ദുബായിൽ എത്തിയാൽ ഞാൻ മറ്റൊരാളാണ്; ഇഷ്ടങ്ങൾ തുറന്ന് പറഞ്ഞ് അനുശ്രീ

മിനിസ്ക്രീൻ പ്രേക്ഷകരുടെ പ്രിയ താരമാണ് അനുശ്രീ.ഓമനത്തിങ്കൽ പക്ഷി എന്ന സീരിയളിലൂടെ ബാലതാരമായി എത്തി മലയാളി പ്രേക്ഷകർക്ക് പ്രിയങ്കരിയായ നടിയാണ് അനുശ്രീ. ജിത്തു മോൻ എന്ന ആൺകുട്ടിയുടെ വേഷത്തിൽ എത്തിയ അനുശ്രീ പിന്നീടങ്ങോട്ട് അമ്പതോളം സീരിയലുകളിലാണ് അഭിനയിച്ചത്. 2005 മുതൽ മിനിസ്‌ക്രീനിലെ സജീവ സാന്നിധ്യമാണ് താരം.അനുശ്രീ എന്നാണ് താരത്തിന്റെ യഥാർത്ഥ പേരെങ്കിലും പ്രകൃതി എന്ന പേരിലാണ് സീരിയൽ ലോകത്ത് താരം അറിയപ്പെടുന്നത്. പതിനഞ്ചാം വയസിലാണ് അനുശ്രീ ആദ്യമായി നായിക വേഷത്തിൽ എത്തുന്നത്. ഏഴുരാത്രികൾ എന്ന പരമ്പരയിലൂടെ ആയിരുന്നു ഇത്. പൂക്കാലം വരവായി എന്ന സീരിയലിലാണ് അനുശ്രീ അവസാനമായി അഭിനയിച്ചത്

ഫാഷന്റെ കാര്യത്തിൽ അങ്ങനെ ശ്രദ്ധിക്കുന്ന ആളല്ല താനെന്ന് സീരിയൽ താരം അനുശ്രീ. എല്ലാത്തരം വേഷങ്ങളും തനിക്ക് ഇഷ്ടമാണെങ്കിലും സാരിയും, ഹാഫ് സാരിയും ആണ് കൂടുതൽ ഇഷ്ടം. മുടി നീട്ടി വളർത്തണം എന്ന ആഗ്രഹം തനിക്ക് ഇല്ല. മുത്തശ്ശിയുടെയും, അമ്മയുടെയും ഇഷ്ടം കൊണ്ടാണ് മുടി വളർത്തിയതെന്നും അനുശ്രീ പറയുന്നു. മോനെ ഫുൾ ടൈം നോക്കുന്നത് അമ്മയാണ്, താൻ എപ്പോഴും ഫ്രീ ആണെന്നും അനുശ്രീ.

നാട്ടിൽ നിന്നും ദുബായിൽ പോയാൽ താൻ മറ്റൊരാളാകുമെന്നും നടി പറയുന്നു.മുട്ടിന് മുകളിലുള്ള വസ്ത്രം ധരിച്ചു കണ്ടാൽ ഇവിടെ ഉള്ള ആളുകൾ നോക്കും. അവിടെ അങ്ങനെയല്ല. ആളുകളുടെ മെന്റാലിറ്റിയുടെ പ്രശ്നമാണ്. കുറച്ചു നെക്ക് ഇറങ്ങിയ ഡ്രസ്സ് ഇട്ടാൽ ആളുകൾ നോക്കും, ഇനിയിപ്പോ അതിട്ടുള്ള ഒരു പിക് ഇട്ടാൽ, അവൾ പോയി കൈ വിട്ടുപോയി എന്നൊക്കെ മോശം കമന്റ്സ് വരും. അവിടെയൊക്കെ നമ്മൾ എന്തുതരം ഡ്രസ്സ് ഇട്ടാലും ആരും തിരിഞ്ഞുപോലും നോക്കില്ല. ഞാൻ എന്റെ ഇഷ്ടത്തിന് അവിടെയാണ് ഇടുന്നത്. എല്ലാം അവിടെ നിന്നാണ് പർച്ചേസ് ചെയ്യുന്നത്.

ഷോപ്പിങ്ങിന് പോകുന്നത് ഇഷ്ടമാണ്. എന്നാൽ മണിക്കൂറുകൾ നിന്നുള്ള പരിപാടിക്ക് എനിക്ക് ഇഷ്ടമല്ല. ഷോപ്പിങ്ങിൽ ഒരു പ്രത്യേക ഐഡിയാസ് നമ്മുടെ കൈയ്യിൽ ഉണ്ടാകും. തീരുമാനം എടുക്കാൻ അക്കാര്യത്തിൽ താമസിക്കില്ല. ഇഷ്ടപ്പെട്ടാൽ വില ഒന്നും നോക്കില്ല.

ഇന്ഡസ്ട്രിയിലേക്ക് വന്നപ്പോൾ ആരും അങ്ങനെ ഉപദേശിച്ചു ഒരു ക്യാരക്ടർ ചെയ്യേണ്ടി വന്നിട്ടില്ല. അഞ്ചുവയസ്സ് ഉള്ളപ്പോൾ ആണ് വരുന്നത്. പിന്നെ പുതിയ ഒരു ഡയറക്ടറിന്റെ ഒപ്പം വർക്ക് ചെയ്യാൻ കയറിയാൽ നമ്മളെക്കൊണ്ട് പറ്റുന്നതിന്റെ ഒരു ഹൈ ചെയ്യാൻ ശ്രമിക്കാറുണ്ട്. റിഹേഴ്സൽ സമയത്ത് നമ്മൾ ഹൈ കൊടുക്കാൻ ശ്രമിക്കുമ്പോൾ അവർ നൽകുന്ന ഉപദേശങ്ങളിൽ നിന്നും അവർക്ക് ഇഷ്ടം ഉള്ളത് എന്താണ് എന്ന് മനസ്സിലാക്കാൻ സാധിക്കും. പിന്നെ നമ്മൾ ചെയ്യുമ്പോഴേക്കും അത് ചെയ്യാനാകും.

ചെറുപ്പത്തിൽ അഭിനയിക്കാൻ പോകാൻ ഇഷ്ടക്കേട് ഒന്നും ഉണ്ടായിരുന്നില്ല. കോളേജ് സമയം ആയപ്പോൾ ആ ലൈഫ് മിസ് ചെയ്തല്ലോ എന്നോർത്തിട്ട് സങ്കടം തോന്നിയിരുന്നു. അതൊഴിച്ചാൽ അഭിനയം ഇഷ്ടപ്പെട്ടു ചെയ്തതാണ്. എന്ജോയ് ചെയ്താണ് അതൊക്കെ ചെയ്യുന്നത്.

ജീവിതത്തിൽ നെഗറ്റീവ് ചിന്തിച്ചിരുന്നിട്ട് ഒരു കാര്യവുമില്ല. നമ്മൾ എപ്പോഴും നെഗറ്റീവ് ആയിരുന്നാൽ നമ്മുടെ ഫേസ് ഡൾ ആകും, നിരാശ വരും. വരുന്ന പോസിറ്റീവ് കാര്യങ്ങൾ കൂടി നെഗറ്റീവ് ആയി മാറുറും. അപ്പോൾ നമ്മൾ എപ്പോഴും പോസിറ്റീവ് ആയി ഇരിക്കുക എന്നുള്ളതാണ് നമ്മൾക്ക് ചെയ്യാൻ ആവുക. അതുതന്നെയാണ് താൻ എപ്പോഴും പോസിറ്റിവിറ്റി നിലനിർത്തുന്നത് എന്നും അനുശ്രീ പുതിയ ചിറ്റ് ചാറ്റ് ഷോയിൽ
പറഞ്ഞു.