News
നടിയെ ആക്രമിച്ച കേസ്; നാല് വര്ഷം പിന്നിട്ട് വിചാരണ, സമയ പരിധി ഈ മാസം 31 ന് അവസാനിക്കും; വിചാരണ പൂര്ത്തീകരിക്കാന് ഇനിയും സമയം വേണ്ടിവരും
നടിയെ ആക്രമിച്ച കേസ്; നാല് വര്ഷം പിന്നിട്ട് വിചാരണ, സമയ പരിധി ഈ മാസം 31 ന് അവസാനിക്കും; വിചാരണ പൂര്ത്തീകരിക്കാന് ഇനിയും സമയം വേണ്ടിവരും
നടിയെ ആക്രമിച്ച കേസിന്റെ വിചാരണ പൂര്ത്തിയാക്കാന് സുപ്രീം കോടതി അനുവദിച്ച സമയം ഈ മാസം 31ന് അവസാനിക്കും. ഈ സാഹചര്യത്തില് വിചാരണ പൂര്ത്തീകരിക്കാന് കൂടുതല് സമയം അനുവദിക്കണമെന്ന് ആവശ്യപ്പെട്ട് ജഡ്ജി ഹണി എം വര്ഗ്ഗീസ് ഉടന് സുപ്രീം കോടതിയെ സമീപിച്ചേക്കും. കേസില് ഇതുവരെ 260 സാക്ഷികളുടെ വിസ്താരമാണ് പൂര്ത്തിയായത്.
നടിയെ ആക്രമിച്ച കേസില് ജഡ്ജ് ഹണി എം വര്ഗ്ഗീസിന്റെ അപേക്ഷയില് വിചാരണ പൂര്ത്തിയാക്കാന് ആറ് മാസമായിരുന്നു സുപ്രീം കോടതി അനുവദിച്ചത്. ഈ സമയ പരിധി ഈ മാസം 31 ന് അവസാനിക്കും. സാക്ഷി വിസ്താരം അന്തിമഘട്ടത്തിലാണെങ്കിലും വിചാരണ പൂര്ത്തീകരിക്കാന് ഇനിയും സമയം വേണ്ടിവരും. ഈ സാഹചര്യത്തില് വിചാരണക്ക് കൂടുതല് സമയം ആവശ്യപ്പെട്ട് ജഡ്ജ് ഉടന് സുപ്രീം കോടതിയെ സമീപിച്ചേക്കും. കേസില് മഞ്ജു വാര്യര് ഉള്പ്പടെ 260 സാക്ഷികളുടെ വിസ്താരം പൂര്ത്തിയായി.
അതേസമയം, കുറച്ച് ദിവസങ്ങള്ക്ക് മുമ്പ് ദിലീപിന്റെ ജാമ്യം റദ്ദാക്കണമെന്ന് ആവശ്യപ്പെട്ട് സര്ക്കാര് നല്കിയ ഹര്ജി ഹൈക്കോടതി തീര്പ്പാക്കി. ജാമ്യം റദ്ദാക്കേണ്ടെന്ന വിചാരണക്കോടതി വിധി ഹൈക്കോടതി ശരിവെച്ചു. ജസ്റ്റിസ് സോഫി തോമസിന്റെ ബെഞ്ചാണ് വിധി പ്രസ്താവിച്ചത്.ജാമ്യത്തില് പുറത്തിറങ്ങിയതിന് ശേഷം സാക്ഷികളെ സ്വാധീനിക്കാന് ദിലീപ് ശ്രമം നടത്തിയെന്നും തെളിവുകള് അട്ടിമറിക്കാന് ശ്രമിച്ചു എന്നും ആരോപിച്ച് ്രൈകംബ്രാഞ്ചാണ് ഹൈക്കോടതിയെ സമീപിച്ചത്.
എന്നാല് ്രൈകംബ്രാഞ്ചിന്റെ ഹര്ജി തള്ളിയ ഹൈക്കോടതി, കോടതി പരാമര്ശങ്ങള് വിചാരണയെ ബാധിക്കാന് പാടില്ല എന്നും നിര്ദേശിച്ചു. ജസ്റ്റിസ് സോഫി തോമസിന്റെ സിംഗിള് ബെഞ്ചാണ് ഉത്തരവ് പുറപ്പെടുവിച്ചത്. നടിയെ ആക്രമിച്ച് ദൃശ്യങ്ങള് പകര്ത്തിയ കേസിലെ സാക്ഷികളെ സ്വാധീനിച്ചതിനും തെളിവുകള് നശിപ്പിച്ചതിനും ദിലീപിന് എതിരെ തുടരന്വേഷണത്തില് തെളിവ് ലഭിച്ചെന്നും അതിനാല് ജാമ്യം റദ്ദാക്കണം എന്നുമായിരുന്നു ്രൈകംബ്രാഞ്ച് ഹര്ജിയില് ചൂണ്ടിക്കാട്ടിയത്.
തെളിവുകള് നശിപ്പിക്കരുതെന്നും സാക്ഷികളെ സ്വാധീനിക്കരുതെന്നുമുള്ള ജാമ്യ വ്യവസ്ഥ ദിലീപ് ലംഘിച്ചെന്നും ഹര്ജിയില് പറഞ്ഞിരുന്നു. കേസില് സാക്ഷികളായ വിപിന്ലാല്, ദാസന്, സാഗര് വിന്സെന്റ്, ഡോ. ഹൈദരാലി, ശരത്, ജിന്സന് തുടങ്ങിയ പത്തോളം സാക്ഷികളെ ദിലീപ് സ്വാധീനിച്ചതായാണ് ഹര്ജിയിലെ ആരോപണം. നേരത്തെ ഇതേ ആവശ്യവുമായി ്രൈകംബ്രാഞ്ച് വിചാരണ കോടതിയെ സമീപിച്ചിരുന്നെങ്കിലും കോടതി ഇത് തള്ളിയിരുന്നു.
ഇതോടെയാണ് ഹൈക്കോടതിയെ സമീപിച്ചത്. തെളിവുകള് പരിശോധിക്കാതെയാണ് നേരത്തെ ജാമ്യം റദ്ദാക്കണമെന്ന ആവശ്യം വിചാരണ കോടതി തള്ളിയതെന്നും സാക്ഷികളെ സ്വാധീനിച്ചതിന് തെളിവായ ശബ്ദ സന്ദേശങ്ങള്ക്ക് ആധികാരികതയില്ലെന്ന പരാമര്ശം തെറ്റാണെന്നും പ്രോസിക്യൂഷന് ഹൈക്കോടതിയില് വാദിച്ചിരുന്നു. അതേസമയം തന്റെ ജാമ്യം റദ്ദാക്കണമെന്ന ഹര്ജിയില് സര്ക്കാര് ഉന്നയിക്കുന്ന ആരോപണങ്ങള് അടിസ്ഥാന രഹിതവും മുന്പ് പലതവണ കോടതി തള്ളിയതുമാണെന്നായിരുന്നു സത്യവാങ്മൂലത്തില് ദിലീപ് ഹൈക്കോടതിയെ അറിയിച്ചത്.
അന്വേഷണ സംഘത്തലവനായ ഡിവൈഎസ്പി ബൈജു പൗലോസിന്റെ വിസ്താരമാണ് ഇപ്പോള് പുരോഗമിക്കുന്നത്. 2020 ജനുവരി മുപ്പതിനായിരുന്നു വിചാരണയുടെ തുടക്കം. വിചാരണക്കിടയില് സിനിമാ താരങ്ങള് ഉള്പ്പടെ 19 സാക്ഷികള് മൊഴിമാറ്റി. വിചാരണ നീതിപൂര്വ്വമല്ലെന്ന് ആരോപിച്ച് രണ്ട് പ്രോസിക്യൂട്ടര്മാര് രാജിവെച്ചു. തുടര്ന്ന് അതിജീവിതയുടെ ആവശ്യപ്രകാരം വി അജകുമാറിനെ സ്പെഷ്യല് പബ്ലിക് പ്രോസിക്യൂട്ടറായി സര്ക്കാര് നിയമിച്ചു.
അതിനിടയിലാണ് സംവിധായകന് ബാലചന്ദ്രകുമാറിന്റെ വെളിപ്പെടുത്തല് റിപ്പോര്ട്ടര് പുറത്തുവിട്ടത്. കേസില് വഴിത്തിരിവാകുന്ന തെളിവുകള്കൂടി പുറത്തുവന്നതോടെ തുടരന്വേഷണം നടത്തി ഒരാളെ കൂടി കേസില് പ്രതി ചേര്ത്തു. കൃത്യം നിര്വ്വഹിച്ച പള്സര് സുനി, സിനിമാ താരം ദിലീപ് ഉള്പ്പടെ പതിനഞ്ച് പേരാണ് കേസിലെ പ്രതികള്. ആക്രമിക്കപ്പെട്ട നടിയോട് ദിലീപിന് മുന്വൈരാഗ്യമുണ്ടെന്നാണ് അന്വേഷണ സംഘത്തിന്റെ കണ്ടെത്തല്. 2017 ഫെബ്രുവരി 17 നാണ് എറണാകുളത്ത് നടി ലൈം ഗികാതിക്രമത്തിന് ഇരയായത്.
