14 വര്‍ഷത്തിനിടയില്‍ ഒരിക്കലും അത് സംഭവിച്ചിട്ടില്ല, വഴിപാട് പോലെ അത് നടന്നു! ഒക്ടോബര്‍ 24 ന് സംഭവിച്ചത്, അത് കണ്ടപ്പോള്‍ എനിക്ക് പേടിയായി; മഞ്ജുവിന്റെ തുറന്ന് പറച്ചിൽ

1995 ൽ പുറത്ത് ഇറങ്ങിയ സാക്ഷ്യം എന്ന ചിത്രത്തിലൂടെയാണ് മലയാള സിനിമയിൽ മഞ്ജു വാര്യർ അരങ്ങേറ്റം കുറിച്ചത്. ചുരുങ്ങിയ കാലം കൊണ്ട് സിനിമയിൽ തന്റേതായ സ്ഥാനം ഉറപ്പിക്കാൻ മഞ്ജുവിന് കഴിഞ്ഞിരുന്നു. സല്ലാപം എന്ന ചിത്രത്തിലൂടെ നായികയായി എത്തുകയും ചെയ്തു. സിനിമയിൽ മഞ്ജുവിന്റെ ‘രാധ’ എന്ന കഥാപാത്രം ഇന്നും പ്രേക്ഷകരുടെ ഇടയിൽ ചർച്ച ചെയ്യപ്പെടാറുണ്ട്. 1998 ൽ നടൻ ദിലീപിനെ വിവാഹം ചെയ്ത ശേഷം മഞ്ജു മലയാള സിനിമയിൽ നിന്ന് നീണ്ട ഇടവേള എടുക്കുകയായിരുന്നു. പലപ്പോഴും മഞ്ജുവിൻ്റെ തിരിച്ച് വരവ് പ്രേക്ഷകർ ആഗ്രഹിച്ചിരുന്നു. പതിനാല് വര്‍ഷത്തോളം സിനിമയില്‍ നിന്നും മാറി നിന്നതിന് ശേഷമാണ് നടി ശക്തമായ തിരിച്ച് വരവ് നടത്തിയത്. അപ്പോഴും ആരാധകർ ഇരു കയ്യും നീട്ടി പ്രേക്ഷകർ സ്വീകരിക്കുകയായിരുന്നു.

സിനിമയിലേക്ക് വരാനായിട്ടല്ല അന്ന് ഡാന്‍സ് ചെയ്തതെന്ന് മഞ്ജു വാര്യര്‍ പറയുകയാണ്. ഫ്‌ളവേഴ്‌സ് ഒരുകോടിയില്‍ പങ്കെടുത്തപ്പോഴായിരുന്നു മഞ്ജു വാര്യര്‍ വിശേഷങ്ങള്‍ പങ്കുവെച്ചത്.

ആളുകള്‍ക്ക് എന്നോട് പ്രത്യേകമായൊരു സ്‌നേഹമുണ്ട്. 14 വര്‍ഷത്തിന് ശേഷമായാണ് തിരിച്ചുവന്നത്. അന്ന് ഡാന്‍സ് ചെയ്യുമ്പോള്‍ സിനിമയിലേക്ക് വരണമെന്നൊന്നും ആഗ്രഹിച്ചിട്ടില്ല. അങ്ങനെയൊരു പ്ലാനൊന്നുമുണ്ടായിരുന്നില്ല. ആ സമയത്ത് അങ്ങനെയൊരാഗ്രഹം തോന്നി അതങ്ങ് ചെയ്തു. ആ 14 വര്‍ഷത്തിനിടയില്‍ ഒരിക്കല്‍പ്പോലും ഡാന്‍സ് ചെയ്തിട്ടില്ല. അമ്പലത്തില്‍ തൊഴാന്‍ വന്നവര്‍ നോക്കിയിട്ട് പോവുമെന്നാണ് കരുതിയത്. ഒരു വഴിപാട് പോലെയായാണ് അവിടെ ഡാന്‍സ് ചെയ്തത്.

ഒരു ഒക്ടോബര്‍ 24നായിരുന്നു അത്. വിദ്യാരംഭമായിരുന്നു അന്ന്. ഞാന്‍ പ്രതീക്ഷിച്ചതിനും ആയിരം മടങ്ങ് ആളുകളുണ്ടായിരുന്നു അവിടെ. അത് കണ്ടപ്പോള്‍ എനിക്ക് പേടിയായി. ഞാന്‍ കുറേ വര്‍ഷങ്ങള്‍ക്ക് ശേഷം വീണ്ടും പ്രാക്ടീസ് ചെയ്ത് വന്നതാണ്. എന്റെയൊരു ആഗ്രഹത്തിന് ഗുരുവായൂരപ്പനുള്ള വഴിപാട് പോലെയായാണ് അവിടെ ഡാന്‍സ് ചെയ്തത്. പിഴവുകളൊക്കെയുണ്ടായിട്ടുണ്ടാവും. ആ ഒരു ആള്‍ക്കൂട്ടം കണ്ടപ്പോഴും ഡാന്‍സ് കണ്ടപ്പോഴുള്ള പ്രതികരണവും കണ്ടതോടെ എന്നെ ഇപ്പോഴും ആളുകള്‍ ഓര്‍ത്തിരിക്കുന്നുണ്ട് എനിക്ക് മനസിലായി.

യുവജനോത്സവത്തിലെ എന്റെ ചിത്രങ്ങളൊക്കെ കണ്ട് ഒരു കുടുംബസുഹൃത്ത് വഴിയായാണ് എനിക്ക് സിനിമയില്‍ അഭിനയിക്കാന്‍ അവസരം ലഭിച്ചത്. അഭിനയം എന്താണെന്നറിയില്ല, പരീക്ഷിച്ച് നോക്കാമെന്ന് കരുതിയായിരുന്നു. അതിന് ശേഷമായാണ് സല്ലാപത്തിലേക്ക് വന്നത്. പ്രത്യേകിച്ചൊരു പ്ലാനിംഗുമില്ലാതെയായാണ് അന്ന് അഭിനയിച്ചത്. ഇപ്പോഴും അങ്ങനെ തന്നെയാണ്. ഒഴുക്കിന് അനുസരിച്ച് പോവുന്ന ശൈലിയാണ് തന്റേതെന്നും മഞ്ജു പറയുന്നു

മീനാക്ഷിയെ ഡാന്‍സ് പഠിപ്പിക്കാനായി വന്ന ഗീത ടീച്ചറായിരുന്നു മഞ്ജുവിനേയും പഠിപ്പിച്ചത്. വര്‍ഷങ്ങള്‍ക്ക് ശേഷമുള്ള ഇടവേള അവസാനിപ്പിച്ചത് അങ്ങനെയായിരുന്നു. മകള്‍ ചുവടുവെക്കുന്നത് കണ്ട് ഇഷ്ടത്തോടെ നോക്കിനില്‍ക്കുകയായിരുന്നു. പിന്നീടാണ് ടീച്ചറോട് എന്നേയും പഠിപ്പിക്കാമോയെന്ന് ചോദിച്ചത്. സന്തോഷത്തോടെയാണ് ടീച്ചര്‍ സമ്മതിച്ചത്. അച്ഛനും അമ്മയ്ക്കും ഏറെ സന്തോഷം നല്‍കിയ തീരുമാനമായിരുന്നു ഇതെന്നും മുന്‍പ് മഞ്ജു വാര്യര്‍ പറഞ്ഞിരുന്നു.