‍ മീഡിയയില്‍ എല്ലാവരും പറയുന്നത്.